Joel 2:24 - DAWAN BÎLA AISKA

²⁴ Bara plawar mâ ailal krikan kabia, wain mâ sin ailal pali takbia, batana laya sin pura laiwi kabia.

Joel 2:24 ပူးပေါင်းရင်းမြစ်များ

Isikiel 36:8

Israel ilka nani man nani mampara, natka wala ra, dus tara nani bara mâ ailal, yang upliki man nani dukiam bâra kabia, pat kli tawi balaia sma piua ba baila sa bamna.

Joel 3:13

Witin nani ba watawikira pali aihwa sa bamna, plawar mâ pihwan klaki baku, witin nani ba klaks. Kan dâkaia piua ba pat aimakan sa, witin nani ba minam ra tais wain mâ ra taibi ba baku; kan pat ridi pali sa wain laya ba paskaia.

Joel 3:18

Baha yua ra wain, bîp tialka laya ba sin il nani, kiuhsi nani wina lî laiwi baku laiwi kabia, Juda tingnika nani ba, lî banhki pura laiwi kabia. Bara tempelka wina lî kârma kum taki Sitim ilka bîla kat laiwi kabia.

Libait Lâka 25:19

Tasbayam wina dusam nani mâ manis maikbia, bara man nani âmyapah iwi banhwi kama.

Libait Lâka 26:10

Plawar auhbi brisma ba wina pi kama, mani nani lubia ba plawar almuk ba sut sakan kabia, bara kli mangki saki auhbi brima ba kat.

Emus 9:13

Dawan naku aisisa: “Yua nani aula, baha yua ra plawar mâ pihwan nani ba kau kriki bara pat kli mâ mangkaia piua ba aimakan kabia; wain mâ mangkan ba kau taibi danh daukras ba ra, plawar mâ mangkaia piua ba pat balan kabia, il tara nani bara kiuhsi nani bâk, wain laya nani ba laiwi kabia lî plapi ba baku.

Malaquía 3:10

Man nani diara 10 bani wina kumi, yang duki ba tempel ra lalahki watla ra brih bal, baku yang waitla ra plun ailal bâra kabia. Man nani baku dauki tâinka kaiks, man nani kaikma kasbrika purara windarka nani ba bukutbi, yamnika ailal man sut puramra yakabras kamna sapa.