Job 1:5 - DAWAN BÎLA AISKA

⁵ Pata tara dauki pih luya ningkara, Job ai luhpia nani ba paiwi kan, bara titan ra bûi bara kumi bani dukiara daiwan aiska angki ai pura suni kan, witin nani ai saurka ba wina sunu daukaia dukiara. Job naha na dauki kan piua bani, ban kra luki kan ai luhpia nani ba Gâd mapara saura daukan sa sapa.

Job 1:5 ပူးပေါင်းရင်းမြစ်များ

Blasi Sturka 22:3

Bara Ebraham titan pali buan, mahka ai birikuka ba satil mangkan. Sakripais daukaia pâta nani ba baikan, bara Gâd mita witin ra marikaia win yaba tasbaya kaikaia taki wan. Ai luhpia Aisak ba brin bara ai albika nani wina sin wâl aikuki brih wan.

Blasi Sturka 6:5

Bara Dawan kaikan upla nani watawika lâka ba tara pali kan tasba ra, upla nani ai kupia lukanka ra diara daukaia luki ba lika, kau saura dauki kaia ba baman luki kan.

Blasi Sturka 8:20

Bara Noa altar kum paskan Dawan dukia, bara daiwan klin nani bani ba wina kum brin, tnawira klin nani ba wina sin kum brin, bara wîna ba angki sakripais dauki Dawan ra yan.

1 King Nani 18:31

Bara Ilayas walpa 12 brin, Jekob luhpia nani 12 kulki ba baku, Dawan witinka ra win ba baku, witin nina ba Israel mâkan kabia.

1 King Nani 21:10

Ningkara witin mawanra kuninkira wâl yas bubia, bara witin nani Nabot mapara kunin aisi wibia witin ba Gâd mapara bara king mapara sin saura aisan. Bara ningkara sâks, bara walpa ni sabi iki banhs.’’

1 King Nani 21:13

Bara kunin aisasara wâl balan, bara witin mawanra iwan, bara baha waitna kuninkira wâl ba, Nabot mapara kunin aisi upla nani ra win Nabot lika Gâd mapara bara king mapara sin saura aisin. Bamna tawan ba wina latara saki bri si walpa ni sabi ikan.

Nihimaya 12:30

Bamna prîs nani bara Libait nani ba sut sunu taki banhwan, baha purkara tawan uplika nani sin, dur nani bara walpa kutbanka ba sut sin sikbi sunu daukan.

Job 1:11

Sakuna diara nani sut bri ba ai mihta wina daks, bara man kaikma nahki mamwan kat saura mai wibia ba.

Job 1:4

Job luhpia waitna nani ba, kumi bani ai watla ra pata tara dauki kan ai piua kat piaia dukiara, bara baha piua ra ai lakra yumhpa ba sin paiwi kan.

Job 2:9

Sakuna ai maya witin ra win: —¿Man kau ban wilin sma, tânka yamni ba alki kaia? ¡Dawan mapara saura aisi si, mahka prus!

Job 27:10

Bamna witin ai lilia sakras sa Gâd karnira ba mawanra, piua kumi sin witin nina mâki winbia apia.

Job 41:25

Witin buisa ba ra, gâd bahki nani ba sut si brisa bara sibrin tara wal plapi banhwisa.

Job 42:8

Bamna nanara bîp bul 7 bara sîp wainhka 7 sin brih was duki dadaukra Job kaikaia, bara man nani dukiamra aiska angkaia sakripaiska dauks. Naipakan Job man nani dukiamra ai pura sunbia, bara yang ai pura sunra ba yamni walamna, bara man nani ra saura kumi sin mai munamna apia, kasak pali man nani klala briaia aitani sma yang dukira kasak aisi banhras kapram sakuna, naipakan Job daukan ba baku.”

Job 6:14

Upla kum pât wahwi ba pânika mita latwan kaikaia sa, Gâd, karnika sut bri ba wal, ai lâka ba ban wapni apia kra kabia sin.

Job 8:4

Kasak pali man luhpiam nani Gâd mapara saura daukan kaia sa, bara witin dîa klala witin nani ra yabaia kan ba yaban sa.

Lawana Nani 5:3

Titan ra, yang bîli baikra walisma, titan pali, yang bui man ra puri suni tâinka ba mai wisna, bara man dîa wima ba walaia bîla kaikisna.

