Kli Smalkanka 2:7 - DAWAN BÎLA AISKA

⁷ Dawan bara man nani Gâdkam man nani diara sut daukram ba purara, ai yamnika maikan. Mani 40 witin ba man nani wal kan, main mai kaikan, upla iwras tasbaya tara ra, sakuna bahara man nani diara kumi sin luha apia kapram.

Kli Smalkanka 2:7 ပူးပေါင်းရင်းမြစ်များ

Blasi Sturka 12:2

Bara man kiamkam wina yang nisan tara kum daukamni, yamni mai munamni, ninam tara daukamna, man ba yamnika kum kama upla wala nani dukiara.

Blasi Sturka 24:35

Dawan mita yang dawanki ra uya yamni pali munan bara yuyakira pali daukan: sîp bara bîp nani, silbar, gul, alba waitna bara alba mairin nani, kiamil nani, biriku nani sut ailal yaban.

Blasi Sturka 26:12

Bara baha manka ba, Aisak baha tasbaya ra insla dauki mâ mangkan, plun pain sakan. Dawan ai yamnika witin ra yan bamna,

Blasi Sturka 30:27

Sakuna Labán pana win: —Apia pali, man mahka wapara, yang wal ban takaski bas. Yang aman luki kaikri, man nâra bal takaskram ba ra luki, Dawan bui yang ra yamni ai munan sa.

Blasi Sturka 39:3

Ai dawanka ba baha tânka brin, Dawan ba Josep wal ba mita witin diara sut dauki ba yamni baman taki kan.

Blasi Sturka 39:5

Potifar bui Josep mihta ra ai dukia nani sut mangki swin yua ba wina, Dawan bui Potifar ra yamni munan, ai watla bilara bara ai nasla nani ra sin.

Nihimaya 9:21

Mani 40 upla iwras tasbaya ra plun dakaki kapram, diara kumi sin luha witin nani apia kan; prâka nani sin sip almuk takras kan, bara ai mina nani sin puskras kata.

Job 23:10

Mini lulkanka bani witin kaikisa, tâinka pliki kaikbia kaka, aihwa kamna gul aihwa ba wal baku.

Lawana Nani 1:6

Dawan bui kasakkira nani yabalka main kaikisa; sakuna upla watawi nani yabalka lika sauhki tikaia ra brih wisa.

Lawana Nani 107:4

Tiwi watauki banhwi katma upla iwras auhya tasbaya ra, yabal kumi sin sakras kapram ani tawanka ra iwaia.

Lawana Nani 31:7

Lamtwanka lâka ba âuyapah bara lilia ai sakisa. Man sairka nani ba kaikram, pâtki nani ba sin man sut kaikram;

Lawana Nani 90:17

Dawan, yawan wan Gâdka, kupiam yamnika ba yang nani purira kabia. ¡Dawan, wan warkka nani ba aitani wisa! ¡Âu Dawan, wan warkka nani ba aitani wisa!

Impakan Sturka 16:35

Israel luhpia nani ba upla iwras ba tasbaya ra 40 mani manâ baman pi kan, Kenan tasbaya piarkika upla iwi kan ba tasbaya lamara balan ba kat.

Jirimaya 2:2

“Jerusalem tawanka tara ra was bara aisas; wini karna aisas witin nani pain walbia: ‘¡Dawan naku aisisa! Kupi krawisa man tiara katma piua ba, mayi mai briri bara man wapni kapram, latwan ai kaiki katma bara upla iwras tasbaya bâk nini blikram, baha tasbaya ra diara pâwaia mangkras kan ba.’

Oseas 13:5

Yang main mai kaikri lapta baman upla iwras tasbaya nani ra.

Emus 2:10

Yang bui Idsip tasbaya wina man nani mai sakri, mani 40 upla iwras tasbaya bâk mai brih tampahki kapri, witin nani tasbaya ba man nani ra maikaia dukiara.

Kulki Kaikanka 1:1

Israel luhpia nani Idsip wina takan pat mani wâl aimakaia lamara kan, baha manka ra kati wâl aimakan yua pas ba, Dawan bui Moses ra aisin Sainai upla iwras tasbaya ra, Dawan wal aisaia tintka watla ra, bara Gâd bui witin ra win:

Kulki Kaikanka 14:33

Luhpiam nani ba naha upla iwras tasbaya ra 40 mani sepad nani baku tauki kabia. Baku man nani lukraskam lâka brisma ba mana witin nani aibapbia, man nani sut naha upla iwras tasbaya ra pruma ba kat.

Kulki Kaikanka 14:34

Man nani yu yawanaiska wâl baha kuntrika tânka ba yukuwi kaiki kapram; baha baku sin mani yawanaiska wâl pâtkam wirhika ba twilki tauki kama. Yu kumi ba, mampara mani kum takbia, bara yang klailka ba bri banhma.’

Kulki Kaikanka 22:12

Bara Gâd Balaam ra win: —Man lika witin nani wal wapara, baha uplika nani ra sin saura wipara, kan yang mita baha uplika nani ra yamni wîri sa.

Kulki Kaikanka 32:13

Bamna Dawan bui Israel luhpia nani ra lawi daukan, 40 mani upla iwras tasbaya ra wapi tauki kan, Dawan mapara saura daukan nani ba sut prui tiwan ba kat.

Luk 22:35

Jisas disaipil nani ra makabi walan: —Yang bui man nani ra sakbat âpu, lalah watla âpu, sûs sin âpu mai blikri waram ba ra, ¿diara luha apia kapram ki? Bara witin nani bila: —Diara kumi sin apia.

Jan 10:27

Sîpki nani ba bîli baikra pain walisa; yang bui witin nani ba kakaira sna, bara witin nani nini blikisa.

Kli Smalkanka 1:19

“Yawan Horeb wina takan ba wina amorreo nani ilka nani ra impakan, Dawan Gâd adar wankan ba bîla wali dauki. Baha upla iwras tasbaya tara, sibrinkira pali man nani kaikram yaba, yawan sut bâk wataukan, Cadés-barnea ra balan ba kat.

Kli Smalkanka 1:46

Baha tâka mita man nani piua wihka Cadés tasbaya ra iwi kapram.

Kli Smalkanka 2:14

“Yang nani Cadés-barnea wina taki, Zéred tingnika lui banhri ba kat, 38 mani alkan, Dawan swer taki aisin ba baku, waitna nani war aiklabi tauki kan ba sut prui tiwan ba kat.

Kli Smalkanka 2:6

Man nani patam witin nani wina atki bris, dîa want sma ba sut, lî dima mana ba sin aibaps.’

Kli Smalkanka 29:4

Sakuna nanara kat sin, Dawan mita maikras sa kupiam ra, bara sinskam ra baha tânka nani ba luki pliki kaikaia.

Kli Smalkanka 29:5

Bara upla iwras tasbaya nani bâk 40 mani ba yang tâm bri kapri, bara bahara kwalkam, sûskam dukiara aisaras kapram.

Jasua 5:6

Israel luhpia nani ba upla iwras tasbaya bâk 40 mani watauki kan bamna, war aiklabaia manka bri kan waitnika nani ba sut pruan. Baha waitnika nani ba Dawan lâ daukan bîla ba wali daukras kan, baha mita Dawan bui witin nani ra swer taki win, tasba ai damika nani ra yabaia win ba tasbaya ra baha nani dimbia apia; baha tasbaya ra sika tialka laya bara nasma laya lî laiwi baku laiwisa.