Joel 1:13 - DAWAN BÎLA AISKA

¹³ Prîs nani, Dawan altarka ra dukia dadaukra nani, man nani kwala siksa dims, bara sari tara brih, altar lamara wih ini banhs. Nanara man nani Dawankam tempelka ra piaia bara diaia prisantka nani brih waia âpu takan bamna.

Joel 1:13 ပူးပေါင်းရင်းမြစ်များ

2 Samuil 12:16

Bara Debit Gâd ra ai pura sunan, baha tukta dukiara, kaiki plun piras kakna an tihmia tasba kat prawi kan.

1 King Nani 21:27

Bara Ahab naha bîla nani sut walan, bara ai prâka nani kalkan bara sari kwalka diman, plun sin piras, baha kwalka wal ban yapan, bara ai kupia bawikira ban tauki kan.

Aiseya 22:12

Baha ba mita, karnika sut bri Dawanka ba mai paiwan naha yua ra; man nani inaia, sari briaia, tâmwa kusbaia bara sari kwalka dimaia sin.

Aiseya 61:6

Bara man nani ba, Dawan prîska nani mai win kabia, yawan wan Gâdka napakanka nani mai win kabia. Nisan nani dukia kukanka ba wina man nani pima, bara witin nani ai prana ba wina man nani pramna daukma.

Jirimaya 4:8

Baha mita, sari prâka dims, man nani latwan bri ins bara mamna lulks, kan Dawan kupia baiwanka klauhi ba yawan wina tnaya ra tawras sa.”

Jirimaya 9:10

“Il nani tilara ini bas, bara mamna sin lulki bas, twi pain pâwi tasbaya pura mata ini aiwani banhs, baha sut angkan, bahak sin upla wapras swin; bîp nani sin âpu uhbaia, daiwan tnawira nani wail nani ba sin sut plapan.

Isikiel 21:12

Bara man, upla, ¡kisbi karna wins, kan tawanki uplika nani ra ikaia bâk sakan sa, Israel tâ brabrira, wihta nani sut ra! Tawan uplika aikuki baku pruaia ra lakan sa, baku bamna latwan bri lamam pruks.

Isikiel 27:31

Man dukiamra ai tâwa ba irbia, upla pruan sarka kwalka dimbia, bara kupia wirha tara pali wal inbia.

Isikiel 7:18

Witin nani sari kwalka ni dimbia; wîna aiska tatatbi kabia bara mawan ba sin pauni takan kabia ai swira mita, bara lal tâwa ba sin kusban kabia.

Oseas 9:5

¿Lilia daukaia yua ra, man nani dîa daukma, sâpkira Dawan wal lilia takaia?

Joel 2:12

“Sakuna nanara —Dawan naku param pali aisisa—, man nani kupiam brinka aiska kira, kli yang ra tawi bal. ¡Kaiki plun wahwi banhs, kisbi wini banhs, bara sin namkra laya sarikira bal!”

Joel 2:14

Ban kra witin, man nani ra kli lukbia ba ra, kau ban klala maiki kabia apia, sakuna ai yamnika ni, puramra blîkbia: plun mâ nani, wain sin blîkbia, Dawan Gâdkam ra prisant nani dauki yabaia dukiara.

Joel 2:17

Prîs nani, Dawan dukia dadaukra nani, ini banhs, bara tempel ra dimi waia bîla bara altar ba wal lila kat bûi, naku wis: “Dawan, uplikam nani pâtka na ban kulkpara; swirka upla wala nani mita uplikam nani ra ban lawaska kiki kabiara; swirka nisan wala nani ba mita, pura wihtka aimaki kabiara, upla idan nani ba sin aisabiara: ‘¿Man nani Dawankam ba anira sa?’ ”

Kulki Kaikanka 28:14

Bîp lupia bani ba angkaia wain batil wâl yan kaia sa, baha sika aiska angkan kabia, mani aiska kati bani sakripaiska ba dauki kabia.

Kulki Kaikanka 28:4

Kumi ba titan ra aiska angki aikbia, wala ba tutni ra aiska angki aikbia.

Kulki Kaikanka 28:7

Wain prisantka yabaia ba naku daukbia, sîp bani dukiara wain litro kum bribia. Wainka na altar purara laikaia Dawan ra yamni kulki. Bamna titan sîp kum, wain litro kum brih prisantka ba daukbia.

Kulki Kaikanka 29:6

baha purkara, kati bani daiwan aiska angki bara yu bani daiwan aiska angki ba, plawar plun mâ sâtka nani, bara wain sin, baha sakripais nani Dawan win ba baku daukbia. Baha ba kîa pain angki Dawan kiawali ba kulkanka yaia dukiara kabia.

1 Korint 4:1

Baku bamna, man nani mita yang nani na Kraist dukia dadaukra nani baku ai kulkaia sma, Gâd dahra prakan tânka nani ba aisi smalkamna wisi wan mangkan ba.

1 Korint 9:13

Man nani kaikisma tempel warkka dauki uplika nani ba, tempel wina ai pata pîsa. Wibia kaka, baha nani altar ra sakripais nani dauki yabi banhwi ba, bahara daiwan nani iki sakripais dauki yabi ba wina, wîna ba pi banhwaia sip sa.

2 Korint 11:23

¿Bara witin nani ba Kraist dukia dadaukra sa ki? Yang lika witin nani purkara sna, aisisna ba sin tanis baku aisisna kuna. Bamna yang lika kau wark takri witin nani ba wal, witin nani wal yang ra kau ai wipan, silak ra sin kau ai mangkan, bara prura pâtka sin manis wauhri.

2 Korint 3:6

Kan Gâd mita sika sip wan daukan lâ raya bâk ai dukia daukaia, bara baha lika wauhkataya ra dîa ulban ba bîla wali daukaia tânka lika apia, sakuna rayaka kumi Spirit Holikira mita pain bribia ba. Lâ ulbanka ba pruaia pâtka mihta ra wan mangkisa, sakuna Spirit ba lika raya kaia wankisa.

2 Korint 6:4

Sakuna, brin wan daukisa diara sut bâk marikaia, yang nani na Gâd dukia dadaukra, wan kupia alki takaskan lâka manis bri banhwisna ba mita pât nani ba wahwaia sip sna bamna, diara luha bara trabil nani sin.

Param Marikanka 11:3

Bara yang mita witnis wâl blikamna daihra aisaia dukiara yu 1,260, bara witin nani sari kwalka sin dimi kabia.”