Job 4:3 - DAWAN BÎLA AISKA

³ Man sika upla nani ra smalkanka uya yabi katma ba, swapnikira uplika nani tâ baiki katma ba;

Job 4:3 ပူးပေါင်းရင်းမြစ်များ

Blasi Sturka 18:19

Yang bui witin ba bâk sakri, ai luhpia bara ai kiamka nani ra sin yang bîli nani ba smalkaia, witin nani bîli wali daukaia, diara yamni bara diara wapni ba daukaia. Bara yang bui witin nani ra dîa pramis munri ba sut daukamna.”

Esdras 6:22

Witin nani brit îs âpu dauki, yu 7 baha yua liliaka ba dauki kan, Dawan mita Persia kingka kupia swapni daukan, bara yaban witin nani ra umpira kaikan, bara sin kau ni tâ baikan, Gâd, Israel Gâdka tempelka mâkan liliaka dauki ba ra.

Job 16:5

Latwan lâka aisinka ni bara maisa nihkra bîla nani ba ni aisi tâm baikamna.

Job 29:11

Upla nani ai kaikuya ba ra, aisisna ba wali bara laikula dauki kan, bara yang dukira yamni aisi banhwi kan.

Job 29:15

Yang na upla nakras nani nakra kapri, bara skahwa nani mina kapri.

Job 29:16

Diara luha nani aisika kapri, bara kuntri wala uplika nani tâwan aisasara sin.

Job 29:21

Sut pali ai wali banhwi kan, bara sâpkira pali kupia kraukanka ba wali kan.

Job 4:4

man sika kupia lukra swapni taki kauhi uplika nani ra, kupia tâ baikram bûi kata ba, bara mahka kauhai kan uplika ra tâ baiki bri katma ba.

Sins Lâka 10:21

Upla kasakkira nani aisanka mita upla ailal yamni smalkisa, taniskira nani ba sins yamni luha ba tâka mita pruisa.

Sins Lâka 15:7

Sinskira nani bîla aisinka wina sins lâka yakabisa, sinskas ba, ai lukanka wal, dîa sut ba mapara man daukisa.

Sins Lâka 16:21

Ya sins lâka ra luki kaiki ba, baha ba sinskira nina mâkisa, kupia yamni bîla aisanka ba, kau pain kasak lukaia wankisa.

Aiseya 35:3

Mihta swapan nani ba man nani mita karna daukma, lula karnika âpu takan nani ba sin man nani mita karnika yama.

Aiseya 50:4

Dawan mita ai smalkan swapan nani ba yang mita maisa nihkaia, tasapaia bîla nani aisi. Titan bani lukanki ra ai munisa witin aisi ba pain wali kaia, swapni bani kira baku walaia dukiara.

Isikiel 13:22

Man nani, kuninkam lâka ni, upla yamni nani ba sasibrira daukram, yang baha daukaia lukras katna ba, bara kli tawan taim watawikira nani ra tâ baikisma ai daukanka saura nani ba ban dauki kaia. Baku yang bui witin nani ra rayaka yabamna apia dukiara.

Sofonías 3:16

Baha piua ra Jerusalem uplika nani ra wibia: “¡Saion uplika nani, si bripara, wark taki bas!”

Luk 22:32

Sakuna yang bui man dukiamra puri sunri, kasak lukankam ba tiwaia apia. Man kli tawi balma ba ra, muihkam nani tâ baiks.

Luk 22:43

Bamna kasbrika pura ba wina insal kum balan, witin ra tâ baikaia.

Epesus 4:29

Sturi aisi banhwisma ba ra uplikam mapara bîla saura lika aisapara, sakuna hilp munaia bîla ni aisas, dîa witin want dukia ba yama bara baha wal pâwbia, bara bahmuna bîla aisaram wali uplika ba mapara hilpka pali sa.

Kli Smalkanka 3:28

Jasua ra smalki, tâ baiks ai karnika bribia, kan witin sika upla nani kainara wabia, witin mita sika upla nani ra baha kuntrika ba yabia, man baha pliska kaikisma ba.’

Kolosi 4:6

Sturi nani aisisma ba sut sin pain bara auhni kabia, bara kaiki banhwi kaia sma, dîa upla ra pana aisaia sma ba.

Hibru Nani 12:12

Baku bamna, mihtam nani swapan ba bara lulam nani swapan ba sin karnika raya yabia,