Jirimaya 9:10 - DAWAN BÎLA AISKA

¹⁰ “Il nani tilara ini bas, bara mamna sin lulki bas, twi pain pâwi tasbaya pura mata ini aiwani banhs, baha sut angkan, bahak sin upla wapras swin; bîp nani sin âpu uhbaia, daiwan tnawira nani wail nani ba sin sut plapan.

Jirimaya 9:10 ပူးပေါင်းရင်းမြစ်များ

Aiseya 41:15

Bara kaiks plawar taya sakaika watlika ra yang mai mangkamni, taya sasakra raya, napa nani pain pali; il nani ba taya sâkma bara akbi yuya daukma, bara kiuhsi nani ba taya man daukma.

Aiseya 49:19

Man kuntrikam ba sauhki tikan sa, slingbi tikan bara bîla baman swin sa, sakuna nanara tasbayam bîla sirpi takbia kwâra tara nani bal iwbia ba mita. Mai sauhki tatikra nani ba laihura kitbi sakan kabia.

Jirimaya 12:10

Waihla nani ailal wihtka nani ba mita wainki awa nani ba sauhkan, naisla ba ai mina ni uli taiban. Yang want pali kapri tasbaya ba witin nani mita upla iwras tasbaya dauki bîla man swin.

Jirimaya 12:11

Upla iwras tasbaya bîla man dauki swin, bara yang kaikisna ai pura mata inisa. Kuntrika aiska ba upla iwras tasbaya takan sa, sakuna upla kumi sin baha kaiki trabil taki lukras sa.

Jirimaya 12:4

¿Ahkia kat tasba ba lâwan kabia bara twi tasbaya ra twi nani srawi ban kabia? Daiwan tnawira nani ba pruisa baha kuntrika uplika nani watawika dauki ba tâka, lukisa witin nani dîa dauki ba man aihka kaikras sma.

Jirimaya 14:6

Biriku wail nani ba yul sâtka daiwra nani ba baku diara pâwras kiuhsika nani ra uli ai lal buki pâsa aubisa; nakra pukni takisa, kan ai pata piaia twi âpu ba mita.”

Jirimaya 2:15

¿Dîa muni witin nani layan ihbi baku, karna ihbi bal alki ba? Kuntrika ba witin nani bal sauhki swin ba; tawanka nani sut angkan, uplika nani sin âpu daukan.

Jirimaya 2:6

Witin nani lika yang ai plikaia trabil taki lukras kan, Idsip wina yang bui witin nani sakri ba, upla iwras tasbaya bâk tapahki ba, tasba lâwan albangka nani bâk luan ba, lî âpu tasbaya bâk, pât nani pali man taukan ba, upla sin bahara iwras, bahara sin impakras yabalka ra taukan ba sut.

Jirimaya 23:10

Kuntrika na ra maya lâka sasauhkra waitnika nani banhwan, diara saura daukaia plapi tauki uplika nani, karnika yan ba ni saura ba daukisa. Baha tâwan Dawan mita tasbaya ba lahtubisa, bara tasba ba lâwan, twi nani sin upla iwras tasbaya ra kan ba aman.

Jirimaya 50:3

Yahbra wina nisan kum witin mapara kitwi aula bara kuntrika ba diara âpu bîla man daukbia. Upla nani, daiwan nani, diara kumi sin bahara takaski kabia apia, sakuna sut plapi laihura wabia.”

Jirimaya 7:29

¡Jerusalem uplika nani, tâmwa ba klaki lulks! ¡Kiuhsi nani diara pâwras ba ra wih sari taki lawana aiwans! Kan Dawan uplikam nani ra ai kupia baikan sa, witin nani ba tnaya ra laki lulki swisa.

Jirimaya 8:18

Sairka na tikaia saika âpu sa, kupi lukanka na daswuya sa.

Inanka Nani 1:16

Naha diara nani taki ba bui sika yang ra aikan inisna; naikra nani na, laya nani wal banhwi laiwisa, kan upla âpu sa yang maisi nihkaia, bara yang kupi tâ baikaia. Luhpi nani sut sauhki tikanka tara ba tilara takaskan, waihla nani ba mita puri luan bamna.

