Kli Smalkanka 17:1 - DAWAN BÎLA AISKA

¹ “Dawan Gâdkam ra bîp wainhka kra, sîp kra pain apia skahwa pali kaka, sakripais dauki yapara, kan baha ba witin saura pali kaikisa.

Kli Smalkanka 17:1 ပူးပေါင်းရင်းမြစ်များ

Blasi Sturka 41:19

Bara baha nani ninara bîp mairin wala nani 7 awala ba wina bal ulan, mawan saura biawan pali aihwa. ¡Idsip aiska ra baha sât bîpka saura yang kau kaikras pali!

Impakan Sturka 12:5

Daiwra ba, sîp sapa, guts sapa, kum bribia, mani kum bri ba. Bara daiwra wîna ba, sunu bara watawan âpu pali kaia sa.

Sins Lâka 11:1

Paun kunin mangki ba lika, Dawan nakra ra saura pali kaiki kan, kuna paun kat kasak mangki ba, yamni kaikisa.

Sins Lâka 15:8

Upla watawikira nani, daiwan iki angki sakripais dauki ba, Dawan mita saura pali kaikisa; sakuna wapnikira nani pura sunra ba, witin ai lilika sa.

Sins Lâka 20:10

Paun kuninkira, kunin kulki ba sin baha, wâlsut Dawan bui saura pali kaikisa.

Sins Lâka 6:16

Diara 6, apia kaka 7 bâra sa, Dawan mita aiska misbara kaiki ba:

Libait Lâka 1:3

“Baha daiwra aiska angkaia ba, witin ai daiwra tila wina brih aula kaka, bîp wainhka kum, taya sauhkan âpu ba bri balbia. Baha yamni kulki bribia dukiara, daiwra ba tint watla dimaika ba kat dawanka mita bri balbia, upla nani mawanra witin ai prisantka ba Dawan lamara, altar ra bri balbia, witin kaiki ba ra,

Malaquía 1:8

man nani sin lukisma diara saura apia sa daiwan nakra baiwan nani, skahwa nani, sikniskira nani ba yang ra aikaia.” ¡Bahmuna daiwra nani ba tasba wihtka nani ra bri si prisantka yas, witin nani liliakira brih tingki mai wibia sapa!

Kulki Kaikanka 29:8

Daiwan aiska angki kîa pain dauki Dawan ra yaia bamna, bîp wainhka kum, sîp wainhka kum bara sîp lupia mani kumi bri ba 7 iki angkbia, daiwra nani ba taya sauhkan âpu kabia.

Kli Smalkanka 15:21

Sakuna witin pât kum brisa kaka, mina kum kunhku sa, apia kaka nakra âpu, apia kaka diara kum kau âpu sa kaka, Dawan lamara brih wapara.

Kli Smalkanka 23:18

Rug lâka wina lalah sakan ba man nani mita swirka Dawan Gâdkam tempelka ra mangkbiara, baku sâtka ba Dawan pain kaikras sa.

Kli Smalkanka 24:4

mairin ba tâski takan sa kaka, maya waitna pas kata ba sip apia kabia witin wal kli briaia. Naha na Dawan mawanra saura kaikbia, bara Dawan Gâdkam man nani ra kuntrikam dukiam maikuya ba swira daukbia apia.

Kli Smalkanka 25:16

Kan Dawan bui kasakka lâka daukras uplika ba ra saura kaikisa.

Kli Smalkanka 7:25

Man nani bui ai gâdka lilka nani ba angkma, kuna gul nani ba silbar dukiam briaia daukma baha wal takaskaia; baha traika kaikanka ra kauhpara, kan warkkam Dawan bui bahki kulkbia.

Hibru Nani 9:14

Sakuna baku sa kaka, ¡Kraist tâlia ba kau karnika tara pali brisa! Ban kaia Spiritka bâk, Kraist witin ai wîna tara pali ba sakripais tâski âpu baku dauki, Gâd ra yaban. Witin ai tâlia ba mita wark bahki nani ba wina wan kupia dara walra ba klin daukisa, yawan bui Gâd rayakira dukia nani ba daukaia sip kabia dukiara.

1 Pita 1:19

man nani ba Kraist tâlia manakira ni pri mai sakan, witinka sîp ai taya ra watawan âpu bara tâski sin âpu baku kan ba.