Jona 2:4 - DAWAN BÎLA AISKA

⁴ Yang lukri man lamam wina ai saki ai lulkram; tempelkam holikira ba kli kaikamna apia wîri.

Jona 2:4 ပူးပေါင်းရင်းမြစ်များ

1 King Nani 8:42

Bara ninam tara ba walbia, mihtam bara klamhkla aiska karnika ba kaikbia, bara naha tempelka ra bal ai pura sunbia.

1 King Nani 8:48

bara witin nani ai kupia aiska, ai sulka aiska lakbia kaka, ai waihla nani tasbaya ra priski brih wan ba wina, ai damika tasbaya nani yaram ba tani ra tawi, naha tawanka man mita bâk sakram na, bara naha watla man ninam ra paskri na tani ra tawi ai pura sunbia kaka,

1 King Nani 9:7

yang bui Israel ba baha tasbaya yâri ba wina sakamna, bara naha watla yang nini ra yamnika yâri na, yang maiwan wina âpu daukamna, bara Israel luhpia nani ba nisan wala nani mita lawaska kiki kaiki kabia piua bani ra.

2 Kronikas 6:38

bara witin nani ai kupia aiska, ai sulka aiska lakbia kaka, ai waihla nani tasbaya ra priski brih wan ba wina, ai damika tasbaya nani yaram ba tani ra tawi, naha tawanka man mita bâk sakram na, bara naha watla man ninam ra paskri na tani ra tawi ai pura sunbia kaka,

Lawana Nani 31:22

Yang sâp apia, bin dauki tauki kapri ba mita, lukri mamwan wina ai lulki ai swiram sa; sakuna man ra hilp makabri ba ra, winanki nani ba man walram.

Lawana Nani 42:8

Kakna ra Dawan ai latwanka ba purira blikisa, bara yang tihmia ra takaskras ban aiwanisna, rayaki Dawanka ra sin puri suni ban sna.

Lawana Nani 5:7

Sakuna yang maipara lika, latwan kaikaia lâka tara brisma ba mita, tempelkam ra dimaia sip sna; ¡man tempelkam bâk saki brisma ba tani ra kaiki, mai kulkaia lâka aiska ni mamyunamni!

Lawana Nani 88:6

Yang na unta kau pakni ba ra ai lulkram sa, tihmia tara pliska ra bara kau tihu ba ra sin.

Lawana Nani 88:7

Lawankam ba purira blikram sa, ¡ripkam nani wirhika mununhtara ai rungkram sa!

Aiseya 38:17

Nanara kaiks, yang sari pali kaia katna ba, nanara kupi kumi sna. Prura tasbaya wina, man bui yang rayaki ba sakram, yang saura yâri ba sut man pri ai sakram.

Aiseya 49:14

“Saion aisisa: ‘Dawan ba yang ra lulki ai swin, yang Dawanki ba ai âuya ai tikan.’

Jirimaya 15:1

Dawan bui ai win: “Moses, Samuil wal nâra maiwanra bubia kra sin sakuna, yang naha uplika nani ra luki kupi kriwan takbia apia. Witin nani maiwan wina taki, mahka wabia wis.

Jirimaya 7:15

Man nani ra sin yang maiwan wina mai kangbi mai sakamna, muihkam nani Efraín kiamka nani ra pat kangbi sakri ba baku.’

Inanka Nani 3:54

Lî mita puri aiska ai bikan ba ra, yang kupi ra ban lukri: “Nanara yang lika danh tiwri sa.”

Isikiel 37:11

Bamna Dawan bui ai win: “Israel luhpia nani ba baha dusa pruan ailal ba baku sa. Aisi taukisa: ‘Wisa yawan wan dusa nani ba lâwan sa; bîla kaikanka kum sin âpu, yawan na tiwan sa.’

Daniel 6:10

Daniel walan baha lâka ba ulbi daukan, witin ai watla ra wih ai yapaika windarka ba sakan, baha windarka ba Jerusalem tani ra kan, bamna witin ai lula kriki Gâd ra ai pura suni mayuni kan, naha na witin dauki kan yu bani aima yumhpa, baku witin dauki kata piua bani.

Jona 2:7

Daira walri bara pat prui kapri ba ra, Dawan, man ra kupi tanh krawan; bara puri sunra ba man kat ulan, tempelkam watla holikira ba kat.