Kli Smalkanka 18:9 - DAWAN BÎLA AISKA

⁹ “Dawan Gâdkam bui baha kuntrika maikaia win ba ra dimma taim, nisanka daukanka saura nani wal prawpara.

Kli Smalkanka 18:9 ပူးပေါင်းရင်းမြစ်များ

2 King Nani 17:11

bara baha pliska ra dus kîa pain nani ba angkan upla sut ai natka baku, ai tasbaya wina kangbi sakan sainka Dawan brin daukras dukia nani daukan, baha tâwan sika pat witin nani ra kangbi sakan ba diara saura uya dauki kan mita, baku Dawan kupia sauhki banhwi kan.

2 King Nani 17:8

bara upla sât wala nani lukanka ra baman tauki kan, baha tawanka nani sika Dawan bui witin nani ai mawan wina kangbi sakan ba ai kupia ra briras kan, baku sin Israel kingka nani mita lâ nani bapan kata ba.

2 Kronikas 28:3

bara Ben-hinom il langnika ra sakripais dauki dus mâka kîa nani angkan, saura dadaukra nani Dawan mita Israel luhpia nani mawan wina kangbi sakata ba.

2 Kronikas 36:14

Juda tâ uplika nani sin, prîs nani bara tawan uplika nani sut sin, Dawan wina laihura takan, aidul ra mayunan nisan wala nani baku, Dawan tempelka kulkras kan, baha witin wahbi sakan kan ba Jerusalem ra ai pliska holikira baku.

Jirimaya 10:2

Dawan ba aisisa: “Nisan wala nani daukanka natka ba nina blîkpara, kasbrika ra sain nani taki ba kaiki sirang iwpara, baha nisanka nani ba kaiki sirang iwi ba baku.

Libait Lâka 18:30

Bamna lâika nani ba alki lan taks bara saurka ra kauhpara, wala nani kainamra kauhan ba baku, witin nani wal sin tâski takpara. Yang sika man nani Dawan Gâdkam.”

Kli Smalkanka 20:18

bara baku witin nani ai gâdka bahki nani ra mayuni diara saura nani dauki ba mai smalkbia apia, bara mai munbia Dawan Gâdkam mapara saura daukaia.

Kli Smalkanka 9:4

Dawan Gâdkam mita man nani mamwan wina witin nani saki lulkbia ba ra, man nani mânkam tilamra wipara: ‘Naha na wan dukia briaia kan ba wankan bara tingki, Dawan wina naha kuntri na wan pliska wankan’; kan witin nani saura daukan ba tâwan Dawan mita kangbi sakan.

Kli Smalkanka 9:5

Prisant nani ba dukiara apia man nani ra umpira mai kaikan, ai kuntrika ra man nani pliskam brisma ba. Dawan bui man nani mamwan wina saki lulkisa, witin nani ai saurka tâwan. Bara Ebraham ra, Aisak ra bara Jekob ra, man nani damikam nani ra pramis daukan ba daukbia.