Kli Smalkanka 1:8 - DAWAN BÎLA AISKA

⁸ Yang bui tasba ba man nani mihtam ra mangkri sa; man nani was bara tasbaya ba brih iws. Kan yang bui Dawan ra swer taki yabaia aisari, man nani damikam Ebraham, Aisak, Jekob bara ai kiamka nani ra sin.’

Kli Smalkanka 1:8 ပူးပေါင်းရင်းမြစ်များ

Blasi Sturka 12:7

Bara Dawan bahara Ebram ra latan takan, bara win: “Man kiamkam ra yang naha tasbaya na yabamni.” Bara Ebram baha kat altar kum paskan Dawan dukia, Dawan bui witin ra latan takan ba mayunra yabaia dukiara.

Blasi Sturka 15:16

Upla kiamka nani kau walhwal aimaki lubia ba kat, masrakam nani ba kli tawi naha tasbaya ra balbia. Kan amorreo nani ai saurka ba sut daukbia, bara klala yabamna ba piua ba kat.

Blasi Sturka 15:18

Baha pali yua ra Dawan Ebram wal lâ daukan, bara win: —Naha tasbaya na man kiamkam ra yabamni, Idsip awalka ba wina Éufrates awalka tara ba kat.

Nihimaya 9:15

Pura wina brit sin yabram, plun dauki kan ba dakakaia dukiara, bara diranka daskaia dukiara walpa wina lî yabram. Ba ningkara sin witin nani ra wiram yabaia tasbaya ra wih tasba ba bribia.

Impakan Sturka 23:31

Tasbayam piarkika ba sin naku daukri sa: Kabu Pauni ba wina filisteo nani kabuka kat, bara tasba lâwan ba wina Éufrates awalka kat. Upla nani sut baha bilara iwi ba yang mita man nani mihtam ra mangkri sa, man nani mita witin nani ba mamwan wina kangbi sâkma.

Impakan Sturka 33:1

Bara Dawan mita Moses ra win: —Man mahka impaks, naha wina taki was upla nani Idsip wina sakram ba aikuki. Man nani was baha tasbaya ra yang Ebraham, Aisak bara Jekob ra yaia wîri ba, yang baha tasbaya ba man kiamkam nani ra yabamna.

Jirimaya 32:22

Bîp tialka laya nasma lî baku laiwi tasbaya na man bui Israel ra yabram, man baku daukaia ai damika nani ra wiram ba baku daukram.

Isikiel 47:14

Yang swer takri almukkam nani ra naha tasbaya na yabaia. Kumi bani sim yahpika aikuki bribia. Naha kuntrika na diara briaia kan ba baku bribia.

Kulki Kaikanka 14:23

aisika nani ra tasba yaia wîri ba witin nani kumi sin kaikbia apia; bahki ai kulki uplika nani ba kumi sin baha kaikbia apia.

Kulki Kaikanka 32:11

Idsip wina takan uplika nani, mani 20 alkan ba wina ai purara bri ba, kumi sin baha tasbaya ba kaikbia apia, baha sika Ebraham, Aisak bara Jekob ra yaia win yaba, witin nani kasak wapi banhras kan ba mita.

Kli Smalkanka 1:11

Damikam nani Dawanka, Gâd mita man nani ra aima tausin ailal ai yamnika nani kau maikbia, bara kau ailal sahwi kama, witin bui man nani ra mai win ba baku.

Kli Smalkanka 1:35

‘Naha kiamka saura tila wina, upla kumi sin ai damika nani ra yabaia wîri ba tasbaya ba kaikbia apia.

Kli Smalkanka 10:11

sakuna ai win: ‘Bus, ridi taks, tawan mawanra taki was bara kuntri damikam nani ra yabaia pramis daukri ba dakbi bris.’

Kli Smalkanka 11:24

Man nani anira minam taima ba, bahara man nani takaskma. Tasbayam piarkika ba, upla iwras tasbaya wina Líbano kat kabia, kli Éufrates awala wina Mediterráneo kabuka ba kat kabia.

Kli Smalkanka 11:9

bara Dawan bui man nani damikam bara ai kiamka nani ra yabaia pramis munan tasbaya ra, mani ailal raya kama; nasma bara tialka laya lî aubi baku tasbaya ra.

Kli Smalkanka 2:29

Isau kiamka nani Seír ra iwi ba ra, Moab uplika nani Ar ra iwi ba, yang nani wal pramis daukan ba baku, yang nani Jordan awala ba lui bara Dawan yang nani Gâdki mita kuntri kum aikaia win ya ba ra wamna ba kat.’

Kli Smalkanka 26:15

Kasbrika pura wina, man pliskam holikira wan kaiks, bara Israel man uplikam ba, tasbaya man wankram ba ra sin yamni muns, tialka laya bara nasma wal lî baku aubi ba, wan damika nani ra pramis munram ba baku.’

