Kli Smalkanka 2:5 - DAWAN BÎLA AISKA

⁵ bara man nani lika witin wal unsapara, kan baha tasbaya wina yang pîs kum sin maikaia apia sna, kan Seír ilka tasbaya nani ba Isau kiamka nani tasbaya yang yabri.

Kli Smalkanka 2:5 ပူးပေါင်းရင်းမြစ်များ

Blasi Sturka 36:8

Baha ba mita sika Isau nina wala Edom mâkan ba, witin baha wina mahka taki wan Seír tasbaya ra, il walpa nani tilara iwaia.

Blasi Sturka 36:9

Naha nani sika Isau kiamka nani ba, Edom aisika almukka nani ba, Seír tasbaya il nani tilara iwi kan ba.

Jirimaya 27:5

Yang karniki tara ba param mariki tasba na paskri, upla nani, daiwan nani diara sut bilara ba sin, bara yaura baha yabaia lukisna ba ra yabisna.

Isikiel 35:2

“Seír ilka ra kli tawi was bara witin mapara aisas yang nini ra.

Daniel 4:25

Bara king, man lika upla nani tila wina taki wih daiwan nani tilara takaskma, twi pi kama, wark bîpka nani baku, bara diwas laya ba man puramra kauhi kabia. Baku kama king man mani 7 baha piua man tânka brima ba Gâd Laih Purara iwi ba tasba kingka nani purara king kaia mangki ba.

Daniel 4:32

Upla nani tila wina taki daiwan nani tilara takaskma; bîp wainhka nani baku mani 7 twi pi kama, Gâd baman nisan nani sut purara karnika bri ba tânka brima ba kat, bara witin sika naha tasba ra, ya king kaia ba mangkisa.”

Apastil Nani Sturka 17:26

‘‘Waitna kumi wina baman witin bui nisan nani sut paskan, baha nani ba tasba aiska ra iwbia dukiara; bamna piua ba bara anira witin nani iwaia ba sin marikan sa,

Apastil Nani Sturka 7:5

Sakuna Gâd mita naha tasbaya ra witin ai dukia pali lika kau yaras kan, ai mina kahbaia pliska kum sin apia. Ban sakuna, Gâd pramis munan tasbaya na witin ra yaia, bara prubia ningkara ai kiamka nani dukia kabia. Baha piua ra Ebraham luhpa nani kau âpu pali kan.

Kli Smalkanka 2:22

Baha uplika nani trabil brin ba, Isau kiamka bui Hor uplika nani Seír tasbaya ra iwi kan âpu dauki witin nani baha tasbaya brih iwan ba wal baku sa.

Kli Smalkanka 2:6

Man nani patam witin nani wina atki bris, dîa want sma ba sut, lî dima mana ba sin aibaps.’

Kli Smalkanka 32:8

Yu kum Laih Purara iwi ba nisan nani tasbaya yabaia kan ba ra, tawan piarkika ba wapni kulki kaikan, kuna Israel luhpia nani dukira luki kan,

Jasua 24:4

bara Aisak ra luhpia wâl yâri, Jekob bara Isau. Bara Isau ra Seír tasbaya ilka unta biara ra ba yâri, sakuna Jekob bara ai luhpia nani wal lika Idsip ra wan.