Jirimaya 8:7 - DAWAN BÎLA AISKA

⁷ Suki kasbrika ra pâli ba sin ai dara walisa ahkia kli tawi balaia. Butku, plipli, yami sin, witin nani nu sa ahkia plis wala ra waia. Sakuna man, yang upliki nani lika yang lâika nani ba kakaira apia sma.

Jirimaya 8:7 ပူးပေါင်းရင်းမြစ်များ

Yamni Kulki Lawana 2:12

Tangni nani twi ra pat baiwi takan sa, aiwanaia piua ba pat aimakan, yawan wan tasbaya ra, butku sâtka nani lawana walisa.

Aiseya 1:3

Wark bîpka wainhka ba ai dawanka kaikisa, biriku sin ai dawanka daiwan watla ba; sakuna Israel yang upliki nani ai dara walaia tânka âpu sa.”

Aiseya 27:11

Dus kum tnawa nani ba lâwan bara kriwisa; bara mairin nani aula baha nani ba angkaia. Kan baha uplika nani ba diara tânka bri uplika nani apia sa. Baha mita, witin ra papaskra ba mita umpira kaikras, ai kupia sin swapni takbia apia.

Aiseya 5:12

Pata tara dauki ba ra, arp, gitar tara, kingbi nani, plut bara wain sin bâra brisa; sakuna Dawan warkka nani ba lika kaikras, Dawan mihta warkka nani ba dukiara sin luki kaikras.

Jirimaya 4:22

“Yang upliki nani sika kiamapara, ai kakaira apia —Dawan baku aisisa—. Witin nani tuktan baku diara luki kaikras, laki sin kaikras. Diara saura daukaia sinska lika manis brisa, sakuna yamni daukaia tânka lika briras.”

Jirimaya 5:6

Baha tâka mita layan nani taki bal witin nani ba ikbia, upla iwras tasbaya wina yul wail nani bal drusbia, bara limi bulni nani mita sin ai tawanka bîla kat dimi witin nani takbia bara alki aubi kalkbia; witin nani sika saurka ailal pali daukan bamna, aima ailal upla pât ra lakan.

Abakuk 1:4

Lâ ba kat daukras sa, wapni lâka ba ai mina ni taibisa, watawikira nani ba, kasakkira nani ba nina blikisa kasakka lâka ba warbi sauhkisa.

Sakaraya 5:9

Kli kaikri ba ra, mairin wâl bal takan. Tnawa nani bri kan, bara pâsa mita aiki kan. Tnawa ba suk tara tnawa baku kan, bara patakika ba pâsa ra brih auya kan.