Kli Smalkanka 13:4 - DAWAN BÎLA AISKA

⁴ Dawan Gâdkam ra baman mayuni asla witin ra iwi, ai nina bliki bas.

Kli Smalkanka 13:4 ပူးပေါင်းရင်းမြစ်များ

2 King Nani 23:3

Bara king ba utla playa ba kat buan, bara Dawan ra pramis takan, bîla wali daukaia kasakka lâka kat. Ba purkara sin ai lâka bîla nani ba alki daukaia win, bara ai adarka nani ba sin sut bara lâ wal daukan ba aitani kat daukaia, baku sin dîa pali baha wauhkataya ra ulban ba tânka kat. Bara upla nani sut asla takan nani kan ba, aitani sa kulkan baha aisi daukanka ba.

2 Kronikas 34:31

Ningkara king ba utla playa bâra kan ba ra buan, Dawan mawanra pramis takan bîla wali daukaia, kasak lâka ra daukaia, ai kupia aiska, lâka bîla nani dîa baha wauhkataya ra ulban ba kat.

Jirimaya 7:23

Yang bui witin nani ra wîri ba lika yang bîli wali kaia bara yang lika witin nani ai Gâdka kamna, baku witin nani sin yang upliki nani kabia. Bamna yang dîa aisari ba witin nani dîa daukaia wîri ba baku dauki kaia, diara yamni witin nani takaia mata.

Miqueas 6:8

Dawan bui man ra pat mai win, dîa ba yamni daukaia tânka bara dîa man wina bîla kaiki ba. Bamna naha pali sika, man daukaia witin mamkabi yaba: kasakka lâka daukma, kupia pihni lâka ba, latwan kaikma, bara Gâdkam mawanra bawikira kaia sma.

Luk 1:6

Witin nani wâlsut Gâd mawanra upla kasakkira kan, Dawan lâka nani bara ai adarka nani sut ba bîla wali dauki kan; baha mita upla kumi sin witin nani ra diara aihka kumi sin sip sakras kan.

Roman 6:13

Bamna wînam tara ba saurka lâka mihta ra mangks, sim saura daukaia dukia kum baku. Sakuna, wînam ba Gâd mihta ra mangki banhs, sim upla kumi pruan bara ningkara kli raya takan ba baku. Gâd mihta ra wînam ba mangks, sim diara pain daukaia dukia kum baku.

1 Korint 6:17

Sakuna upla kum Dawan ra asla takuya kaka, wâl ba kumi takisa spirit mapa ra.

Kli Smalkanka 10:20

“Dawan Gâdkam bîla wali dauki bas, bara witin ra baman mayuni bas; man nani kasak bas, witin ai nina ra baman swer taki bas.

Kli Smalkanka 11:1

“Man nani bui Dawan Gâdkam ra latwan kaiks, bara ai lâka nani ba kat dauks piu bani ra, ai lâka nani maikan ba ban bri bas.

Kli Smalkanka 30:20

Dawan Gâdkam ra man nani latwan kaiki bas, bîla wali dauki kasak bas, kan man nani rayakam ba witin wina sa bamna. Bara mani ailal baha kuntrika ra iwma, damikam nani ra Dawan Ebraham ra, Aisak ra bara Jekob ra yabaia win ba.”

Kli Smalkanka 6:13

Dawan Gâdkam ra mayuns bara witin warkka baman dauki bas, bara swer takaia kaka, Dawan nina ra baman dauki banhwi bas.

Kli Smalkanka 6:5

“Dawan Gâdkam ra latwan kaikma kupiam aiska kira, sulkam aiska kira bara karnikam aiska kira sin.

Kolosi 1:10

Makabi banhwisna man nani ba Dawan uplika nani baku tânkam pain brih dîa dîa daukaia sma ba dauki kama, piua bani witin pain kaiki dukia nani baman sin dauki kama, wark painkira nani wina mâ saki kama, bara baku mika sip kama Gâd tânka kau pain kaikaia.

2 Jan 1:6

Latwan lâka tânka ba sika naha: Gâd lâka nani ra dîa wi ba kat iwi kaia; bamna tâ pali piua ra baha lâka ba dukiara pat walram baku, man nani latwan lâka ra iwi kama.

1 Samuil 7:3

Bahamna, Samuil Israel luhpia nani sut ra win: “Man nani kupiam aiska kira kli Dawan ra tawma kaka, tringsar nani gâdka Astarté ba kli tilam wina saki lulkma, rayakam nani Dawan ra yama bara Dawan ra baman mayuni kama kaka, baku lika filisteo nani karnika wina dakbi mai sâkbia.”