Impakan Sturka 18:12

Jetró daiwan kum brih aiska angkan, Gâd ra mayunra dauki yabaia bara prisant wala nani sin brin. Ba ningkara Eran Israel almukka nani sut aikuki balan Moses dapnika wal aikuki plun piaia, Gâd mawanra.

Impakan Sturka 19:10

bara Dawan kli witin ra win: —Was bara upla nani ra wis, naiwa bara yauhka wal ba, witin nani ridi takaia sa yang ra mayunra kum dauki aikaia. Witin nani ai kwalka nani ba tuski sakaia sa,

Impakan Sturka 24:5

Ningkara wahma nani tila wina kum blikan wan, bîp wainhka nani ikaia, bara baha ba angki, Dawan ra sakripais dauki yaia, wal kli ai uplika taki sakripaiska tânka.

Smasmalkra 9:10

Bara diara sut man mihtam ra ba mahka alki dauks, karnikam aiska ba wal; kan raiti ra wama lika bahara diara kumi sip daukras, bahara diara kumi sin man lukras, diara tânka briaia âpu bara sins lâka sin âpu.

Jirimaya 4:14

Jerusalem, saura wina kupiam tâski âpu dauks, baku lika man swak takma. ¿Ahkia kat man nani lamla ra ban diara warha baman luki kaiki kama?

Isikiel 14:14

Bara naha waitnika yumhpa na wan tilara kan kaka, Noa, Danel bara Job, witin nani yumhpa baman ai kasakka ba mita, ai rayaka nani baman swaki sâkbia. Yang, Dawan, kasak aisisna.

Luk 1:75

wan rayaka piua nani sut ra, bara witin mawanra holikira, kasakkira tauki kabia.

Luk 18:7

¿Ban kra lukisma Gâd bui ai uplika nani bâk saki brin ba, kakna bara tihmia witin ra wini banhwi ba wapnika daukbia apia? ¿Hilp munaia ba wina wihka takaskbia lukisma ki?

Jan 11:55

Ju nani Insal luan Yua Liliaka dauki ba pat baila kan, bamna tawan nani wina upla ailal Jerusalem ra balan, Moses lâka ba kat ai wîna klin daukaia, Insal luan Yua kau kainara.

Apastil Nani Sturka 21:26

Bamna Pal ba yu wala, waitna walhwal ba brih wan, bara witin nani aikuki ai wîna klin daukaia lâka ba daukan. Ningkara, tempel ra dimi maisa pakan ahkia pali baha warkka ba dauki tnata alkbia ba, witin nani kumi bani ai prisantka ba ahkia sal daukaia sapa.

Apastil Nani Sturka 8:22

Naha saurka na swi si Dawan ra puram suns, bara ban kra witin baha kupiam ra lukram ba swih tikbia.

1 Korint 4:5

Baku bamna, piu kau kan ba ra diara nani ba lâka aisi dauki kapara. Dawan bal, tihmu ra yukukan dukia nani ba ingni ra brih sâkbia ba, bîla kaiki bas. Dawan mita upla nani ai kupia ra dîa daukaia luki ba sut latan sâkbia. Bâra mika, upla bani mayunra briaia ba kat, Gâd wina bribia.

2 Korint 11:2

Kan yang lika man nani tâmwan lawisna, tâmwan lawanka kum Gâd wina sa; kan man nani ba Kraist mihta ra mai mangkri, bamna brin ai daukisa man nani ba witin mawanra mai brih waia, sim tiara pain kumi waitna kumi kat wal marit taki ba baku kaia.

Epesus 6:18

Man nani puram sunisma ba swipara, piu bani Gâd ra bik taki makabi bas, Spirit man nani tâm briaia. Ridi bas, lukankam swapras kira bara Gâd uplika nani sut dukiara sin man nani puram suni kama.

1 Samuil 16:5

Samuil pana win: —Baku sa. Yang aulna Dawan ra sakripais kum dauki yabaia. Man nani klin taks bara kaisa yang wal waia sakripais ba daukaia. Bara Samuil mita Jesé bara luhpia nani ba klin daukan, ningkara paiwan aikuki waia sakripais daukaia ba pliska ra.