Kli Smalkanka 15:4 - DAWAN BÎLA AISKA

⁴ Baku lika man tilamra umpira nani âpu kabia, kan Dawan Gâdkam witin bui yamni mai munbia, baha kuntrika maikaia ba ra,

Kli Smalkanka 15:4 ပူးပေါင်းရင်းမြစ်များ

Sins Lâka 14:21

Ya ai walka ra bahki kulki uplika lika, saura kum daukisa, sakuna upla umpira nani ra yamni muni ba âuyapah kira sa.

Sins Lâka 28:27

Upla umpira ra diara yabi uplika ba, sip diara luha kabia apia; sakuna ai nakra praki tnaya ra laki uplika ba ra kasak lahtuban kabia.

Kli Smalkanka 14:29

Bara Libait nani tasba briras kan ba balbia, apia kaka tringsar nani, rau nani, piarka nani sin, sip kabia ai âuyapah piaia. Baku Dawan Gâdkam bui dîa sut daukma ba yamni munbia.

Kli Smalkanka 15:5

naiwa naha lâka nani yang bui man nani ra maikisna na, main kaiki bara daukaia trai munma kaka.

Kli Smalkanka 28:11

Dawan mita luhpa nani ailal maikbia bara ai kupia pihni lâka mamrikbia. Daiwan ailal maikka sauhma, plun mâ nani sin ailal tasba wina sâkma, damikam nani ra yabia win kan ba.

Kli Smalkanka 3:18

“Sakuna baha piua ra, yang bui man nani ra lâ naku mai smalki kapri: ‘Dawan Gâdkam naha tasbaya nani sut man dukiam briaia maikan sa. Israel luhpia nani, man nani tilam wina pat kupia karna takan, war aiklabaia sip nani ba, man nani kainamra blîkka wabia aiklabaia dukia nani bri, Jordan awala baila wala ra luaia.

Kli Smalkanka 4:21

Ban sakuna, Dawan lika man nani pâtkam dukiara yang ra ai kupia sauhkan. Swer takan yang Jordan awala luamna apia, tasba man nani dukiam maikaia win ba ra sin dimamna apia.