Kli Smalkanka 17:2 - DAWAN BÎLA AISKA

² “Tawan nani Dawan Gâdkam maikaia ba tila wina, tawan kum ra waitna kum kra, mairin kra sturka walma, Gâd yamni kaikras ba dukia daukisa, lâka nani ba krikisa,

Kli Smalkanka 17:2 ပူးပေါင်းရင်းမြစ်များ

2 King Nani 18:12

Naha na Dawan ai Gâdka bîla walras kan ba mita sika takan ba, baha purkara sin Dawan wal aisi lâ daukan lâka ba krikan, bara sin Dawan napakanka Moses mita adar nani yaban ba sin krikan kata, baha lâka nani ba witin nani walras kan bara alki sin daukras kata.

2 King Nani 21:3

idan nani gâdka bahki watla nani ai aisika Ezequías mita sauhki tikan kata ba kli paskan; Baal altarka kata ba paskan, Aserá lilka sin kli daukan, Israel kingka Ahab daukan kata ba baku; baha sut purkara slilma nani kasbrika purara nani ra ba ra mayuni prias daukan.

Job 31:28

Naha na yamni kabia klala briaia; baha kasbrika purara Gâdka ba bahki sakisa.

Impakan Sturka 22:19

“Yamna daiwan kum wal yapbia kaka, witin ba lâka aisi dauki ikan kaia sa.

Impakan Sturka 22:20

“Dawan ra baman sakripais dauki yaia kata ba watlika ra, upla kum mita gâd wala nani ra sakripais dauki yabia kaka, witin ba lâka dauki ikan kaia sa.

Jirimaya 31:32

naha lâka blasi damikam nani wal lâ daukri kata ba baku apia, yang bui witin nani mihta wina alki Idsip wina sakri, kan witin nani bui yang lâika kulkras kan, yang pali witin nani Dawanka sna. Yang, Dawan, kasak aisisna.

Jirimaya 34:18

Wihta nani Juda ra, Jerusalem ra, witin watla ra nani ra dukia dadaukra nani, prîs nani ba tawan uplika nani sin yang ra bal aisi lâ kum daukan: bîp wainhka kum iki lilak baiki yabal tnaya bani ra wîna ba swin, bara baha lilak wapi lui witin nani lâ daukan. Sakuna witin nani lâ daukan ba pramis takan ba naika sut krikan.

Isikiel 16:38

Marit lâka sauhkram bara upla ikram dukiara lâmka daukamna, bara kupi sauhkan tara bara lawan tara wal pruaia lâka ra mai lakamna.

Oseas 6:7

“Sakuna yang upliki nani, Adam wal baku sa, lâika witin nani wal daukri ba krikan, bara maipara saura pali daukan.

Oseas 8:1

“Trumpitkam ba puhs, aihwawakra aihwaki kaiki ba baku Dawan uplika nani ba walbia. Kan witin nani wal lâika daukri lâka ba krikan, bara yang smalkanki nani ba mapara buan.

Libait Lâka 20:2

“Naha bîla nani na Israel luhpia nani ra wis: “Israel luhpia nani kum, apia kaka tringsar kum Israel tasbaya ra iwi ba, ai luhpia nani Moloc ra yabia kaka, upla wala nani mita uplika ba walpa ni sabi ikbia.

Libait Lâka 26:15

ban bahki kulki swima, lâ nani ban alki daukras lâika nani ba sut kaikma kaka,

Libait Lâka 26:25

Man nani puramra war bri balamna pana mai munaia lâka ba, yawan wal lâ daukan lâka ba krikisma bamna. Man nani plapi banhma yukuwaia pliska ra tawankam nani ra, sakuna yang siknis nani blikuna bara man nani waihlam mihta ra kauhma.

Kli Smalkanka 17:5

Bara baha saurka daukan uplika ba, tawan wihtka mawan ra brih wabia, bara walpa ni sabi ikbia.

Kli Smalkanka 29:18

Man nani tilamra waitna, mairin, utla bîla uplika, masrakam kra, apia kaka kiamka kra, Dawan wan Gâdka ra lulki swibia apia, baha nisanka gâdka ra mayunaia dukiara. Man nani tilam wina kumi sin dus kum wakia tahplira ba, puisinkira ba baku takpara.

Kli Smalkanka 29:25

Bara pana wibia: ‘Dawan Gâd bui man nani damikam nani wal Idsip wina sakan piua ra lâ daukan kan lâka ba, witin nani lulkan ba mita.

Kli Smalkanka 31:20

Yang mita baha tasbaya tialka laya bara nasma wal lî aubi baku ai damika nani ra yabaia wîri ba ra yarka dimbia piua ra, witin nani plun pih aibanhbia, bara batanbia, bara gâd wala nani ninara wih mayunbia, bara yang ra bahki ai kulkbia, bara yang lâika ba wina dakwi takbia.

Kli Smalkanka 4:23

Sakuna aman kaiks, Dawan Gâd bui man nani wal ai lâka aisi daukan yaba âmya tikpara. Aidul lilka kumi sin daukpara, Dawan Gâd mita waihlam mai kulkan ba,

Hibru Nani 10:28

Upla kum Moses lâka ba bîla lulkuya, bara witnis wâl, apia kaka yumhpa witin mapara sa kaka, umpira kaikras pali uplika ba prura pâtka ra mangkisa.

Jasua 23:16

Dawan man nani wal ai lâka daukan ba daukras sma kaka, gâd bahki wala nani ra mayunma kaka, bara baha nani sin bawma kaka, Dawan ba man nani wal ai kupia sauhkbia, bara pat pali naha tasbaya wina diki mai sâkbia, tasba pain pali maikan sa sakuna.”

Jasua 7:11

Israel luhpia nani saura daukan, witin nani wal lâ daukri lâka ba witin nani sauhkan. Diara nani sut sauhki tikbia wîri ba dukia nani ba, witin nani ai dukia brin. Witin nani saura daukuya ba tânka bri kan, sakuna ban implikan, baha diara brin nani ba ai tilara yukuki brisa.

Jasua 7:15

Bara ani waitnika baha implikan dukia nani bri ba, witin ai taya nani ba, ai dukia nani ba sut aikuki angki sauhki âpu tikbia, kan witin bui Israel luhpia nani tilara baha swira lâka daukan bara Dawan lâka ra lâ daukan ba kat daukras kan ba tâwan.

Wihta Nani 2:20

Ba mita Dawan ba Israel luhpia nani ba mapara ai kupia sauhki, bara win: “Naha uplika nani na ai damika nani wal yang lâ daukri lâka ba krikisa, witin nani lika yang bîli wali daukras.

Wihta Nani 6:31

Baha uplika nani Joás kutbi bri aisi kan, witin baha nani ra tawi bara win: —¿Man nani Baal tâwan aisaisma, bara witin tâwan aiklabaisma ki? ¡Ya ya kabia, Baal tâwan aisi ba pruaia kaka prubia, kau yu baiwaia lalma kahbras ba ra! Baal ba Gâd kaka, man nani swis witin yakan ai tâwan aisabia, altarka ba sika witin ai altarka kan slingban ba.