Job 2:4 - DAWAN BÎLA AISKA

⁴ Sakuna dahra kwakwahkra ba pana Dawan ra win: —Ani piua upla kumi taya ra pan kangbras sma kaka, diara sut ba aitani sa, uplika ba wilin pali sa dîa sip ba kat daukaia, ai rayaka swaki sakaia mata.

Job 2:4 ပူးပေါင်းရင်းမြစ်များ

Blasi Sturka 47:17

Bara Idsip uplika nani ba, ai araska nani, ai sîpka, ai bîpka mairin nani bara birikuka wainhka nani ba Josep ra bri si yaban. Bara baha daiwra nani ba mana, Josep witin nani ra mani aiska piaia pata plawar yaban.

Blasi Sturka 47:19

Bamna plun mana tasbayi na bara yang nani wîni tara na sin atki bris. Bara yang nani king fero albika takamna bara tasbayi ra yang nani witin ai warkka dauki kamna. Sakuna baha sim saumuk ba man wina wankma kaka baha wal raya kamna, bara tasba ba sin bahki bîla baman bâra kabia apia. ¿Nahki muni man bui yang nani na ban ai swirka tasbayi aikuki prui tiwamna?

1 King Nani 20:31

Bara wihtka tara nani ba mita win: —Kaiks, yang nani walri Israel kingka nani ba, dîa dauki ba ai bîla kat daukisa. Baku bamna kaisa kwala siksa nani dimaia, wan nana ra sin kiwa nani mangki taki, Israel kingka ra waia kaikaia sip kabia sapa, bara wan saurka swih tikbia bara wan ikaia apia.

Job 2:3

Bara Dawan pana win: —¿Man naipakan Job ba kaikatma ki? Tasba ra upla wala âpu sa witin baku, kasakka lâka kat yang warkki dauki ba, wapni, tâski sin âpu ai rayaka ra iwisa, bara sin upla ra saura munaia lukras. Man bui pâtkas pali rausauhkram, sakuna witin ban tâski âpu pali kasak wapni sa.

Job 2:5

Sakuna uplika pali wîna ba kat kangbi kaiks, nahki man kaiki kaprika saura aisabia ba.

Sins Lâka 13:8

Upla ai yuyaka ailal bri ba baha wal ai rayaka swaki sakisa, sakuna diara âpu uplika lika saura munaia aisi ba walras.

Jirimaya 41:8

Tila wina waitna matawalsip baman ikras swak takan, bara baha nani bal Ismael ra win: —Pliskam ai ikpara; yang nani plawar, barli mâ, batana laya, nasma sin insla ra yukuki brisna. Bara Ismael baha wali waitnika nani ba ikras swin.

Matiu 16:26

¿Bamna upla mapara dîa hilp kabia ki tasba aiska na bribia, sakuna ai sulka ba tikbia kaka? ¿Upla ba ai sulka mana nahki aibapaia sip sa ki?

Matiu 6:25

“Bamna yang bui man nani ra mai wisna: Uya trabil taki luki banhpara raya kaia ba dukiara, diara piaia bara diaia sma ba, kwala dimaia sma ba. ¿Rayakam ba plun purkara kau tara apia, bara wînam tara ba sin kwala wal kau tara sa apia?

Luk 12:23

Rayaka ba kau mana tara sa plun ba wal, bara wîna tara ba kwala purkara sa.

Jasua 9:24

Uplika nani bui pana Jasua ra win: —Rait yang nani kunin aisari ba, sakuna man nani ai ikma luki sibrin pali ai dauki kan ba mita sika kunin aisari ba, yang nani walri Dawan Gâdkam ba ai napakan Moses ra win kan, naha tasbaya na witin bui man nani ra maikbia, bara upla bâra iwi ba iki âpu daukbia.