Job 42:2 - DAWAN BÎLA AISKA

² Yang kaikisna man lika diara sut ba daukaia sip sma, diara âpu sa man daukaia sip apia sma ba.

Job 42:2 ပူးပေါင်းရင်းမြစ်များ

Blasi Sturka 18:14

¿Diara kum bâra sa ki, Dawan mapara ban karna pali witin daukaia sip apia ba? Bamna piua maikri ba kat mani wala aula ba yang kli man ra bal mai kaikamna, bara Sara ai luhpia waitna kum bribia.

Job 23:13

Witin dîa kum daukaia brin daukisa kaka, daukbia, diara âpu sa baha ba takaskaia.

Job 42:1

Job Dawan ra pana aisi, win:

Lawana Nani 135:6

Dawan witin dîa daukaia ba sut daukisa, kasbrika pura ra bara tasba ra sin, kabu tihuka nani ra ba sut.

Lawana Nani 139:2

Man, yang daukanki nani sut ba kaikisma; yang kupi ra lukisna ba, man laih wina kaikisma.

Lawana Nani 44:21

Man pat baha ba damra walaia katma, kan man sika diara yukuwan ra bâra ba, sut pali kaikisma.

Sins Lâka 19:21

Upla kupia ra diara daukaia lukanka nani manis bâra sa; sakuna lâ tânka, Dawan lukan ba kat lukras sa kaka ban kabia.

Smasmalkra 3:14

Baku sin kaikisni, Gâd diara sut daukan ba ban kaia ra ba kabia. Baha sin kau pura prakras, bara dakbi sin sakras; Gâd ba baku daukan sa, bahara kaiki upla witin ra kulkbia dukiara.

Aiseya 14:27

Kan karnika sut bri Dawanka baku luki kaikan ba, ¿ya mita baha ba alki takaskbia? Ai mihta sakbi klala yabaia ba ban sa, ¿ya mita yaka kli ai ninara lakbia?

Aiseya 43:13

Yua nani bal takaia kau kainara, yang Dawan pat bâra kapri, upla wala âpu sa yang mihti wina pri mai sakaia. Baha yang daukisna ba, upla âpu sa baha slingbaia.”

Aiseya 46:10

Blasi pali wina maisa pakisna diara aula dukiara; bara blasi pali ba kan kaia ra wina sin diara nani kau daukras kan ba dukiara sin yang wisna. Yang wisni: Smalkanki bîla nani ba ban bâra kabia, bara diara nani want sna ba daukbia.

Jirimaya 17:10

Yang, Dawan, upla kupia tânka pliki kaikisna, bara lukanka nani ba tihuka ra kaikisna; witin nani dîa briaia aitani ba kat kumi bani ra mana yabisna.”

Jirimaya 32:17

‘Dawan, man kasbrika pura bara tasba sin paskram ba ni karnikam tara ba marikisma. Man daukaia sip apia dukia ba âpu sa.

Isikiel 38:10

‘Yang Dawan sna ba, naku wisni: Baha piua ra lukankam ra diara aihka saura nani balbia daukaia.

Daniel 4:32

Upla nani tila wina taki daiwan nani tilara takaskma; bîp wainhka nani baku mani 7 twi pi kama, Gâd baman nisan nani sut purara karnika bri ba tânka brima ba kat, bara witin sika naha tasba ra, ya king kaia ba mangkisa.”

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Matiu 19:26

Jisas witin nani ra kaiki si, win: —Upla nani naha na daukaia sip apia sa, sakuna Gâd lika diara sut daukaia sip sa.

Mark 10:27

Jisas witin nani ra kaiki, win: —Upla nani naha sip daukbia apia, Gâd lika sip sa, Gâd mapa ra diara sut sip sa bamna.

Mark 14:36

Bara ai pura sunra ra aisin: “Aisiki, diara sut mapara man sip sma; naha pâtka wahwaia sna ba wina swaki ai sâks; sakuna yang kupi lâka lika apia, man kupiam lâka kat.”

Luk 18:27

Bara Jisas bila: —Upla daukaia sip apia ba, Gâd lika sip sa.

Jan 21:17

Jisas aima yumhpa ra kli makabi walan: —Saiman, Jan luhpia, ¿man latwan ai kaikisma ki? Pita naha kat sari takan, kan Jisas naha kat aima yumhpa witin ra latwan kaiki sapa makabi walan bamna. Baku mika Saiman win: —Dawan, man diara nani sut ba kaikisma, bamna man kaikisma yang bui man ra latwan sna ba. Jisas bila: —Baku sa kaka, sîpki nani ba plun dakaks.

Epesus 1:11

Bamna yawan Kraist wal asla takan ba mita, Gâd mita kaina piua wina bâk saki wan brin, diara witin yaia ba wina wan dukia bribia; bara naha sut na lika Gâd bui dîa daukaia lukan ba kat sika, dîa witin pain kaiki ba baman dauki ba.