Jona 4:11 - DAWAN BÎLA AISKA

¹¹ Bamna yang kau pali Ninibi dukiara kupi swapni takaia sa, baha tawanka tara ra 120,000 upla nani tuktan baku ai tânka briras banhwi ba bâra sa, daiwan sin ailal pali sa.

Jona 4:11 ပူးပေါင်းရင်းမြစ်များ

Blasi Sturka 9:10

Bara daiwan nani man wal ark watla wina bal taki banhram ba: tnawira nani, daiwan tim, daiwan wail nani, daiwan nani sut, tasba ra bâra ba wal sin daukisna.

Lawana Nani 104:14

Witin twi nani yan pâwisa, daiwan nani pata, inma nani sin yaram pâwisa, upla ba plun mangki mâ sakisa, tasba ba wina ai pata sakaia dukiara sin.

Lawana Nani 36:6

Dawan, man kasakkam ba il tarka tara nani bâra ba baku tara sa; lâmka nani daukisma ba kabu tara tihuka ba baku sa. Dawan, upla nani, daiwan nani sut bâra ba, man mita main kaikisma.

Aiseya 1:18

Dawan aisisa: “Man nani bal, naha lâka na aisi kaikaia. Man nani saurkam ba tala pauni kabia sin, kwala pihni wahmuk baku daukamni; siksa mâka prâmka ra alkan ba baku kabia sin, bîp tialka laya baku pihni daukamna.

Aiseya 37:37

Bara Senaquerib, Asiria kingka ba kli tawi mahka wan Ninibi ra, bahara sika witin takaskan.

Aiseya 7:16

Sakuna kau tukta ba ai tânka pain briras ba ra, baha kuntrika king wâl bri ba, sirang mai iki ba lulki swin kabia.

Jona 1:2

“Ninibi tawanka tara ra was bara wis, yang bui witin nani ba sauhki tikaisna, kan witin nani ai watawanka ba yang sin kaikisna bamna.”

Jona 3:10

Ninibi uplika nani dîa dauki ba Gâd kaikan, nahki witin nani ai tânka saura swin ba; bara witin ai kupia wal lâ daukan bara saura munaia wisata ba kli swin.

Jona 4:10

Dawan kli pana witin ra aisin: —Pispiska mâ na man mangkras, man sin pakras kapram; tihmia kumi pâwi tihmia wala pruan, ban sakuna baha dukiara man kupiam swapni takisa.

Matiu 18:33

Baku sin man pâmnika ra umpira kaikaia kapram, man ra umpira mai kaikri ba baku.’

Kli Smalkanka 1:39

Âu, man nani baku kasak lukram, waihlam nani ba mita luhpiam nani yaptika aikuki iki tikbia; baha tuktika nani ai tânka briras nani ba baha nani tasbaya ra dimbia ba witin nani ra ai tasbaya briaia yabamna.