Joel 2:22 - DAWAN BÎLA AISKA

²² ¡Daiwan wail nani, man nani si bripara! Twi lâwan nani ba, kli sangni takbia, dus nani ba kli ai mâ sâkbia, kwah damni nani bara wain mâ nani ailal pali kabia.

Joel 2:22 ပူးပေါင်းရင်းမြစ်များ

Blasi Sturka 4:12

Man tasba ra insla daukma sin, witin ai karnika kli maikbia apia. Man plis kum ra sin iwaikam âpu, ban tringsar baku tasba ra yukuwi plapi baman watauki kama.

Lawana Nani 36:6

Dawan, man kasakkam ba il tarka tara nani bâra ba baku tara sa; lâmka nani daukisma ba kabu tara tihuka ba baku sa. Dawan, upla nani, daiwan nani sut bâra ba, man mita main kaikisma.

Lawana Nani 65:12

Twi upla iwras tasbaya ba sangni sa, bara dus wahia nani ba pranakira pali sa.

Lawana Nani 65:13

Twi langni nani ba, sîp nani ailal ni banhwan sa, twi langni il bîla nani kata ba, plawar mâ baman pâwan sa, bara upla sut aiwani, winisa lilia ba mita.

Lawana Nani 67:6

Tasba ba ai mâ sakisa; ¡wan Gâdka yamni wan munan sa!

Aiseya 51:3

Saion ra yamniki marikamna, baha tawanka tara sauhkan bâra kata ba. Tasba lâwan upla iwras tasbaya ba wina giadin daukamna, Dawan mita Eden giadinka ra mangkan ba baku. Bahara lilia bâra kabia, kikaia sin, mayuni aiwananka nani miusik binka dauki.

Isikiel 36:30

Yabrika dus nani bara insla ba mâ kau sâkbia; baku man nani swiram takma apia, nisan wala nani tilara, plun mai dauki ba ra.

Isikiel 36:35

Bara wibia: Naha tasbaya, upla iwras tasbaya takan ba, nanara lika Eden giadinka baku takan sa; tawan nani sauhki tikan kan ba, diara âpu pali sauhki tikanka tara ra swin kan ba, nanara lika kan kahbaika pliska nani takan, bara upla nani bâra iwisa.

Isikiel 36:8

Israel ilka nani man nani mampara, natka wala ra, dus tara nani bara mâ ailal, yang upliki man nani dukiam bâra kabia, pat kli tawi balaia sma piua ba baila sa bamna.

Jona 4:11

Bamna yang kau pali Ninibi dukiara kupi swapni takaia sa, baha tawanka tara ra 120,000 upla nani tuktan baku ai tânka briras banhwi ba bâra sa, daiwan sin ailal pali sa.

Hageo 2:16

¿man nani ra dîa taki kata? Upla kum rais nasla tara ra 20 bîk dâkaia wan, sakuna bîk matawalsip baman brih balan; bara wala kum wain taibi bara 50 bukit brih balaia wan, sakuna 20 buki baman brih balan.

Sakaraya 8:12

Kan kupia kumi lâka ba, witin nani tilara mangkan kabia. Wain kiwka nani, ai mâ alkan kabia; tasba wina sin plun pâwi kabia; kasbrika wina sin diwas laya yabia. Upliki nani kau raya banhwi nani ba ra naha sut na ai dukia kaia yabamna.

1 Korint 3:7

Baku bamna, saumuk mangki uplika ba bara lî laiki ba sin bahki atia sa; sakuna Gâd sika diara sut ba, kan witin sika dusa ba yan pâwi ba.