Joel 2:26 - DAWAN BÎLA AISKA

²⁶ Man nani pi âmyapah pali takaia praiska kat pima, bara Dawan Gâdkam ra mayunma, man nani dukiamra yang diara tara aihkakira nani daukri bamna. Yang upliki nani swira daukan ba yabrika ban kabia apia,

Joel 2:26 ပူးပေါင်းရင်းမြစ်များ

Blasi Sturka 33:11

Muihki, mamkabisni naha prisantka nani yang bui man dukiam bri balri na man alks. Gâd bui yang ra sin yuyakira ai daukan sa, nanara yang sin diara nani aitani brisma. Jekob ba kli baku aisi kan ba ra, Isau baha prisantka nani ba brin;

Nihimaya 9:25

Bara tawan karna nani paskan kan ba wina, tasba disang nani kan ba wina, utla bilara diara kau pain nani kukan ba wina, liwanhta nani pat bâra kan ba, wain nasla nani bâra kan ba wina, oliv dusa nani, bara dus wala ailal mâ bri ba wina, witin nani pin ai âuyapah takan ba kat, batanwi banhwan bara yamnika tara pali liliaka brin.

Lawana Nani 103:5

Witin âiyapah kaia yamnika aikisa, bara sin wahma ai sakisa, yakal kum baku.

Lawana Nani 116:7

Âu, nanara sip sni kli pain daira walaia, kan Dawan ba yang ra pain sa bamna,

Lawana Nani 13:6

¡Yang Dawan ra aiwanamni, witin yamni ai munan bamna!

Lawana Nani 22:26

Taiban ra uplika nani sma ba plun pis, man nani aibanhwisma ba kat; man nani bui Dawan plikisma ba, witin ra mayuns, bara mani ailal raya kama.

Lawana Nani 37:19

Witin nani piua saura nani tilara; plun wahwan piua ra witin nani swira daukan kabia apia, plun ailal piaia bri kabia.

Lawana Nani 67:5

Man Gâd, upla nani ba yarka mai mamyunbia; ¡yarka upla sut man ra mai mamyunbia!

Lawana Nani 72:18

Gâd ba yamni pali sa, Dawan Israel Gâdka ba, witin yakan man sika diara tara nani daukisa;

Sins Lâka 13:25

Upla kasakkira ba plun pîsa ai kupia brinka sut daskbia ba kat, sakuna watawikira nani biara ba lika, kau plun dauki takaskisa.

Yamni Kulki Lawana 5:1

Giadinki ra pat bal dimri sa, laikra lupia, wal kut taki mairka, sîka mâka kîa painkira bara isint kîa auhni nani brisna ba pat briri sa, nasmiki laya ba pat dabi kaikri sa, wainki laya bara bîpki tialka laya sin pat diri. Pâinika nani, pi banhs bara sin di banhs, nahki din mai dauki ba kat dis.

Aiseya 25:1

Dawan, man ba sika yang Gâdki sma; purara mai bukamni, ninam mayunamni, kan man lika diara aihkakira nani ba daukram, blasi pali wina man lâ smalkram bîla nani ba, kasakka lâka ban ba mita.

Aiseya 29:22

Baha mita, Dawan, Israel Gâdka ba, Ebraham kli atki sakan ba, witin naku wisa: “Nanara wina Jekob kli swira daukan kabia apia, ai mawan sin kli ami pauni takbia apia.

Aiseya 45:17

Sakuna Israel ba Dawan mita swaki sakan kabia, swaki sakan lâka ban kaia ra ba, bara kli man nani mai turban kama apia, swiram sin mai daukan kabia apia.

Aiseya 49:23

King nani ba tasba ra man takan papikam nani kabia, bara king luhpia mairin nani ba luhpiam main kaiki kabia. Ai mawan tasba ra bawi witin nani mamwanra mamyunbia, tasba yuya minam wina, ai twisa ni dabia. Bara man kaikma yang sika Dawan sna ba, baha nani yang bîli kaiki ba swira daukan kabia apia.”

Aiseya 54:4

Si bripara, bara swiram sin bripara; kan bahki mai kulkan kabia apia bamna, swiram sin briaia apia sma. Man tiara kapram swirka ba âmya tiks, piarka takram swirka ba sin, kli lukankam ra bripara,

Aiseya 55:2

¿Plun apia ba dukiara dîa muni lalah yabaia? ¿Dîa kan wark taki lalahkam sakisma ba âmyapah mai daukras ba mana yabaia? Man nani, yang ra aman wals, bara plun pain nani ba pima, plun auhni nani ba pima.

