Jirimaya 9:18 - DAWAN BÎLA AISKA

¹⁸ ¡Âu, wis witin nani pat pali balaia bara yawan wan pura mata inbia; wan nakra nani laya man banhbia, inan man wan nakra taya nani sut buswan pali takbia!

Jirimaya 9:18 ပူးပေါင်းရင်းမြစ်များ

Lawana Nani 119:136

Naikra laya ba, tingni laya nani baku plapisa, upla nani man lâmka ban brin daukras bamna.

Aiseya 22:4

Baha mita yang wîri: Man nani ai swis, inanka tahplira ba inamni, maisi nihkaia wisi ai aisapara, tawanki luhpia mairin nani sauhki tikanka saura ba wina.

Jirimaya 13:17

Man nani naha walras kama kaka, yukuwan ra ini kamna praut lâka brisma ba tâwan; naikra nani wina laya ba plapi kabia, kan silak ra bri auya sa Dawan sîpka daknika ba.

Jirimaya 14:17

Bamna man upla nani ra naha bîla na wis: ‘Tihmia ra bara kakna ra naikra laya takaskras ban kauhisa, yang upliki nani pât tara saura ra diman ba luki, saura pali insauhkan ba sarka.

Jirimaya 3:24

Aidul mayunaia lâka swira pali ba mita yang nani ra ai munan yang nani kau tuktan katna bara almukki nani baha brin ba mita: sîpki nani, daiwri nani, luhpi waitna nani, luhpi mairin nani tikri.

Jirimaya 3:25

Swira lâka ra bawi kap, swira lâka mita wan mawan prakan yawan tukta kan ba piua wina ban naiwa kat, yawan, wan damika nani sut sin Dawan wan Gâdka mapara saura daukan, yawan bui witin bîla wali daukras.”

Jirimaya 4:20

Diara sauhki tiki ban auya sturka ba walaisna; kuntri aiska ba sauhki tikan sa. Yang kiamki nani ba sin pat pali sauhki tikan kabia, yang waitla papakni nani kata ba sin slingban kabia.

Jirimaya 6:26

¡Yang upliki nani, krukus prâka dimi sari tukinka ba; yamhpus ra aikarwi bas, kwala siksa dimi sari pali bri ini bas, luhpiam waitna kumi baman bri kapram pruan baku; kan wan sauhki tikaia uplika ba pat pali yawan ra balbia bamna!

Jirimaya 7:29

¡Jerusalem uplika nani, tâmwa ba klaki lulks! ¡Kiuhsi nani diara pâwras ba ra wih sari taki lawana aiwans! Kan Dawan uplikam nani ra ai kupia baikan sa, witin nani ba tnaya ra laki lulki swisa.

Jirimaya 9:1

¡Aitani lukaina naikra nani ba lî kârma kum baku kata, naikra laya ba tingni lî aubi ba baku kaia, bamna kakna ra bara tihmia ra ini kaia yang upliki nani pruan ba pura mata!

Jirimaya 9:10

“Il nani tilara ini bas, bara mamna sin lulki bas, twi pain pâwi tasbaya pura mata ini aiwani banhs, baha sut angkan, bahak sin upla wapras swin; bîp nani sin âpu uhbaia, daiwan tnawira nani wail nani ba sin sut plapan.

Jirimaya 9:20

Mairin nani, Dawan aisi ba wals, ai smalkanka nani ba aman wals. Luhpiam mairin nani smalks nahki inaia, uplikam mairin nani ra sin naku pura mata inaia smalks:

Inanka Nani 1:2

Witin tihmia bani ini ban katwisa; ai nakra laya, iswi ai mawan bâk laiwisa. Ai latwankirka nani sut ba tilara, kumi sin âpu sa witin ra ai maisa nihkaia. Ai uplika pali nani sut, witin ra kunin muni lulki swin; nanara baha nani sut ai waihla baman takan.

Inanka Nani 2:11

Inan mita naikra nani ba swapni takisa, bara laima dusa bîla sut baiwaisa; kupi ba sari mita pura lui laiwisa, yang upliki nani tawanka tara sauhki tikan ba kaikisna ba ra, tuktan nani sirpi tiala di nani sin, tawan yabalka nani ra plun bla kauhi pruisa.

Inanka Nani 2:13

Jerusalem pranakira, ¿dîa pali wal mai wimna, dîa pali wal sip mai prakamna ki? ¿Dîa pali wal praki mai aisi maisam nihkamna ki, Saion pranakira? Mai sauhki tikanka yahpika kabu baku ba; ¿ya sip kabia baha wina mai bukaia?

Inanka Nani 2:18

¡Dawan ra hilpka makas, Saion tawan tara painkira! ¡Yas namkra laya ba lî aubra tara baku plapi kabia, kakna ra bara tihmia ra! ¡Inankam ba takaskpara, namkra nani inisma ba wina takaskpara!

Inanka Nani 3:48

Naikra laya awala baku plapisa, tawanki latwankira sauhki tikanka ba dukiara.

Emus 5:16

Dawan karnika sut pali bri ba naku aisisa: “Asla takaia pliska nani sut ra, yahwi inanka bâra kabia; yabal nani sut ra sari pali ai pura wini ini kabia; insla dadaukra nani ra sin paiwbia, witin nani ai tilara bal inaia wibia, upla wala nani ra sin mana aibapi kabia, witin nani ai pura mata inbia dukiara.

Luk 19:41

Witin pat Jerusalem lamara balan, bamna tawanka ba kaiki, Jisas baha pura mata ini,