Kli Smalkanka 1:16 - DAWAN BÎLA AISKA

¹⁶ Baku sin, yang, man wihtkam nani ra smalkri nahki wark dauki kaia: ‘Upla sut wal aisaia bara lâka nani ba wapni daukaia, ai tasbaya luhpia nani lâka ba, tringsar nani lâka sin.

Kli Smalkanka 1:16 ပူးပေါင်းရင်းမြစ်များ

Blasi Sturka 18:25

¡Sip apia pali, man sip baku daukma apia, pâtkas nani ba pâtkira nani ba wal aikuki baku ikaia, wâlsut ba baha saurka ba aikuki daukan kan baku prais! ¡Baku daukpara! Man sika tasba aiska wihtka tara sma, ¿wapni lâka ba man daukma apia ki?

2 Samuil 23:3

Israel Gâdka ba witin aisin; Israel kan kakahbra ba witin bui yang ra ai win; upla purara kasak lâka ra wihta aimaki ba, “Dawan ra sin sibrin luki wihta aimaki ba,

Lawana Nani 58:1

Man nani karnakira nani sma ba, ¿rait pali lâ nani ba kasak pali daukisma ki, bara kasak kat upla nani lâka ba daukisma ki?

Impakan Sturka 22:21

“Upla tringsar nani ra saura munpara bara rau sauhkpara, kan man nani sin tringsar kapram Idsip tasbaya ra.

Sins Lâka 31:9

¡Bîlam baikra buks, bara kasakka lâka ba dauks; umpira nani ba tâ baiks bara bawikira nani ba sin!

Libait Lâka 19:15

“Lâ kat upla lâka daukisma ba ra, kli warha daukpara: upla mita kulkras ba ra sin tâ baikpara, karnika tara bri nani ra sin bawpara. Sakuna lâka ba kasakka lâka dauks.

Libait Lâka 24:22

“Naha lâka na, upla sut mapara sa baku daukaia, tringsar nani, tawan luhpia nani sin. Yang sika man nani Dawan Gâdkam.”

Kulki Kaikanka 27:19

Ningkara prîs Eleazar lamara upla nani kaiki ba ra yas bubia, bara witin nani sut kaiki ba ra dîa ai warkka kabia ba adarka ba yas;

Jan 7:24

Man nani upla mawan kulki lâ daukpara. Lâ daukisma ba ra, wapni kat lâ ba dauks.

Kli Smalkanka 1:15

“Bamna man nani kiamkam tila wina waitna kau sinskira nani ba, bara pat wark dauki tânka bri nani sakram ba, yang bui witin nani ra karnika yabri, man nani puramra tâmra kaia. Tila nani ba, upla 1,000 tâ briaia yabri, wala nani 100 upla tâ briaia, wala ra 50 upla tâura kaia, bara wala nani ba upla matawalsip tâ briaia, baku sin kau wala nani ba kiamka 12 nani ra tâ briaia mangkri.

Kli Smalkanka 24:14

“Umpira nani ra impliki, ai mana yabaia sin takaski bri kapara, tawankam uplika kabia, tringsar nani tasbayam ra nani ra sin apia.

Kli Smalkanka 25:1

“Upla nani unsaban bâra sa kaka, wihta nani mawanra balbia, bara wihta nani mita param sâkbia pâtkas ba, bara pâtkira ba pât ra laki swibia.

Kli Smalkanka 27:11

Baha sim yua ra Moses upla nani ra naha adarka yaban:

Kli Smalkanka 31:14

Baha ningkara Dawan bui Moses ra win: “Kaiks, man prurikam ba pat baila sa; bara man Jasua ra wis man wal Dawan tintka watla ra balbia, bara yang bui witin purara warkka kahbaisna.” Bamna Moses lika Jasua wal Dawan wal aisaia watla ra wan.

1 Tesalonaika 2:11

Pain sin kaikisma, nahki man nani kumi bani ra, yang nani tâm baikri bara maisam nihkri ba, sim aisa kum mita ai luhpia nani ra maisa nihki ba baku.

1 Timoti 5:21

Gâd mawanra, Dawan Jisas Kraist bara ai insalka holikira nani mawanra sin, man ra mai taibi mai wisna naha smalkanka nani na bîla wali dauki kama, dîa dîa daukisma ba ra upla kumi ra kau saura luki, apia kaka upla wala ra kau pain luki baku lika daukma apia.

1 Timoti 6:17

Naha tasba ra yuya ailal bri nani ba ra smalki wis, witin nani kwalhwi kabiara, yuyaka nani kat kaiki ai kainara diara briaia sin luki banhbiara, baha nani ban lap tiwisa bamna. Sakuna, witin nani Gâd ra luki ai kainara diara briaia luki ban kan, witinka diara ailal wankisa, yawan lilia takbia dukiara.