Kli Smalkanka 22:9 - DAWAN BÎLA AISKA

⁹ “Man nani wainkam mangkaia nasla ra saumuk wala nani sin mangkpara, kan mâ krikaia piua ra mâ pain maikbia apia, wainkam mâ nani ba sauhkbia.

Kli Smalkanka 22:9 ပူးပေါင်းရင်းမြစ်များ

Libait Lâka 19:19

“Lâika nani ba alki dauki bas. “Daiwram nani ba, daiwan wala ai sâtka apia ba wal yarka taibiara. “Namsla ra saumuk sât sât miks dauki mangkpara. “Kwala mapla sât sât daukan ba dimpara.

Matiu 6:24

“Upla kumi sin dawan wâl dukia sip daukras, kan kumi ra misbara kaikbia, bara wala ra latwan kaikbia; kumi ra kasak kulkbia, wala ra bahki kulkbia. Man nani sip apia sma Gâd bara lalah wal dukia daukaia.

Matiu 9:16

“Upla kumi sin kwala almuk kum ra kwala raya ra sip mangkras, kan raya ba mita kwala almuk ba aubi kalkisa, bara kalwanka ba kau tara takisa.

Roman 11:6

Bamna Gâd latwanka lâka ba mita sa kaka, nanara upla mita dîa daukaia sip yaba tâka mita lika apia; kan upla dauki ba mita kaka, baha lika Gâd latwanka ba kasak pali latwan lâka tânka apia sa.

2 Korint 1:12

Diara kum bâra sa wan kupia âuyapah daukisa, bara baha sika: wan kupia lukanka ba mita wan wisa, yang nani lika naha tasba ra holikira lâka ra bara kunin tânka âpu kira watauki banhri sa; bara kau pali lika man nani tilamra. Baku kaia tânka ba lika, yang nani sinski ba mita lika apia, sakuna Gâd ai kupia latwanka lâka tara ba mita sika.

2 Korint 11:3

Kuna si brisna piuta ai kuninka ba ni Iv ra kunin munan ba baku, swirka man nani ra sin kunin mai munbia, bara kupiam lukanka kumi ba bara sunu kaia lâka Kraist tani brisma ba sin swima.

Kli Smalkanka 22:8

“Upla kum kra utla raya kum paskaisa kaka, barandika mawan ba kutbi lakbia, baku lika sip sa tamya ba pâtkas kaia upla kum baha kauhi prubia kaka.

Jems 3:10

Sim bîla wina mayunra nani bara lahtuban nani sin takisa. Muihki nani, naha na naku kaia sip apia sa.