Job 42:3 - DAWAN BÎLA AISKA

³ ¿Yang na yamna, man sinskam lâka ba bahki kulkaia, baku yang sinskaski lâka ba mamrikaia sna? Yang aisi katna ba lika, diara nani tânka briras sna ba dukiara sika, diara nani aihkakira pali sa, sip sin tânka briaia apia sna ba.

Job 42:3 ပူးပေါင်းရင်းမြစ်များ

Job 11:7

¿Man lukisma ki, man ba sip sma Gâd tânka tihu ra ba kaikaia, bara witin ai tânka tihuka pali ba tânka sut pali ba man kaikaia?

Job 11:9

Baha nani ba naha tasba wal kau tara sa, kabu ba wal sin kau bîla yahpa sa.

Job 13:1

Naha diara nani sut na yang naikra pali ni kaikri, bara kiaima pali ni sin walri.

Job 38:2

¿Man ba ya sma ki, yang sinski lâka brisna ba tânka makabi walaia, man aisinkam sinskas tânkas ba ni baha tânka saki aisaia?

Job 5:9

Witin sika diara tara aihkakira nani uya daukisa, baha diara nani ba upla sip tânka briras sa.

Lawana Nani 131:1

Dawan, yang kupi ra praut lukras sna, naikra nani ai sin pura luan daukras, diara tara aihkakira nani ninara sin yang waras, baha yang sip alkras sna ba.

Lawana Nani 139:6

Sins lâka aihka painkira ba, yang sip alkras; ¡laih purara sa, baha yang sip alkras, baha tânka briaia!

Lawana Nani 40:5

Dawan, yang Gâdki, man warkkam aihkakira nani daukram ba ailal pali sa, yang nani dukira sin man luki kaikisma ba. ¡Diara âpu sa, man wal praki kaiki bara baha ba kau yamni sa wiaia! Warkkam tânka sut ba aisi sakaia brin ai daukisa; sakuna baha sut kulki sakaia yang sip apia sna.