Job 10:1 - DAWAN BÎLA AISKA

¹ ¿Naku baman yang ban raya kaia ki? ¡Yang danh swapri! Brukwi aisarika pan, kupi aimakbia kra, kupi tahplika wal param aisisni.

Job 10:1 ပူးပေါင်းရင်းမြစ်များ

1 King Nani 19:4

Bara witin lika upla iwras tasbaya bâk yu aiska kum wapi wan, bamna wih dus kum munhtara iwan, mahka pruan dauki kan, bara win: “¡Nanara aitani sa, Dawan, rayaki na sâks, kan yang na kau yamni apia sna, papiki nani ba wal!”

Job 14:13

¡Baku kaia kan, yang ba prura kingka tasbaya ra yukuwaia katna, kupiam baiwanka ba bal lui wabia ba kat, bara piua kumi mangkma yang dukira kupiam kraukaia!

Job 19:4

Ban kra yang na pâtkira sna kaka, pâtka ba yang ra baman kauhaia kan.

Job 5:20

Plun wahwan piua ra, prura wina dakbi mai sâkbia bara war aiklabanka piua ra, sord wina dakbi mai sâkbia.

Job 6:26

Bîli wal aisinka nani ba tâka mita, man nani lâika dauki, maipara saura aisi banhwisma, aisinki taniskira nani pâsa wal lui wan ba.

Job 7:11

Baha mita, yang sip sâp kapras; latwan pâtka wahwisna na tila wina, brukwanki nani ba param pali aisi kaia sna.

Job 7:16

Yang kau sip apia sna, kau raya kaia brin ai daukras sa, ai swis kupia kumi lâka ra, kan rayaki ba lika wan wingka puhbra kumi baku sa.

Job 9:21

Yang na pâtkas sna kra, ¿sakuna baha ba dîa sa? Yang pat swapri pali sna raya kaia.

Aiseya 38:15

¿Sakuna yang dîa wimna, witinka yang ra ai win bara witin mita sin baku daukan ba? Yang yapanki nani sut tiwan sulki sari takan ba mita.

Aiseya 38:17

Nanara kaiks, yang sari pali kaia katna ba, nanara kupi kumi sna. Prura tasbaya wina, man bui yang rayaki ba sakram, yang saura yâri ba sut man pri ai sakram.

Jona 4:3

Dawan, baha mita sika mamkabisna, yang rayaki na sâkma. Pruamna ba kanra yamni sa ban raya kaia ba wal.

Jona 4:8

Yu ulan ba ra, Gâd daukan lalma payaska lapta krawaia, bara yu laptika ba Jona lal kat angkan; bara mahka sinska tiwi kan, bara witin pruaia kat lukan. Witin naku aisin: —Yang pruaia kanra yamni, raya kamna ba wal.

Kulki Kaikanka 11:15

Bara baku yang ra ai dauki kaia sma kaka, yang mamkabisna man namkra ra aitani ai kaikisma kaka, yamni kabia tasba wina mahka ai sâkma, bara yang naha pâtka nani ba kaikamna apia.