Kli Smalkanka 18:2 - DAWAN BÎLA AISKA

² Witin nani ba, uplikam wala nani baku ai tasbaya bribia apia, kan Dawan aisin ba baku, Dawan ba witin nani ai prapatika kabia.

Kli Smalkanka 18:2 ပူးပေါင်းရင်းမြစ်များ

Blasi Sturka 15:1

Naha diara nani sut ba ningkara Dawan bîla ba Ebram ra balan, bara diara aihka kaikan ra witin ra win: —Ebram, man si bripara, kan yang sika pât tara nani wina man kainam kakahbra sna ba. Man mamna ba sin tara pali kabia.

Lawana Nani 119:57

Man Dawan, man baman mai brisni; yang pramis munri, man bîlam nani ban bri dauki kaia.

Lawana Nani 16:5

Dawan, man, yang mai brisni diara sut tani ra; man yamnikam nani ni ai banhkisma, yang rayaki ba man mihtam ra sa.

Lawana Nani 84:11

Kan Gâd sika Dawan, witin ingni wankisa bara aihwaki wan kaikisa; Dawan latwan wan kaikisa bara wan kulkisa baha nani ai raya klin brih iwi ba, bara yamni ba bahki kulkras.

Aiseya 61:6

Bara man nani ba, Dawan prîska nani mai win kabia, yawan wan Gâdka napakanka nani mai win kabia. Nisan nani dukia kukanka ba wina man nani pima, bara witin nani ai prana ba wina man nani pramna daukma.

Inanka Nani 3:24

Bara yang wisni: ¡Dawan ba sika, yang ra diara sut ba; baha mita yang bui witin ra kasak lukisna!

Isikiel 44:28

“Yang baman kamna, ai kukanka baku briaia prîs nani ba. Israel ra kukanka yaban kabia apia. Yang sika witin ai dukia kukanka sna bamna.

Kulki Kaikanka 18:20

Bara Dawan bui Eran ra win: “Man lika Israel luhpia nani tilara tasba brima apia, baku sin diara wala nani âpu kama. Sakuna man diara sut briaia sma ba, yang maiki kamna.

Kulki Kaikanka 18:7

sakuna man nani bara luhpiam nani baman sip sma prîs warkka ba daukaia, baha kîa pain angkaia watlika ra, kwala paman ba nina tani ra; baha warkka nani ba man nani mihtam ra sa, bamna prîs warkka daukaia yang mita mihtam ra mangkri. Ani uplika prîs apia, sakuna ban prîs warkka daukbia kaka, witin ba pruaia pâtka ra lakan kabia.”

Kli Smalkanka 10:9

Baha mita, Libait nani ai muihni nani wal baku diara briras, kan Dawan ba witin nani ai dukia brin, Dawan witin aisin ba baku.)

Jasua 13:14

Moses mita Libai kiamka ra tasba yaras, kan naha dukiara Dawan ra ai prisantka angkaia kulki ba lâka kat, Israel Gâdka witin mita wisata ba baku.

1 Pita 2:5

Naha natka ra, Gâd bui man nani ra, walpa rayakira nani baku, spirit tempelka kum mai daukbia, prîs holikira nani, Jisas Kraist bâk spirit sakripaiska nani dauki yaia, Gâd ra yamni kabia.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.