Job 2:3 - DAWAN BÎLA AISKA

³ Bara Dawan pana win: —¿Man naipakan Job ba kaikatma ki? Tasba ra upla wala âpu sa witin baku, kasakka lâka kat yang warkki dauki ba, wapni, tâski sin âpu ai rayaka ra iwisa, bara sin upla ra saura munaia lukras. Man bui pâtkas pali rausauhkram, sakuna witin ban tâski âpu pali kasak wapni sa.

Job 2:3 ပူးပေါင်းရင်းမြစ်များ

Blasi Sturka 6:9

Naha sika Noa rayaka sturka ba: Noa sika waitna yamni pali kan, piua bani Gâd bîla wali dauki kan. Witin ai piua ra raya iwi kan waitnika nani sut tilara witin yakan baman Gâd kupia lâka kat dauki kan.

2 Samuil 20:20

Joab pana witin ra win: —¡Yang baku daukaia lukras! Tawankam na sin, sauhki slingbi tiki swiaia lika apia.

Job 1:1

Us tasbaya ra waitna kum bâra kan, ai nina ba Job; witin ai rayaka ba tâski âpu lâka ra wapni iwi kan, Gâd dukia kasak yamni dauki kan, upla ra saura munras yamni baman muni kan.

Job 1:11

Sakuna diara nani sut bri ba ai mihta wina daks, bara man kaikma nahki mamwan kat saura mai wibia ba.

Job 1:6

Yu kumi, laih pura tasbaya uplika nani ba Dawan mawanra wih buaia wan, bara witin nani wal sin dahra kwakwahkra insalka ba wan.

Job 1:8

Bara Dawan mita pana win: —¿Man naipakan Job ba kaikatma ki? Tasba ra witin baku wala âpu sa, waitna kumi kasakka lâka kat yang duki dauki ba, ai rayaka wapni, tâski âpu, upla ra saura munras, yamni baman dauki ba.

Job 13:15

Ban kra witin bui ai ikbia sin, ban sakuna wapni kaia sna, witin mawan kat bûi raitki brisna ba aisaia sna.

Job 2:2

Dawan bui witin ra makabi walan: —¿Man ani wina aulma ki? Bara dahra kwakwahkra ba pana win: —Tasba tâ kumi wina wala kat kir impaki tauki si aulna.

Job 2:4

Sakuna dahra kwakwahkra ba pana Dawan ra win: —Ani piua upla kumi taya ra pan kangbras sma kaka, diara sut ba aitani sa, uplika ba wilin pali sa dîa sip ba kat daukaia, ai rayaka swaki sakaia mata.

Job 9:17

Pâsa saura blîkbia ba ra ai pruki ai sauhkaia, pâtkas pali yang wîni ra diara sin âpu sakuna, insauhkanki nani ba kau ailal takaia sip sa;

Job 9:20

Yang na wapni pali kamna kra, ban sin tâski âpu kamna sin, sakuna witin mita ban ai wibia, yang na pâtkira bara saurakira.

Lawana Nani 26:1

Lâika aisi dauks, Dawan, kan yang diara kasak ba dauki kapri bamna. Dawan, man ra baman lukanki aiska tniwri sa.

Lawana Nani 37:37

Upla ai tânka aihwa bara tânka yamni man bri ba, man laki kaiks; baha uplika sika kupia kumi lâka bribia.

Lawana Nani 41:12

Yang na, man mamwanra rayaki tânka aihwa man iwi kapri bamna, mihtam ra ai alki ai buks aikrika man mamwanra bûi ban kamna.

Sins Lâka 11:8

Kasakkira lika trabil saura wina pri sakan sa, kuna watawikira ba, witinka watlika ra aimakisa.

Sins Lâka 13:6

Saura lâka luha ra kasak ba mita kaina kahbisa; saurka lâka ba, saura dadaukra ra sauhki tikisa.

Sins Lâka 14:2

Ani uplika ai lâka wapni kat tauki ba, Dawan ra sibrin lukisa, sakuna ai yabalka nani ra tanis man tauki ba witin ba bahki kulkisa.

Sins Lâka 15:8

Upla watawikira nani, daiwan iki angki sakripais dauki ba, Dawan mita saura pali kaikisa; sakuna wapnikira nani pura sunra ba, witin ai lilika sa.

Sins Lâka 16:17

Wapnikira nani ba lâ saura ba wina dakwi takaia sa, daukanka alki yamni alki bri ba uplika lika ai rayaka aihwaki kaiki brisa.

Jan 9:3

Jisas pana win: —Witin ai saurka ba mita apia bara ai aisika nani saurka ba mita sin apia; sakuna Gâd karnika witin bâk marikan kaia ba mata sa.

Pilipai 3:12

Yang pat naha diara ba sut briri lika wiras, bara yang na pat kasak aihwa sna sin wiras; sakuna yang ban tâiura auni baha ba briaia trai kaiki, baha ba Kraist Jisas yang ra pas ai alkan ba.

Jems 1:12

Ani uplika traika kaikanka trabilka mapara kasak luki bapi bûi ba, yamni pali sa; kan witin baha mapara kasak bapi bubia ningkara, raya kaia lâka ba kraun kum baku witin ra prisantka yaban kabia. Baha sika Gâd mita pramis munan, witin mita latwan kaiki uplika nani ra.

1 Pita 1:7

Kan man nani kasak lukankam lâka ba, gul baku sa; baku bamna pauta ni trai munan kaia sa, pain, apia kaka, saura sapa kaikaia dukiara. Ani kasak lukanka lâka baha traika kaikan ra bapi bubia kaka, gul purkara kau mana tara sa; bara gul ba lika âpu takisa. Bamna, kasak lukankam lâka baku trai munan kabia ba ra, Jisas Kraist param takbia ba ra, man nani lika brima mayunra lâka, prana bara pain kulkan lâka ba.

1 Pita 5:10

Sakuna piu wiria pât wauhram kabia ningkara, Gâd mita man nani ba aihwakira, dutki pali, karna kasak pali mai daukbia. Baha sim Gâdka sika yamnika nani sut wanki ba, bara ai prana ban kaia bara wan dukia briaia wan paiwan sa, Jisas Kraist wal asla.