Jona 4:8 - DAWAN BÎLA AISKA

⁸ Yu ulan ba ra, Gâd daukan lalma payaska lapta krawaia, bara yu laptika ba Jona lal kat angkan; bara mahka sinska tiwi kan, bara witin pruaia kat lukan. Witin naku aisin: —Yang pruaia kanra yamni, raya kamna ba wal.

Jona 4:8 ပူးပေါင်းရင်းမြစ်များ

Blasi Sturka 41:6

Bara baha plawar ba ninara dusa wala 7 lalma payaska krawan ba mita angki lâkan ba bal takan.

1 King Nani 19:4

Bara witin lika upla iwras tasbaya bâk yu aiska kum wapi wan, bamna wih dus kum munhtara iwan, mahka pruan dauki kan, bara win: “¡Nanara aitani sa, Dawan, rayaki na sâks, kan yang na kau yamni apia sna, papiki nani ba wal!”

1 King Nani 21:4

Bara Ahab ai watla ra wan, sari bara ai kupia baiwan pali kira, Nabot Jezreel wina ba bui bîla nani aisi win ba wali, baha lika ai aisika nani prapatika ba sip yabia apia win ba. Bara ai watla ra wih krikrika ra aitnikan, ai mawan ba utla tnaya tani ra laki, bara plun sin piras kan.

Job 2:10

Job pana win: —¡Mairin, man diara tanis aisapara! Gâd wina diara yamni wanki ba yawan wilinkira brisa kaka, ¿dîa muni diara saura wanki ba sin yawan briras kabia? Baku bamna, baha sut tilara Job ai bîla aisinka ni wiria pan saura yaras kan.

Job 7:15

Kanra yamni kabia wingki praki ai ikma kaka, kau yamni sa pruaia ba wihki raya kaia ba wal.

Lawana Nani 121:6

Yu laptika ba kakna ra saura mai munbia apia, tihmia ra kati ba sin apia.

Lawana Nani 39:9

“Yang bîlas baku, diara aisaras kapri kan, man sut daukisma bamna.

Smasmalkra 7:9

Kupiam sauhkanka mita yarka mai brih wabiara, kan kupia sauhkanka ba, upla sinskas nani dukia sa.

Yamni Kulki Lawana 1:6

Aihka ai kaikpara, yang taiya siksa sna bamna, wan yu mita yang taiya ra angkan ba ra sin kaikpara. Yang muihki nani maipara praut takan; wain nasla nani main kaikaia ai mangkan; ¡bara yang wainki nasla ba lika main kaikras kapri!

Aiseya 49:10

“Witin nani kli plun daukbia apia, diran sin daukbia apia, yu laptika mita sin bara lapta bitnika mita sin munbia apia, kan yang bui witin nani ra latwan sna tâ brisna bamna, bara lî kârma nani ra brih wamna.

Isikiel 19:12

Kuna kupia baiwan wal daikan bara tasba ra batakan. Lalma payaska ba bui lâkan wainka mâ nani ba sut kauhan; bara tnawa karna nani ba lâwan, bara pauta klauhan ra lulkan.

Oseas 13:15

Ban kra Israel, twi baku tangnika baiwi kabia sin, lalma payaska ba krawbia, pâsa karna upla iwras tasbaya wina krawi, bara lâkbia laya kârma nani ba, laya aubi nani ba sin lâwbia. Waihla ba bal, mana tara dukia nani kuki bri ba, sut brih wabia.

Libait Lâka 10:3

Baha ningkara Moses naku win Eran ra: —Naha sika Gâd mai wiaia ai win kan ba, naku win ba ra: ‘Yang laimara aula ba uplika nani ra marikamni holiki lâka ba, bara Israel luhpia nani sut ra yang praina ba marikamni.’ Bara Eran diara aisaras sâp kan.

Jona 1:17

Witin nani baha dauki kan ba ra, inska tarka tara kum Dawan mita blikan Jona langkaia. Bamna tihmia yumhpa bara kakna yumhpa, Jona ba inska tara ba klungka ra kan.

Jona 1:4

Sakuna Dawan pâsa karna pali kum blikan, kabu ra pâsa saura pali buan duri ba kriki tikaia praiska kat.

Jona 4:3

Dawan, baha mita sika mamkabisna, yang rayaki na sâkma. Pruamna ba kanra yamni sa ban raya kaia ba wal.

Jona 4:9

Sakuna Gâd pana witin ra aisin: —¿Man aitani lukisma ki naha pispiska pruan ba dukiara kupiam baikaia? —¡Âu, yang aitani lukisna! —Jona pana win—. ¡Yang pruamna kat sin aitani lukisna!

Matiu 20:12

naku aisi: ‘Naha nani balan na awar kumi baman wark takan; bara yang nani kau wark karna takri yu aiska lapta wal aimaki na wal baku sim mana yabram.’

Param Marikanka 3:19

Yang lika latwan kaikisna bara uplika sut ra lawi daukisni, wapni sin daukisna. Baku bamna, man kasak bas bara kupiam sin laks.

Param Marikanka 7:16

Witin nani kli plun wauhbia apia, lî din sin daukbia apia; wan yu laptika ambia apia, lapta wala mita sin munbia apia,

1 Samuil 3:18

Bara Samuil witin ra sturka ba sut pali win, diara kumi sin yukukras, bara Elí wini aisin: —¡Witin ba Dawan sika! ¡Witin yamni kaiki ba kat daukbia!