Kli Smalkanka 26:3

Bahara prîs nani wark taki ba lamara bri sal ki bara wima: ‘Naiwa yang param sakisni, Dawan Gâdki lamara ai kaiki ba ra, Dawan mita yang nani damiki pramis munan ba kuntrika ra pat dimri sa.’

Kli Smalkanka 28:11

Dawan mita luhpa nani ailal maikbia bara ai kupia pihni lâka mamrikbia. Daiwan ailal maikka sauhma, plun mâ nani sin ailal tasba wina sâkma, damikam nani ra yabia win kan ba.

Kli Smalkanka 29:12

Man nani wal naiwa pramis dauki swer takaia sma, Dawan Gâdkam nani wal lâ daukan ba dukiara.

Kli Smalkanka 30:20

Dawan Gâdkam ra man nani latwan kaiki bas, bîla wali dauki kasak bas, kan man nani rayakam ba witin wina sa bamna. Bara mani ailal baha kuntrika ra iwma, damikam nani ra Dawan Ebraham ra, Aisak ra bara Jekob ra yabaia win ba.”

Kli Smalkanka 31:7

Ningkara Moses bui Jasua ra winan, bara Israel luhpia nani sut mawanra win: “Kupiam karna bri bapi bûi bas, kan man sika naha uplika nani ra brih waia sma, Dawan Gâd mita damikam nani ra yabaia win yaba kuntrika ra, bara man mita sin pliska nani yama.

Kli Smalkanka 34:4

Bara Dawan bui witin ra win: “Naha kuntrika sika yang bui Ebraham ra, Aisak ra bara Jekob kiamka nani ra sin yabaia swer takri ba. Man lika dimma apia, sakuna laih wina kaikma.”

Kli Smalkanka 4:1

“Israel luhpia nani, nanara wals lâ nani mai smalkatna ba. Bara trai kaiks, kuntrika ba yus munaia, man nani damikam ra win Dawan Gâdkam wina maikaia win ba.

Kli Smalkanka 6:10

“Man nani Dawan Gâdkam mita almukkam nani, Ebraham, Aisak bara Jekob ra pramis muni yabaia win ba kuntrika ra dimma. Kuntri kum tawan tara pranakira nani brisa, man nani paskras kapram ba;

Kli Smalkanka 7:12

“Naha lâ man nani walma ningkara, trai kaiki dauki banhs bara Dawan Gâd bui man nani damikam nani wal ai lâka wal aisi daukan ba kasak daukbia.

Kli Smalkanka 7:13

Man nani ra latwan mai kaikbia, yamni mai munbia bara man nani ailal sahwi kama; luhpiam nani ra, plawarkam mâ ra, wainkam ra, namsla ra mâ krikaia ra, plawarkam mâ, wainkam bara batankam laya, bîpkam bara sîpkam luhpia nani ra yamni munbia, kuntrikam almukka nani ra yabaia win ba ra sin yamni munbia.

Kli Smalkanka 7:8

Dawan Idsip wina mai sakan, man nani alba kapram, karnika tara ni king fero karnika wina pri mai sakan. Latwan mai kaikisa bara man nani almukkam nani ra pramis daukan ba daukaia want sa.

Kli Smalkanka 8:1

“Naiwa lâ nani maikisna ba, man nani daukaia trai kaiks, bara baku sip kama man nani raya kaia, bara ailal sin sahwi naha kuntrika Dawan bui damikam nani ra yabaia win ba dakbi brima.

Kli Smalkanka 9:5

Prisant nani ba dukiara apia man nani ra umpira mai kaikan, ai kuntrika ra man nani pliskam brisma ba. Dawan bui man nani mamwan wina saki lulkisa, witin nani ai saurka tâwan. Bara Ebraham ra, Aisak ra bara Jekob ra, man nani damikam nani ra pramis daukan ba daukbia.

Hibru Nani 6:13

Gâd ba Ebraham ra pramis yaban ba ra, witin ai nina mâki swer takras; kan witin purkara wala kau tara kum nina mâki swer takaia âpu kan.

Hibru Nani 6:14

Bara witin bila: “Yang pramis mai munisna, yamni mai munamna bara kiamkam sin ailal maikamna.”

Jasua 1:6

Kupiam karna bri bapi bûi bas, naha uplika nani tasbaya ba man kulki kaiki kiamka kumi bani ra dukia yabaia sma bamna, tasbaya ba witin nani prapatika sika, ai damika nani ra yabaia yang pramis munri ba.

Wihta Nani 2:1

Dawan insalka ba Guilgal wina Boquim ra wan, bara Israel luhpia nani ra win: “Yang lika Idsip wina man nani mai sakri, bara naha tasbaya kat mai bri balri, man nani damikam nani ra yabaia pramis munri ba. Bara witin nani ra wîri: ‘Man nani wal yang lâika daukri ba, yang kli bîli wala lakamna apia,