Job 5:8 - DAWAN BÎLA AISKA

⁸ Man wamtlika ra, yang bui Gâd ra kaikamna, bara trabilki nani sut ai mihta ra swimna.

Job 5:8 ပူးပေါင်းရင်းမြစ်များ

Job 11:13

Yamni daukaia tânka ba alki bris, bara makabankam ba Gâd kat aisas.

Job 13:2

Man nani tânka brisma ba, yang mita sin tânka brisna; diara kumi ra sin, yang na man nani wal kau mâyara apia sna.

Job 13:3

Sakuna kau yamni lukisna Gâd wal aisaia kau yamni sa, Gâd karnika sut bri ba wal blahwi aisaia.

Job 22:21

Kli mahka pali Gâd wal kupia kumi taks, baku lika kli kainamra yamni impakma.

Job 22:27

Dîa kra makama kaka, witin walbia, bara man mita dîa yaia wiram ba kat daukma.

Job 8:5

Bamna Gâd pliks, karnika sut bri Gâdka ba, bara makas umpira mai kaikbia.

Lawana Nani 37:5

Man rayakam ba Dawan mihta nani ra mangks; witin kat luki tniwi bas, bara witin hilp maikbia.

Lawana Nani 50:15

Yang ra ai wins kupiam wirha brima ba ra; yang pri mai sakamni, bara man bui yang ra kulkanka aikma.”

Jirimaya 11:20

Sakuna Dawan, man lika karnika sut brisma ba, man ba wihta kasak kum sma; upla kupia lukanka kat dîa luki ba sut kaikisma ba. Aik kaikamna man baha uplika nani ra nahki klala yabaisma ba, yang ra diara nani takaia ba man mihtam ra swiri bamna.

2 Timoti 1:12

Baha mita sika, yang naha pâtka nani wahwisna ba. Sakuna yang swiri lukras, kan pain kaikisna yaura kat kasak lukri ba, bara kasak pali lukisni, witin ba karnika brisa, dîa yang mihti ra mangkan ba, pain suni bri kaia, baha yua ba kat.

1 Pita 2:23

Witin ra lahtubi kan ba ra, pana lahtuban kumi sin aisaras kata; pât nani yaban wahwi kan ba ra, pana witin mita saura munaia wiras kata, sakuna ai tânka nani ba Gâd mihta ra mangki kan, witinka kasakka lâka kat lâ dauki ba.

1 Pita 4:19

Baku bamna, Gâd kupia lâka kat pât wahwi nani ba, ban diara yamni dauki kaia sa, bara ai sulka nani ba aiska pali ai Papaskra mihta ra mangkaia sa, kan witin lika kasakkira sa.