Jona 3:5 - DAWAN BÎLA AISKA

⁵ Tawan ra iwi uplika nani sut, tara nani sirpi nani Gâd ra kasak lukan; witin nani lâ daukan plun piaia apia, ai kupia lakan sari tara alkan tânka marikaia upla sut kwala siksa diman.

Jona 3:5 ပူးပေါင်းရင်းမြစ်များ

2 King Nani 19:1

Naha sturka ba king Ezequías walan ba ra ai prâka ba kalkan, ningkara prâk umpira diman sari ba tânka bara Dawan watla ra wan.

2 Kronikas 20:3

Josafat sibrin takan bara witin Dawan ra tniwan. Bara maisa pakan Juda aiska ra plun wahwi ai pura sunbia,

Esdras 8:21

Bara Ahavá tingnika un ra, witin nani sut ra maisa pakanka kum daukri, ai kupia kriwan lâka ra plun piras kaia, Gâd wan Dawan mawanra wan saurka dahra sakaia, bara baku sin witin ra makabaia yabal bâk yamni wan brih wabia dukiara.

Ester 4:1

Bara Mardoqueo ba naha diara nani sut takan na walan ningkara, ai kwalka kalkan bara sari kwalka kusni diman; baha wina yamhpus ai lal ra yakaban, bara tawan aiska bâk wapi wini taukan.

Impakan Sturka 33:6

Bara baku, Israel luhpia nani Horeb ilka ra kan nani ba, gul dukia nani pami bri kan ba sut saki swin.

Jirimaya 31:34

Bara upla ai walka ra, ai uplika nani ra, ai taya nani yang ai kakaira takaia smalkaia nit apia kabia, tara ba wina sirpi ba kat upla sut ai kakaira kabia. Saurka daukan pâtka nani swih tikamna bara kli kupi ra brimna apia. Yang, Dawan, kasak aisisna.”

Jirimaya 36:9

Bara Josías luhpia waitna Joaquim, Juda ra pat kati 9 bara mani matsip king kan, Jerusalem uplika nani Juda tawanka wala nani wina sin, kaiki plun piras Dawan ra ai pura sunaia balan.

Jirimaya 42:1

Aiklaklabra nani wihtka sut, Johanán Caréah luhpia waitna, Azarías Hosaías luhpia waitna, bara upla sut, sirpi bara tara nani,

Jirimaya 42:8

bara witin Johanán Caréah luhpia waitna ba win balan, aiklaklabra nani wihtka ba, baha nani uplika nani ba bara upla sut sirpi wina tara ba kat,

Daniel 9:3

Bamna puri sunra bara makabanki ba sut, Dawan wan Gâdka ra aisari, plun piras, kwala almuk saura dimi, yamhpus ra sin iwi.

Joel 1:14

Upla sut ra paiws bara kaiki plun piras tânka ba, dauki banhs; tâ uplika almuk nani bara kuntri ra iwi uplika nani ba sut, Dawan tempelka ra asla dauks, bara ningkara Dawan ra puram suni banhs.

Jona 3:7

Baha wina wihta tara nani ba aikuki sin tawan aiska ra naku lâ daukan: “Upla kumi sin plun pibiara. Baku sin daiwan nani sut ra plun lî dakakbia apia.

Matiu 12:41

Ninibi tawanka ra iwan uplika nani ba lâ daukaia yua ra, naha piua uplika nani lâka daukbia ba ra, witin nani mita naha uplika nani ra pât ra lakbia, kan Jona mita Gâd sturka Ninibi uplika nani ra smalkan bamna, witin nani ai kupia lakan; sakuna man nani ra mai wisna, nahara diara kum sa Jona purkara kau tara ba.

Luk 11:32

Lâ tara piua ra, Ninibi uplika nani sin tit bûi, naha piua uplika nani ra pât ra lulkbia, kan baha nani Jona mita smalkan ba ra, ai saurka nani wina ai kupia lakan; bara nahara na Jona purkara kau tara sa.

Apastil Nani Sturka 27:25

Baku bamna, upliki nani, si bripara. Gâd ra kupi aiska lukisna, bamna insal dîa ai win ba baku kat kabia.

Apastil Nani Sturka 8:10

Upla sut, tuktan sirpi nani bara almuk nani sin, witin ra aman pali wali kan. Bara witin nani naku aisin ba: “Nahamna baha upla nani aisi ba ‘Gâd karnakira tara ba’.”

Hibru Nani 11:1

Bamna kasak lukan lâka bri kaia ba lika, yawan diara briaia bîla kaiki ba kasak pali luki kaia baha ba bribia, bara diara nani kaikras ba sin kasak pali kaikan kan baku lukaia sa.

Hibru Nani 11:7

Kasak lukan lâka mita, Noa ba diara nani naika takaia kan ba kaikras kan sakuna, Gâd mita smalki win ba ra, witin lika Gâd bîla kat wali, ark watla ba paskan ai watla uplika nani swaki sakaia dukiara. Kasak lukan lâka bri kan ba mita, tasba uplika nani ba Noa bui pât ra dingkan, bara kasakka lâka kasak lukan lâka wina taki ba, witin ba Gâd wina brin.

Param Marikanka 11:3

Bara yang mita witnis wâl blikamna daihra aisaia dukiara yu 1,260, bara witin nani sari kwalka sin dimi kabia.”