5 ¿Dîa man rayakam ba sin kunhku sa ki, upla praprura kum rayaka ba wal baku?
Baku kan, ¿dîa muni swakwanki nani bara saurki nani ba kaikaia plikisma ki?
Gâd tara ba tânka yawan sip aiska kaikbia apia, witin manka nani sin sip kulkbia apia.
Sakuna man, Dawan, ban kaia ra king aimakisma, ¡man ninam ba ban kaia ra luki bri kabia!
Nampakan nani kiamka ba ban kan suni kama, witin nani kiamka sin, man mamwanra ban bapan kabia.
¡prâk kum baku man mita witin nani ba karbi blakma, bara baha nani ba kwala baku aihka lakan kabia! Sakuna man lika piua bani sim sât ban sma, bara rayakam ba ban kaia ra âpu takbia apia.”
Baha purkara, muihki laitwankira nani, naha na âmya tiwbiara: Dawan mapa ra yu kumi ba mani tausin baku sa, bara mani tausin ba yu kumi baku sa.