Job 7:9 - DAWAN BÎLA AISKA

^9-10 Kasbrika pihni lui wi lap tiwi ba, baku sa sika upla kumi raiti bilara aimaki ba: baha wina kli sin tawi balras sa, ai taya nani bui ai mawan ba kli sin kaikbia apia.

Job 7:9 ပူးပေါင်းရင်းမြစ်များ

2 Samuil 12:23

Sakuna nanara pat pruan ba, ¿dîa dukiara yang kau ban plun piras kaia, witin pruan ba wina bukaia yang sip apia sna na? ¡Yang bui lika nanara waia sna witin wal prawaia, sakuna witin lika kli balbia apia!

2 Samuil 14:14

Diara kum rait sa yawan sut na pruaia; yawan na lî tasba ra laiwi ba baku sa, baha sut sip alki briras. Ban sakuna, Dawan bui upla rayaka ba bri sakras, sakuna natka nani mangkisa, plapi ba kau laihura waia apia.

Job 10:21

kli tawi balras ba yabalka ra kau impakras sna ba ra, tihmia tara tasbaika bara prura distika ra,

Job 11:8

¿Dîa daukaia sip sma, kan Dawan sinska lâka ba kasbrika pura pali ba wal kau purara pali sa? ¿Man dîa nu sma, sinska lâka ba albangka kum wal prakan ba tara kau tihu sa?

Job 16:22

Rayaki yua nani brisna ba sin mahka lui auya sa, bara tisku lika mahka impaki wamna kli balaia apia yabalka ra.

Job 17:13

Diara kumi baman bîla kaikaia sip sna ba lika prura, bara tihmia tara ba tilara pruaia bara mahka yapamna.

Job 17:16

Baha nani prura king aimaki ba tasbaya ra, yang wal iwi wabia, bara baha nani wal asla, prura tasba yamhpuska tilara prawi kamna.

Job 3:13

Yang ba pruri kata kaka, nanara yang âiyapah pali yapi kaia kapri, kupi kumi lâka ra sâp prawi kaia kapri,

Job 30:15

Sibrin lâka tara yang purira kauhan, praina ba pâsa baku lui wan, duki yamni nani ba mukus kumi baku lui wan.

Job 37:11

Kasbrika ba lî kiasmika nani buskisa, bara baha wina imyula takaia daukisa.

Lawana Nani 39:13

Ai kaiki kapara, ai swis wiria lupia wingki puhbamna, kau pruras raya sna ba ra.”

Aiseya 26:14

Witin nani ba pruan sa, kli sin rawbia apia; witin nani ba rayaka âpu, kli raiti wina bubia apia; man bui witin nani ra klala yaram, witin nani ra lukaia lukra nani ba sin sut man mita sauhkram;

Aiseya 38:11

Yang lukri: Nanara yang Dawan kaikamna apia, witin rayakira nani tasbaya ra iwi ba, baha tasbaya ra iwi nani upla ba sin kli kaikamna apia lukri.