Libait Lâka 25:19

Tasbayam wina dusam nani mâ manis maikbia, bara man nani âmyapah iwi banhwi kama.

Libait Lâka 26:26

“Yang bui man nani patam ba sauhkamna, bara mairin matawalsip bal brit angkaika kumi ra brit angkbia, plun ba wiria baman kabia bara man nani pi banhma, kuna âmyapah pima apia.

Libait Lâka 26:5

plawar mâ nani, wain mâ nani piua kat dâkaia brima; wain mâ nani sin ban bri kama, dus mâ wala nani sin ban brih pi kama biamra banhki takma ba kat, bara kuntrikam ra âmyapah iwi kama.

Miqueas 6:14

Plun pi kama, sakuna aitani âmyapah taki kama apia, plun mai dauki ba ban kabia; patam wahbi kama sakuna ban alki bri kama apia. Bara ban kra wiria pan apahki swima kaka, baha sin war aiklabi ba mita sauhki tikan kabia.

Sofonías 3:11

Baha piua ra, tawanki, man lika yang maipara bûi diara saura nani daukram ba, baha dukiara man nani swiram lukma apia. Man nani tilam wina prautkira pura luan dauki nani ba sakamni, bara yang ilki holikira ra, man nani kli pura luan lâka daukma apia.

Sakaraya 9:15

Dawan, karnika sut bri ba mita, ai uplika nani kan kahbia, bara praukpraukia lalulkra nani walpaya ba ai mina ra taibia, bara ai waihla nani ba langki pibia; tâlia ba wain baku witin dibia, kâp tara kum baku witin nani ba banhki takbia, aringka nani altar purara tala laiki kahbi swin ba baku.

Sakaraya 9:17

¡Baha kuntrika ba nahki yamni, nahki pranakira kabia! Plawar, wain ailal bri ba mita, ai luhpia waitna bara ai luhpia mairin nani ba pranakira pain pâwi kabia.

Roman 10:11

Ulbanka ba wisa: “Witin ra kasak luki uplika ba kumi sin kunin munan kabia apia.”

Roman 5:5

Bara naha wihka bîla kaikaia lâka na mita, swira wan paskras sa, kan Gâd mita Spirit Holikira wankan ba bâk ai latwanka lâka ba wan kupia ra banhkan.

Roman 9:33

Ulbanka ba ra dîa aisi ba: “Yang bui walpa tara kum Saion ra mangkuna, walpa kum bahara witin nani ai mina prukaia; ya bahara kasak lukbia ba, ai lukanka ba kunin munbia apia.”

Kli Smalkanka 11:15

Baku sin man nani daiwram nani pata twi sin yaka pâwbia, bara man nani plun ailal bri kama.

Kli Smalkanka 12:12

Dawan Gâdkam mawanra luhpiam albikam nani aikuki lilia daukma, bara Libait uplika man nani tilamra iwi kabia ba aikuki sin, kan witin nani ba man nani tilamra tasbaya ba wina ai dukia briras bamna.

Kli Smalkanka 12:18

Dawan Gâdkam ani pliska witin aihka saki maikbia ba ra baman daukaia sip kama; bahara, man nani Dawan Gâdkam mawanra bara luhpiam nani wihki albikam nani aikuki asla, bara Libait nani man nani tilamra iwbia ba aikuki, man nani mihtam warkka nani daukisma mâ nani ba wal lilia kama.

Kli Smalkanka 12:7

Warkkam nani ra patam mâ ra, Dawan Gâdkam yamni munan ba, bahara witin lamara kaiki ba ra, pih tamya nani aikuki lilia takma.

Kli Smalkanka 8:10

Pih âmyapah kama ningkara, Dawan Gâdkam ra tasba disang maikan ba dukiara mayuns.

1 Timoti 6:17

Naha tasba ra yuya ailal bri nani ba ra smalki wis, witin nani kwalhwi kabiara, yuyaka nani kat kaiki ai kainara diara briaia sin luki banhbiara, baha nani ban lap tiwisa bamna. Sakuna, witin nani Gâd ra luki ai kainara diara briaia luki ban kan, witinka diara ailal wankisa, yawan lilia takbia dukiara.

1 Jan 2:28

Bamna nanara, luhpi lupia nani, Kraist wal asla ban bas, bara baku mika witin param takbia ba ra wan âuyapah kabia, bara witin balbia ba ra ai mawanra yawan bubia, bara wan swira daukan kabia apia.