Job 5:5 - DAWAN BÎLA AISKA

⁵ Ai pata mâ nani kriki auhban ba plun wahwi nani ba mita bal pîsa, kiaya tila nani wina sin mâ sakisa, bara diran dauki nani ba mita ai yuyaka ba tâwan witin ra tumisa.

Job 5:5 ပူးပေါင်းရင်းမြစ်များ

2 Kronikas 33:11

Baha mita Dawan bui witin nani ra brih balan, Asiria kingka war wihtka nani, bara baha nani mita Manasés ra kiulh wal alki, bara bras sînka nani wal wilkan bara Babilon ra brih wan.

Job 1:15

tisku kan sabeo nani wan bara bîp nani ba implikan, bara skiru ni waitna nani kan ba sut ikan. Yang baman baha tila wina swak taki aulna, sturka ba maisam pakaia.

Job 1:17

Waitna ba kau ban baha dahra aisi danh takras kan, waitna wala yumhpika ba bal diman bara naku win: —Caldea uplika nani daknika yumhpa wan mapara taki aiklaban bara kiamil nani kata ba sut implikan, baku sin skiru ni baman waitna nani kan ba sut ikan. Yang baman baha tila wina swak taki aulna, sturka ba maisam pakaia.

Job 12:6

Tahplu nani ba ai watla ra ai âuyapah sa; Gâd mapara uplika nani ba ai âuyapah iwisa ai watla nani ra, kan witin nani lukisa, Gâd ba witin ai mihta bilara alki brisa.

Job 2:3

Bara Dawan pana win: —¿Man naipakan Job ba kaikatma ki? Tasba ra upla wala âpu sa witin baku, kasakka lâka kat yang warkki dauki ba, wapni, tâski sin âpu ai rayaka ra iwisa, bara sin upla ra saura munaia lukras. Man bui pâtkas pali rausauhkram, sakuna witin ban tâski âpu pali kasak wapni sa.

Job 20:15

Yuyaka nani langkan ba sut aikabi sakan kabia, Gâd mita sika klungka ba wina saki ba.

Job 20:22

Diara ban pali ailal bri kabia sin, ban kau lilia lâka âpu kabia, upla saurakira nani mihta ba witin purara kauhan kabia.

Job 22:10

Baha mita nanara pât mita mai kutbi mai brisa, bara tisku lika sibrin tara ni banhram sa.

Lawana Nani 109:11

Upla ra lalah yabi mana saki ba bui dîa bri kata sut brih wabia, upla tringsar nani bui dîa saki brin ba mihta dakbi bribia.

Aiseya 62:8

Dawan ba swer takan ai klahkla aihkika karnika ba buki: “Kli swirka man plawarkam ba wina waihlam nani pibia apia, tringsar nani ba sin man wark takram wainka ba wina dibia apia;

Jirimaya 51:34

Jerusalem, Saion tawanka ba, aisisa: “Nabucodonosor, Babilon kingka ba, yuya sirpi ai dauki ai langkan; plit kum bîla man ba baku ai dauki swin. Kabu daiwra saura tarka tara kum baku taki, ai langkan; dîa want ba kat ai âuyapah ai pin; bara tâka ba swin lulkan. ¡Babilon bui saura ai munan mana ba aibapbia! ¡Caldea uplika nani bui aibapbia, upliki nani ikan ba mana!”

Jirimaya 51:44

“Bel, Babilon gâdka ba, klala yabamna, langkan yaba munrika aikabia, nisan nani witin ra kli plapbia apia. ¡Babilon kutbanka nani ba pat kauhan!

Inanka Nani 2:16

Waihlam nani sut ba, ai bîla kwâkan sa man mampara. Warbanka tilara bara saura munaia luki daukanka ra wisa: “¡Yawan bui witin ba aiska sauhki tikan sa! Naha yua sika, yawan aihwa bîla kaiki kata ba; ¡lâs kat nanara yawan kaikisa!”

Inanka Nani 2:5

Dawan ba waihla kum baku takan sa: witin bui Israel aiska ba sauhki tikan; ai wihtka tara watla nani sut sauhki âpu tikan, ai kan kahbaika pliska nani sut batakan, bara sarka lâka, inaia lâka ba kau ailal daukan sa Juda luhpia mairin tilara.

Oseas 8:7

Witin nani pâsa baman mangkan bara pâsa saura karna krawi ba baman dâkbia; plawar mangkan ba dusa wina plawar sin sâkbia apia, ban kra witin nani baha sâkbia kaka sin, witin wal kakaira apia nani baha pibia.

Kli Smalkanka 28:33

Upla man nani bui kakaira apia sma ba, tasbayam wina plun mâ nani sakisma ba pi kabia, ban pât wahwi taiban ra bara lawi mai dauki kabia.

Kli Smalkanka 28:51

Daiwram luhpia nani sut pibia bara tasbayam wina patam mâ sâkma ba sin, sut prui tiwbia ba kat; plun saumukka, wain, batana, bîpkam, sîpkam luhpia sin swibia apia, bara plun bla pruma.

Wihta Nani 6:11

Baku bamna, Dawan insalka ba balan bara Ofrá usupumka dusa munhtara iwan, baha sika Joás dukia kan, Abiézer taika kan. Gedeón, Joás luhpia ba, Madián luhpia nani bui witin ra kaikbiara sîa, taibaia wainka nani ba paun munaika watla ra dimi yukuwi plawar mâ taya saki kan.