Jona 2:8 - DAWAN BÎLA AISKA

⁸ Gâd bahki nani nina bliki banhwi ba, man ra kasak lukaia lâka ba mahka swisa;

Jona 2:8 ပူးပေါင်းရင်းမြစ်များ

2 King Nani 17:15

Bara witin nani ai lâka nani ba lulki swin, bara sin ai damika nani wal lâ aisi daukan kan ba sut krikan, baha tânka bribia dukiara kaina wina ulbi swin kan ba witin nani dukiara. Bara baku gâd bahki nani ba nina blikan, bara witin nani ba sin bahki baman takan. Baha purkara sin, nisan sât wala nani witin nani ai lamara iwi nani kan ba ninara wan, baha pali dukiara sika Dawan mita pat win kan daukbiara naha uplika nani dauki ba.

Lawana Nani 142:4

Aihkiki tani ra tawi kaikuna bara upla sin âpu sa hilp ai munaia, ¡upla kumi sin âpu sa, yang ra tâi baikaia! ¡Upla kumi sin âpu sa, yang dukira lukaia!

Lawana Nani 31:6

Misbara kaikisni aidul bahki ra mayuni ba. Yang lika lukanki Dawan kat luki tniwisni.

Lawana Nani 69:14

Ai swirka drapapa ra dimi wamnara, swaki ai sâks baha nani misbara ai kaiki ba wina, bara baha laya tihuka ba wina sin.

Jirimaya 10:8

Witin nani sut ba sinskas baman sa, sins bri uplika nani apia sa. ¡Dus pîs kum ba wina witin nani ra smalkaia diara âpu sa!

Jirimaya 16:19

Dawan, yang karniki bara kaini kakahbra, yang yukuwaiki trabil brisna piua ra; nisan nani ba man ra balbia, tasba paskanka takaskan ba wina bal, bara mai wibia: “Kunin gâdka nani, diara bahki, karnika âpu nani ba baman, damiki nani ba ai dukia kukanka baku brin.

Jirimaya 2:13

“Yang upliki nani aima wâl saura daukan: ai lulki ai swin, yang rayaka laya kârma ra ai briras, witin nani lî watla paskan, laya watla nani ba iswisa sip lî alki takaskras ba.

Miqueas 1:2

Upla nani sut, naha bîla na man nani aman pali wals: Dawan ai tempelka watla sunukira ba wina, man nani mampara witnis aisabia.

1 Samuil 12:21

Kunin gâdka nani nina blîkpara, baha nani hilp mai munras, swaki sin mai sakras, kan witin nani ba kuninkira nani sa bamna.