Job 27:9 - DAWAN BÎLA AISKA

⁹ Pât wal prawan piua ra, Gâd ai pura sunra ba walbia apia.

Job 27:9 ပူးပေါင်းရင်းမြစ်များ

Lawana Nani 109:7

ai lâka daukan ra pâtkira kulkbia, lâ daukan ra witin tâwan aisi ba mita pât ra lulkbia.

Lawana Nani 18:41

Witin nani hilp makaban, sakuna upla kumi sin witin nani ra tâ baikras kan; Dawan ra winan, sakuna witin nani ra pana aisaras.

Lawana Nani 18:42

¡Yang bui witin nani ba, pruki akbi tasba yuya pâsa ra pâli ba baku daukri! ¡Yabal nani ra drapapa wan mina ra taibi ba baku taibri!

Lawana Nani 66:18

Yang lukanka saura briri kata kaka, Dawan ba ai walaia apia kan;

Sins Lâka 1:27

man nani puramra sirang bara pât nani balbia ba ra, swapni taki bara kupiam wirha baman kama, sim pâsa tara kum baku diara nani sut ba sauhki tiki ba!

Sins Lâka 1:28

“Baha yua ra ai winma, sakuna pana mai aisaras kamna; ai pliki banhma, sakuna ai sakras kama.

Sins Lâka 28:9

Ya Gâd ra lâ walaia apia wisi ai kiama laki ba, Gâd sin witin ai pura sunra ba saura pali kulkan sa.

Aiseya 1:15

Man nani puram sunaia mihtam bukisma ba ra, mai kaiki kamna apia; man nani puram sunra ailal aisama sin, yang mai walamna apia. Man nani mihtam nani ba tala baman alkan sa.

Jirimaya 11:11

Baha tâwan pât tara kum yang bui witin nani ra blikamna, baha wina sip swak takbia apia. Nahki kat witin nani bui yang ra hilp makabi ai winbia, sakuna yang lika witin nani ra walamna apia. Yang, Dawan, kasak aisisna.

Jirimaya 14:12

Witin nani kaiki plun piras nahki ai pura suni kabia sin, makabanka nani ba yang walamna apia, plun nani prisantka nahki aiki kabia sin, sakuna baha yamni kaikamna apia. War blikaisna witin nani ba sauhki tikaia, bara sanglang, siknis sin.”

Isikiel 8:18

Sakuna pana sin yang kupi aisawanka wal daukamni: Naikra ba saurka swih tikbia apia, kupia pihni lâka sin kaikamna apia. Bara kisbi banhbia kiaima ra bîla baikra tara ni, sakuna yang walamna apia.”

Oseas 7:14

witin nani ai krikrika ra aitniki karna winisa sakuna, ai lukanka pali wina yang ra ai pura sunras. Witin nani plawar, wain briaia dukiara ai pura suni ba ra, ai lukanka ra insauhkisa; ¡sakuna witin nani, yang maipara buan!

Miqueas 3:4

Yu kumi man nani bui Dawan ra winma, sakuna Dawan bui man nani ra mai walbia apia. Witin baha yua ra, man nani wina yukuwbia saurka nani daukram ba tâwan.

Sakaraya 7:13

“Yang aisari, witin nani walan daukras bamna, witin nani ai pura sunbia bara yang sin walamna apia.

Luk 13:25

Utla dawanka ba dur ba prakbia ba ra, man nani latara banhwi kama ba, dur ra kingbi, wima: ‘Dawan, yang nani ra sin dur sâks.’ Sakuna witin mai wibia: ‘Man nani ba ani wina sma sapa yang mai kaikras.’

Jan 9:31

Yang nani kaikisna Gâd lika saura dadaukra nani ra walras sa; sakuna ya witin ra ai pura suni mayuni bara ai kupia lâka sin dauki ba lika, witin walisa.

Kli Smalkanka 1:45

Man nani kli tawi balram bara Dawan mawanra inram, sakuna inankam ba witin walras kan.

Jems 4:3

Man nani makabankam nani ba saura makabisma bamna, sip briras; kan man nani wînam liliaka dukiara baman lukisma bamna.