Kli Smalkanka 17:5 - DAWAN BÎLA AISKA

⁵ Bara baha saurka daukan uplika ba, tawan wihtka mawan ra brih wabia, bara walpa ni sabi ikbia.

Kli Smalkanka 17:5 ပူးပေါင်းရင်းမြစ်များ

Job 31:28

Naha na yamni kabia klala briaia; baha kasbrika purara Gâdka ba bahki sakisa.

Impakan Sturka 22:19

“Yamna daiwan kum wal yapbia kaka, witin ba lâka aisi dauki ikan kaia sa.

Libait Lâka 20:2

“Naha bîla nani na Israel luhpia nani ra wis: “Israel luhpia nani kum, apia kaka tringsar kum Israel tasbaya ra iwi ba, ai luhpia nani Moloc ra yabia kaka, upla wala nani mita uplika ba walpa ni sabi ikbia.

Libait Lâka 24:14

“Yang ra saura ai win waitnika ba kiamp wina sâks, bara ya baha sturka walan nani ba sut ai mihta waitnika lal purara kahbia bara tawan uplika nani sut bal walpa ni sabi ikbia.

Kli Smalkanka 13:5

Bara baha prapitka, apia kaka yapi kakairika ba pât ra lakan kabia, Dawan mapara buaia mai smalkan bamna, witin bui Idsip ra alba ra mai dingkan kan wina pri mai sakan ba, bara Dawan Gâd mita yabal nani mamriki adar maikan, baha nani wina tnaya ra tawaia. Baku lika saura lâka man nani tilamra ba, âpu daukan kabia.

Kli Smalkanka 17:4

man nani tânka brima taim, pain tânka pliks rait pali Israel ra naha lâka saura ba daukan sa sapa.

Kli Smalkanka 21:21

Baku sa kaka, tawan waitnika sut mita walpa ni sabi ikbia. Baku lika man nani tawankam ra saurka lâka bâra ba âpu kabia, bara Israel uplika baha wali bara si bribia.

Kli Smalkanka 22:21

saura lâka tara pali dauki Israel purara ai aisa watla bilara sin swira lâka bri balan ba ra, aisika watla bîla wina saki latara bri si, tawan waitnika nani mita walpa ni sabi ikbia. Baku lika saurka lâka man nani tilamra âpu kabia.

Kli Smalkanka 22:24

tawan lâka watla mawanra wâlsut brih wabia, bahara pât ra laki walpa ni sabi ikbia. Tiarika ba tawan bîla kat kan bara hilp makabras kan ba tâwan, waitnika ba ai uplika maya takaia kan ba kulkras kan ba dukiara. Baku lika saurka lâka man nani tilamra âpu daukma.

Jasua 7:25

Bara Jasua bui Acán ra win: —¿Naha saura lâka tara na, dîa muni man wan purara bri balram? Bamna nanara, naha saurka lâka tara bri balram na mana, Dawan mita saurka ba man puramra batakuya. Witin baha aisin ba ra, Israel luhpia nani sut ba mita Acán ra, luhpia nani, dukia nani sut ba purara walpa ni sabi baha kat iki pauta ni angkan.

Wihta Nani 6:31

Baha uplika nani Joás kutbi bri aisi kan, witin baha nani ra tawi bara win: —¿Man nani Baal tâwan aisaisma, bara witin tâwan aiklabaisma ki? ¡Ya ya kabia, Baal tâwan aisi ba pruaia kaka prubia, kau yu baiwaia lalma kahbras ba ra! Baal ba Gâd kaka, man nani swis witin yakan ai tâwan aisabia, altarka ba sika witin ai altarka kan slingban ba.