Job 4:11 - DAWAN BÎLA AISKA

¹¹ Layan nani diara pliki alkaia sakras kan ban prui ba baku prubia, bara ai luhpia nani ba ban yakabrira baman swin kabia.

Job 4:11 ပူးပေါင်းရင်းမြစ်များ

Lawana Nani 34:10

Diara ailal bri nani ba, kli diara âpu takisa, bara witin nani plun wahwisa, sakuna baha nani Dawan pliki ba, diara kumi sin luha kabia apia.

2 Timoti 4:17

Sakuna Dawan hilp ai munan bara karnika sin aikan, bamna yang sip katna swaki sakan sturka yamni aiska ba aisi smalkaia, Ju apia nani ba sut walbia. Baku sika Dawan mita layan bîla ba wina swaki ai sakan,

Oseas 11:10

Witin nani lika Dawan nina blîkbia, bara witin layan kumi baku ihbi kabia. Ihbi kabia, bara ai uplika nani ba tatatwi kira muna tani wina taki balbia.

Jirimaya 4:7

Layan ba ai watla wina pat takan, nisan nani sauhki tiki ba pat yabal ra aula; ai tasbaya wina taki aula man kuntrikam ba sauhki tikaia, tawanka tara nani ba slingbi, pura paski bîla man swiaia.

Lawana Nani 7:2

¡Swaki ai sâks, kan witin nani ba layan nani baku sa; swirka witin nani bui wîni ra bisbiara, swaki ai sakaia ba âpu kabiara!

Job 38:39

¿Man sma ki layan mairin pata pliki yabi ba, baku mika layan luhpia nani ba pibia aibanhwan kabia kat,

Job 1:19

pat pali upla iwras tasbaya tani wina pâsa saura kumi krawan, bara utla ba tnaya walhwal ra pruki bara utla tara ba luhpiam nani purara batakan, bara sut kat ikan. Yang baman baha tila wina swak taki aulna, sturka ba maisam pakaia.

Kulki Kaikanka 24:9

Witin nani ba bahara yapisa layan baku, upla kumi sin wih rakaia munbiara. ¡Yamni mai muni uplika ba, yamni munan kabia, lahtubi mai munbia uplika sin, lahtuban kabia!”

Kulki Kaikanka 23:24

Baha uplika nani layan baku sirang ikisa, witin nani takaskaia apia ai mapara bûi ba sut âpu daukbia ba kat, ai waihla nani tâlia ba sut dibia.”

Blasi Sturka 49:9

Juda, man, yang luhpi. Man ba layan luhpia kum ai daiwra ikan ba pi si, ai lal makupi bara bawi ba baku sma, layan tara bawi ba baku. ¿Bara ya sin witin ra munka mahka bubia?

Job 5:4

Ai luhpia nani ra hilp munaia upla âpu sa; lâ dadaukra nani ba mita pâtkira pali baku kulkan sa; witin nani tâwan aisaia upla âpu sa.

Job 5:15

Umpira bara taiban lâka ra uplika ba, watawikira upla tataibra nani ba mihta wina, Dawan mita bâk swaki sakisa.

Job 20:10

Umpira nani ra luhpia nani ba kli yan kabia, witin mita implikan ba.

Job 29:17

Yang lika upla watawikira nani krusa kriki kapri, bara ai napa wina daiwra ba dakbi saki kapri.

Lawana Nani 34:11

Bal, luhpi nani, man nani, yang ra wals; yang Dawan ra kulkaia lâka ba, man nani ra mai smalkamni.