Joel 2:32 - DAWAN BÎLA AISKA

³² Sakuna ya ya Dawan ra makabi ai pura sunbia ba, baha nani pruras swak takbia. Saion ilka Jerusalem ra swaki sakan lâka ba bâra kabia bamna, Dawan pramiska baku takbia win ba baha bîla kat aimakbia. Witin mita bâk sakan uplika nani baman, pruras raya kabia.”

Joel 2:32 ပူးပေါင်းရင်းမြစ်များ

Blasi Sturka 4:26

Bara Set luhpa kum baikan, ai nina ba Enós mâkan. Bara upla nani ba mahka Dawan ra ai pura sunaia lâka ba tâ krikan.

Lawana Nani 50:15

Yang ra ai wins kupiam wirha brima ba ra; yang pri mai sakamni, bara man bui yang ra kulkanka aikma.”

Aiseya 10:22

Uplikam nani Israel ba, kabu auhika baku ailal kabia kra, sakuna dîa kau swin ba baman lika, kli tawi balbia. Sauhki tikaia lâka ba pat daukan sa bara kasakka lâka ba mita pura lui kabia.

Aiseya 11:11

Baha piua ra, Dawan ba aima wala kli ai karnika marikbia, ai uplika nani kau swin ba kli bri balaia, Asiria, Idsip, Patrus, Etiopía, Elam, Sinar, Hamat bara kabu un ra iwi tawanka nani ba wina sut sin.

Aiseya 11:16

Dawan uplika kau Siria ra ba, kli tawi balbia ba ra, yabal tara ba wal prawbia, sim Israel Idsip wina takan yua ra.

Aiseya 4:2

Baha yua ra Dawan mita daukbia dus nani ba kli urhwaia Israel luhpia nani pruras swak takan kabia nani ba prana mayunra kaia dukiara; tasbaya wina mâ nani dâkbia ba baha witin nani yamni kulkanka ai kulkanka lâka ba bribia.

Aiseya 46:13

Yang daukisna swaki sakanka warkka brisna ba lamara balbia; yang swaki sakangki ba takaskras aula, laihura apia sa. Saion ra swaki sakan lâka yabamni bâra sa, bara yang praina ba Israel ra sa.

Jirimaya 31:7

Dawan ba wisa: “Lilia ni aiwans bara Juda tawanka dukiara liliakira bas, kau pali ba nisan nani sut dukiara. Pain wals mayunanka ba, bara wis: ‘Dawan bui ai uplika nani swaki sakan, Israel ra kau takaskan kan ba.’

Jirimaya 33:3

Yang ra ai wins bara pana mai aisamna, diara tânka tara nani dahra prakan tânka nani ba, man tânka briras sma ba mamrikamni.

Emus 9:8

Dawan nakra nani ba Israel kingka tasbaya diara saura dauki ba kat kang kaikisa, bara witin naku aisisa: “Yang baha kingka tasbaya ba sauhki tikamna, ban sakuna Jekob kiamka nani ba lika, sut pali iki tikamna apia. Yang, Dawan, kasak aisisna.

Abdías 1:17

Sakuna Saion ilka holi ra swakwaia pliska kumi bâra kabia, bara tila upla bahara dimi swak takbia. Jekob kiamka nani ai tasbaya nani ba kli bribia.

Abdías 1:21

Baha nani sut pura lui buaia karnika ba wal, bal Saion ilka ra uli wabia Isau ilka nani tasbaya lâka daukaia. Bara Dawan lika baha nani kingka aimaki kabia.

Miqueas 5:3

Bamna nanara, Dawan bui ai uplika nani ba lulki swisa, sakuna mairin ai luhpia baikbia bîla kaiki ba baikbia ba kat. Baku bamna, Israel luhpia nani, kuntri wala ra swin aikuki, kli wal asla taki banhbia.

Jan 10:16

Bara sîp wala nani sin brisni, bara baha nani ba lika naha klarka wina apia sa; sakuna baha nani ba sin brih balaia sni. Âu, witin nani mita sin yang bîli walbia, bara baku dakni kumi takbia bara sepadka sin kumi kabia.

Jan 4:22

Man nani Sameria uplika nani ba, yaura puram suni mayunisma sapa sin kaikras; sakuna yang nani lika kaikisna, yaura puri suni mayunisna ba, swaki sakan lâka ba Ju nani wina aula bamna.

Apastil Nani Sturka 15:17

Upla wala nani sut Dawan plikbia ba mata, bara nisan wala nani sut purara yang nini ra mâkan sin.

Apastil Nani Sturka 2:39

Naha pramiska na lika man nani bara luhpiam nani sut dukiam sa, bara upla nani laihura banhwi ba sut dukia sin; wibia kaka Dawan wan Gâdka paiwaia luki uplika nani ba dukia sin.

Roman 11:26

Ani piua baku takbia, bâra lika Ju nani ba sut swaki sâkbia, kan Ulbanka ba baku wisa: “Pri sasakra ba Saion wina balbia, bara witin mita Jekob wina saurka ba sâkbia.

Roman 11:5

Baha sim natka ra naiwa yua Israel luhpia nani kau dakni sirpi swin ba lika, Gâd ai kupia latwanka ra baha nani ba bâk saki brin.

Roman 11:7

¿Baku bamna, dîa? Israel luhpia nani pliki kan ba sip sakras kan, sakuna Gâd wahbi sakan nani ba lika sakan. Wala nani ba lika kupia karna daukan,

Roman 9:24

Bamna Gâd mita wan paiwan, Ju nani tila ba wina baman apia, sakuna Ju apia nani tila ba wina sin.

Roman 9:27

Sakuna Israel luhpia nani dukiara Aiseya naku win: “Israel luhpia nani ba lika sim kabu auhika baku kabia kra, sakuna baha ba wina wiria baman swaki sakan kabia,

1 Korint 1:2

Korint tawanka ra wan muihni nani, Gâd sertska uplika nani ba ra ulbisna, witinka nani Kraist Jisas wal asla ba mita Gâd uplika holi takan ba. Gâd bui man nani ba holikira nani kaia mai paiwan sa, ani anira wan Dawan Jisas Kraist nina mâki, witin ra wini uplika nani ba aikuki, witinka lika baha nani Dawanka bara yawan Dawanka sin ba.

Hibru Nani 12:22

Sakuna, man nani lika Saion ilka ra bara Gâd rayakira tawanka ba lama kat sin balram sa, tânka ba lika, kasbrika purara Jerusalemka ra, bahara insal nani tausin ailal ba ra sin.