Job 24:4 - DAWAN BÎLA AISKA

⁴ Umpira nani ba yabal wina tnaya ra kangbi lakisa, bara upla bawikira nani ba yukuwaia sa.

Job 24:4 ပူးပေါင်းရင်းမြစ်များ

Job 24:14

Upla âikra ba, tihmia kau buisa umpira ba ikaia, bara tihmia iwuya taim, âimplikra takisa.

Job 29:12

Yang mita rau bara piarka nani ra tâ baiki kapri, upla mita tâ baikras kan uplika ra.

Job 29:16

Diara luha nani aisika kapri, bara kuntri wala uplika nani tâwan aisasara sin.

Job 30:25

¿Pât bri nani ba tâwan inras katna ki, diara luha nani ba dukiara kupi swapni briras katna ki?

Job 31:16

Umpira diara luha uplika ra hilp munaia piua bani takaskras katna, aitani lukras katna piarka nani ba plun wahwi ai yua nani ba lui kabia.

Job 31:19

Ani piua upla kumi kwala luha kan kaka, apia kaka umpira bla mita ai taya prakaia sin âpu kan kaka,

Lawana Nani 109:16

Witinka piua kumi sin kupia pihni lâka daukaia sip lukras kan, kuna upla umpira nani, bawikira nani sari bri nani ra rausauhki nina blikan ikan ba kat.

Lawana Nani 41:1

Ani uplika, upla siknis nani dukiara luki ba, lilia pali kabia. Piua saura mani balbia ba ra, Dawan bui witin ra sin swaki sakan kabia.

Sins Lâka 14:31

Upla umpira ra taibi ba, Papaskrika ba mina batakisa; sakuna baha uplika ra kulkanka yabi ba lika, Papaskrika ba mayunisa.

Sins Lâka 22:16

Ya ya umpira uplika ra taibi muni ba witin ai dukia kan manis briaia mata, apia kaka ya yuyakira diara yabi ba, baha uplika diara luha takbia.

Sins Lâka 28:12

Kasakkira nani pura luanka brisa ba ra lilia tara daukisa, sakuna upla watawikira nani pura luanka bri ba ra, upla nani mahka yukuwi banhwisa.

Sins Lâka 28:28

Upla watawikira nani pura lui buya ba ra, upla wala nani mahka yukuwisa; sakuna witin nani âpu taki tanis tiwi ba ra, kasakkira nani ba mita kli pura lubia.

Sins Lâka 30:14

Upla tila bâra sa, sord ba brisa ai napa watlika ra, bara skiru brisa ai napa rahia watlika ra baku kuntri uplika umpira nani ba sut âpu daukaia dukiara.

Aiseya 10:2

umpira nani lâka ba wapni kat daukras, upliki nani kupia kriwan, sari nani ba raitka yabras, piarka nani ra taiban lâka ra brisma, rau nani dukia sin mihta dakbi implikisma ba!

Isikiel 18:12

upla umpira ai nitka bri nani ra taibi ba, upla wala nani ra impliki ba, ya wina diara brin dukia nani ba kli aibapras ba, witin ai lukanka gâd bahki nani ba ra mangki ba bara yang saura kaikisna dukia nani dauki ba,

Isikiel 18:18

“Ai aisika, upla ra tataibra kan ba, bara implikan ba, bara diara saura daukan ba uplika tilara, prubia bara klala yabanka baku klauna ai saurka mana.

Isikiel 22:29

Tawan uplika nani ba saura munaia lâka bara implikan lâka ni banhwan; umpira nani ra, bara nitka bri nani ra taiban lâka ra brisa, bara saura munaia lâka, kasak lâka luha tringsar nani ra munisa.

Emus 2:7

Upla umpira nani ra taibi, ai raitka wina mâyara batakisa; bawikira bara umpira nani raitka yabaia kata ba yabras. Luhpia waitna ba ai aisika wal sim baku dauki, yang nini sunu ba tâski sakisa.

Emus 4:1

Sameria mairka nani, Basán bîpka mairin batanira nani, naha dahra aisin bîla na wals, upla umpira nani ra raitka yabras taibi munisma, bara upla diara nitka bri nani ra saura pali munisma ba, mayam waitna nani ra adar yabisma wain laya diaia bri sal maikbia.