Job 7:16 - DAWAN BÎLA AISKA

¹⁶ Yang kau sip apia sna, kau raya kaia brin ai daukras sa, ai swis kupia kumi lâka ra, kan rayaki ba lika wan wingka puhbra kumi baku sa.

Job 7:16 ပူးပေါင်းရင်းမြစ်များ

Blasi Sturka 27:46

Baha wina witin tawi Aisak ra win: —Isau mairka hitita nani tila wina ai maya brin ba tâka ba mita sika wîni tara na siknis ai daukisa, swapri sa sin. Bara Jekob sin kli hitita mairka wala Kenan ra iwi nani ba tila wina kum wal bribia sa kaka lika, kanra yamni sa yang mahka pruaia.

1 King Nani 19:4

Bara witin lika upla iwras tasbaya bâk yu aiska kum wapi wan, bamna wih dus kum munhtara iwan, mahka pruan dauki kan, bara win: “¡Nanara aitani sa, Dawan, rayaki na sâks, kan yang na kau yamni apia sna, papiki nani ba wal!”

Job 10:1

¿Naku baman yang ban raya kaia ki? ¡Yang danh swapri! Brukwi aisarika pan, kupi aimakbia kra, kupi tahplika wal param aisisni.

Job 10:20

Rayaki ba kunhku sa bamna, kupia kumi lâka ra ban ai swis bara lilia wiria pan brimna,

Job 14:6

Namkra nani ba witin ra kaikpara, bara kupia kumi lâka ra ban swis; ¡swirka ai lilia bribia upla ai mana bri ba baku!

Job 6:9

¡Aitani kabia, Gâd ban lukbia kaka, rayaki na tuyukbi âpu ai daukbia kaka!

Job 7:15

Kanra yamni kabia wingki praki ai ikma kaka, kau yamni sa pruaia ba wihki raya kaia ba wal.

Job 7:7

Ay, Gâd, kupiam krauks yang rayaki ba lika wan wingka puhbra kumi baku sa, bara yu kumi sin kli lilia brimna apia sa.

Job 9:21

Yang na pâtkas sna kra, ¿sakuna baha ba dîa sa? Yang pat swapri pali sna raya kaia.

Lawana Nani 144:4

Upla ba wan wingka puhbra kumi baku sa; upla raya ba dista kumi baku lui auya sa.

Lawana Nani 39:10

Man klalka ai wipisma ba, yang wina sâks, yang na âpu ai daukuma sa, man mihtam ai prukanka ba mita.

Lawana Nani 39:13

Ai kaiki kapara, ai swis wiria lupia wingki puhbamna, kau pruras raya sna ba ra.”

Lawana Nani 39:6

¡Upla sut ba dista kum bal lui baku luisa! Diara ailal kuki ba, witin ra hilp apia sa, dukia nani ba ya bribia sapa nu âpu.

Lawana Nani 62:9

Upla ba diara bahki man luki kaikisa upla umpira ba, upla yuyakira ba wâlsut paun ra mangki kaikma kaka witin wâlsut ba diara apia sa.

Lawana Nani 78:33

Baha mita Gâd bui rayaka nani ba âpu daukata ai wingka puhbra kum baku ra, bara sibrin tara dingkan kata.

Lawana Nani 78:39

Gâd ai kupia kraukan, upla bahki nani kan ba, sim pâsa baku auya ba bara kli tawi balras kan.

Smasmalkra 2:17

Raya kaia ba ra misbara kaikri, kan diara nani sut naha tasba ra dauki ba, maipara sa. Kasak pali baha sut ba bahki man sa, ¡pâsa ra alkaia baku sa!

Jirimaya 8:3

Naha uplika saura nani kau pruras raya kabia ba, yang mita munrika ani anira tauki kabia ba tilara, witin nani raya kaia apia mahka pruaia ba kau yamni kulkbia. Yang, Dawan, karnika sut brisna, kasak aisisna.

Jona 4:3

Dawan, baha mita sika mamkabisna, yang rayaki na sâkma. Pruamna ba kanra yamni sa ban raya kaia ba wal.

Jona 4:8

Yu ulan ba ra, Gâd daukan lalma payaska lapta krawaia, bara yu laptika ba Jona lal kat angkan; bara mahka sinska tiwi kan, bara witin pruaia kat lukan. Witin naku aisin: —Yang pruaia kanra yamni, raya kamna ba wal.