Job 5:12 - DAWAN BÎLA AISKA

¹² kuninkira nani diara daukaia ai kupia ra luki paski ba sauhki tikisa, bara lukanka ba batakisa.

Job 5:12 ပူးပေါင်းရင်းမြစ်များ

Blasi Sturka 31:22

Yu yumhpa luan ba kat. Jekob plapan sturka ba Labán walan.

2 Samuil 11:9

sakuna Urías ai watla ra waia watlika ra, tihmia aiska king watla durka ra lalawan, suldiar nani king watla aihwaki kaiki nani ba aikuki.

2 Samuil 17:14

Israel luhpia nani sut bara Absalón sin, Husai lukanka ba kau aitani kulkan, Ahitófel lukanka ba baku apia. (Baha sika Dawan bui baha lukanka ba yan Ahitófel daukaia lukan ba bahki ra lakaia, bara Absalón purara pâtka ba kauhaia.)

2 King Nani 6:9

Bara Ilaidsa bui Israel kingka ra blikan maisa pakaia, baha pliska nani bâk lui wabia apia, kan Siria uplika nani ba bâk lui auya kan ba mita.

Nihimaya 4:15

Bara wan waihla nani ba walan, yang nani ai mapara aiklabaia kapri ba, bara Gâd mita sin witin nani daukaia luki kan ba slingbi sauhkan, bara yang nani sut kli tawi balri taim, kutbanka paskaia warkka bri banhri.

Nihimaya 4:9

Bara yang nani mahka Gâdki ra puri sunri, bara witin nani mapara aihwawakra nani mangkri, tihmia bara kakna aihwaki wan kaina kaiki kan.

Job 15:5

Lukankam saura brisma ba mita mai munan baku aisisma, bara mai munan kunin bîla nani aisisma.

Lawana Nani 21:11

Witin nani man mampara saura daukaia luki diara nani daukbia ba, kuna sip baku takras kabia.

Lawana Nani 37:17

Dawan mita saurakira nani ba baha kat takaskbia, sakuna Dawan bui upla yamni ba alki buki kabia.

Sins Lâka 21:30

Dawan mapa ra, sins lâka nani ba bahki baman takisa, diara tânka alkaia lâka, lâ tânka smalkaia sin âpu sa.

Sins Lâka 22:12

Dawan ba sinskira purara aihwaki kaikisa, bara kunin aisasara bîla aisinka ba bahki kaikisa.

Aiseya 19:3

Idsip uplika nani lukanka ba lap tiwaia daukamna, dîa daukaia luki dauki ba sut sauhkamni. Bara witin nani aidul nani ra makabi walbia, sukia nani ra sin, pruan nani piritka ra sin, smaya kakaira nani ra sin.

Aiseya 37:36

Bara Dawan insalka ba taki wan bara upla 185,000 ikan Asiria nani kiampka ra; witin nani titan buan ba ra, kaikan witin nani wîna tara sut ba, upla pruan man kan.

Aiseya 44:25

Yang swiras, prapit kuninkira nani diara aisan ba kat aimakbia; yang daukisna smaya kakaira nani ba, ai raitka ba tikbia. Yang sinskira nani ba yâri kli ai walka mapara aisisa bara sinska lâka ba, diara tânkas ra lakisna.

Aiseya 8:10

Daukaia luki ba lilka dauks, kan baha ba sauhki tikan kabia; dîa lâka upla wala ra kabia want ba kat daukbia apia, kan Gâd ba yawan nani wal sa bamna.

Jirimaya 49:7

Edom uplika nani ra wiaia Dawan aisin bîla ba: “¿Temán ra sins lâka âpu takan ki? ¿Sinskira nani ba sip wiras ki witin nani dîa daukaia? ¿Sins lâka nani bri ba sut tiwan ki?

Jirimaya 8:8

¿Nahki man nani wiaia sip sma diara tânka brabrira nani sma, Dawan lâka ba sin brisma? ¡Sturi âiulbra nani ba, daiwan tnawa ba buski kunin baman ulban!

Abdías 1:8

Dawan ba kasak aisisa: “Yang Edom ra klala yabamna yua ra, Isau ilka nani ra upla sinskira nani bâra ba, sinska lâka ba sauhki âpu daukamna.

Apastil Nani Sturka 12:11

Pita baha kat ai dara walan, bara win: “Nanara daira walisna baha ba kasak pali sa, Dawan mita ai insalka blikan, Herod mihta wina swaki ai sakaia, bara Ju nani dîa ai munaia luki kan ba wina sin.”

1 Samuil 23:13

Bara Debit ai uplika nani waitna 600 prais kan ba aikuki, Queilá wina taki plapan bara anira auya sapa ai tânka briras. Baha sturka Saúl walan Debit Queilá wina taki plapan ba, bara witin Debit nina blikaia kau diara daukras swin.