Inanka Nani 2:11

Inan mita naikra nani ba swapni takisa, bara laima dusa bîla sut baiwaisa; kupi ba sari mita pura lui laiwisa, yang upliki nani tawanka tara sauhki tikan ba kaikisna ba ra, tuktan nani sirpi tiala di nani sin, tawan yabalka nani ra plun bla kauhi pruisa.

Inanka Nani 5:18

Saion ilka ba, il kum sauhki tikan bâra sa; sikiski nani ba, baha purak wapi taukisa.

Isikiel 14:15

“Bara kuntri bîla bâk daiwan wail yaka lubia kaka, upla iwi nani ra âpu daukbia, bara upla iwras tasbaya takbia, upla kumi sin bâk lubia apia, daiwan wail ba sîa.

Isikiel 27:2

“Man, upla luhpia, naha pruan lawana na aiwans

Isikiel 29:11

Upla bara daiwan sin bâk lubia apia, mani yawanaiska wâl bahara upla sin iwbia apia.

Isikiel 33:28

Kuntri ba upla iwras tasbaya kum sauhki tikan ba baku ra laki swimna, bara ai karnika dukiara ai mayunanka tara bri ba sauhkamna. Israel ilka tara nani ba, upla iwras ilka nani takbia; upla kum sin bâk lubia apia.

Isikiel 6:6

Man nani iwram pliska nani sut ra tawan nani ba sauhkan kabia, idan nani ai pura suni altarka nani ba slingban kabia, altarka nani ba sut pali aiska slingban kabia, aidulka nani ba sin yuya sirpi man daukbia; baha altarka nani ra kîa pain nani angki ba batakan kabia; man nani diara nani paskram ba sut tiwan kabia.

Oseas 4:3

Baha daukanka nani ba mita, tasba ra upla nani sari tara brisa; tasba ra iwi nani ba sut karnika âpu takisa; unta ra daiwan nani ba aikuki, daiwan tnawa bri pali nani ba sin, bara inska nani kabu ra ba sin aikuki pruisa.

Joel 1:13

Prîs nani, Dawan altarka ra dukia dadaukra nani, man nani kwala siksa dims, bara sari tara brih, altar lamara wih ini banhs. Nanara man nani Dawankam tempelka ra piaia bara diaia prisantka nani brih waia âpu takan bamna.

Joel 1:19

¡Dawanki, yang sarikira pali man ra puri sunisna, kan pauta klauhan mita angkan sa upla iwras tasbaya ra twi bara dus nani ba sut âpu pali daukan sa!

Emus 5:1

Israel luhpia nani, bîli nani na wals; man nani mampara sarikira inisna ba wali banhs.

Emus 5:16

Dawan karnika sut pali bri ba naku aisisa: “Asla takaia pliska nani sut ra, yahwi inanka bâra kabia; yabal nani sut ra sari pali ai pura wini ini kabia; insla dadaukra nani ra sin paiwbia, witin nani ai tilara bal inaia wibia, upla wala nani ra sin mana aibapi kabia, witin nani ai pura mata inbia dukiara.

Miqueas 2:4

Baha piua ra, upla nani bui man nani ra lawana ulbi aiwanan kabia, yahwi inanka baku. Mai wi banhbia: ‘Yawan na aiska pali wan sauhki tikan sa; Dawan bui wan tasbaya wankan kan ba, witin ai prapatika, wan mihta wina dakbi brin, upla kum sin bûi tâwan aisaras kan; bara alba wan bri uplika nani tilara wan tasbaya nani ba yui yan.’ ”

Miqueas 3:12

Baku bamna, man nani saurkam tâka mita, Jerusalem tawanka Saion ilka ra ba, insla daukaia tasbaya takbia, tawan slingwan bara aisawan tara kum kabia. Dawan ra pura sunaia watla ilka ra, inma kiaya pali man pâwi kabia.