Jirimaya 8:2 - DAWAN BÎLA AISKA

² witin nani lapta, kati, slilma nani ra latwan kaikan, baha warkka daukan, nina blikan, baha nani ra aisi ai tânka pliki wali kan, bahara mayuni kan ba mawanra lulki swibia. Upla kumi sin baha dusa nani ba bikaia wisi alki bukbia apia. Tasba ra prawi kabia, daiwan kânka nani baku.

Jirimaya 8:2 ပူးပေါင်းရင်းမြစ်များ

2 King Nani 17:16

Dawan ai Gâdka lâka nani kan ba sut swi banhwan, bara bîp lilka wâl paskan ayan angki slilkan wal, bara sin Aserá lilka bahki sin paskan bahara mayunaia, bara kasbrika purara slilma nani ra bara Baal ra sin mayunan.

2 King Nani 21:3

idan nani gâdka bahki watla nani ai aisika Ezequías mita sauhki tikan kata ba kli paskan; Baal altarka kata ba paskan, Aserá lilka sin kli daukan, Israel kingka Ahab daukan kata ba baku; baha sut purkara slilma nani kasbrika purara nani ra ba ra mayuni prias daukan.

2 King Nani 21:5

Bara altar wala nani paskan, Dawan tempelka watla kutbanka painkira wâl ba ra, bahara witin nani slilma nani kasbrika purara ba, baha mayunanka ra.

2 King Nani 23:5

Baha ningkara prîs nani Juda kingka nani mita saki mangkan nani kan ba sut ai pliska nani wina sakan, baha nani ba idan nani pliska holi ba ra kîa pain nani angkbia dukiara wisi sakan kata; naha pliska nani ba Juda tasbaya ra kan, baku sin Jerusalem lama kir nani ra, sim baku sakan prîs nani Baal ra kîa yamni nani angki dauki kan ba, baku sin lapta, kati, slilma tara wala nani ra, kasbrika purara slilma sâtka sut bâra nani ra mayunra yabi kan nani ba.

Lawana Nani 53:5

Bahara witin nani ba, sibri tatatwaia dukia lika âpu sa, sakuna witin nani ba, sibrin ba mita mahka; tatatwaia sa, kan Gâd mita witin waihla nani dusa ba yakaban sa bamna. Ai swira taki banhbia, kan Gâd mita witin ra lulki swibia bamna.

Lawana Nani 83:10

Endor ra sauhki tikram ba, ¡daiwan kânka tasba ra ba baku yakabram!

Lawana Nani 83:11

Ai uplika nani ra dauks Oreb bara Zeeb ra daukram ba baku; ai wihtka nani sut ra Zébah bara Salmuná ra daukram baku dauks,

Smasmalkra 6:3

Upla kum handat luhpa briaia sip sa, bara mani ailal raya kabia, sakuna piua ailal iwbia kra, ai lilia tara briras kaka, bara sin bikras sa kabia kaka, yang wisni kau yamni sa, luhpa prui takan ba, baha uplika ba wal.

Jirimaya 14:16

Witin nani smalkanka wali uplika nani ba sin, war ra bara sanglang ra prui banhbia, mairka nani ba, luhpia waitna nani luhpia bara mairin nani sin. Pruan uplika nani ba Jerusalem yabalka ra lulkan kabia, bara upla âpu kabia bikaia ba. Baku witin nani watawika lâka mana ba aibapaia daukamna.

Jirimaya 16:11

Bara man bui witin nani ra wis: ‘Dawan kasak aisisa: Damikam nani ba yang ai swin bara gâd wala nani ninara wan, baha nani ra ai pura suni mayunan, baha mita sika baku taki ba; ai lulkan, witin nani diara daukaia smalkri ba sin daukras.

Jirimaya 16:4

Siknis saura witin nani ra alkbia, prui banhbia bara upla kumi sin bal pura mata inbia apia, bikbia sin apia; daiwan kânka nani baku tasba ra prawi kabia. War aiklabi ba mita, sanglang mita sin witin nani ba âpu daukbia; daiwan tnawira nani bal, daiwan wail nani sin bal pruan nani ba pibia.”

Jirimaya 16:6

Naha kuntrika ra almuk nani ba tuktan nani ba prubia, upla kumi bal baha nani bikbia apia, pura mata sin inbia apia, sarka brisa wisi ai taya ra klaki ai tâwa sin irbi banhbia apia.

Jirimaya 19:13

Jerusalem watla nani ba, king watla nani ba Juda ra, utla purara iwaia pliska nani ba, baha watla nani sut ra witin nani kîa pain nani angki kan slilma nani ra, ai gâdka nani ra yaia wain laiki kan, witin nani tânka ba luki kaikbia ba ra, Tófet wal baku tâski takan sa.’ ”

Jirimaya 22:19

Biriku biki baku: witin nani bal Jerusalem wina raski saki bri si lulki swibia.”

Jirimaya 25:33

Dawan mita daukbia baha yua ra upla nani prubia ba, tasba tâ kum wina tâ wala kat pruan nani ba prawi kabia. Upla kumi sin baha nani pura mata inbia apia, upla kumi sin baha nani bikaia alki bukbia apia; daiwan kânka nani baku tasba ra pruan kabia.

Jirimaya 31:40

Tasba langni sut upla pruan biki ba bara yamhpuska bahara lulki ba, baku sin Cedrón langnika sut ba, baha wina Aras Lui ba durka kat, lalma tani holikira lâka ba ban bâra kabia; bara baha sut ba kli bataki sauhki sin tikan kabia apia.”

Jirimaya 36:30

Baha aitani, daukram nanara, yang, Dawan, Joaquim, man Juda kingka ra, mai wisni man kiamkam wina Debit iwaika ra iwbia apia. Man sin pruma bara kakna ra lata lapta ra prawi kama, tihmia ra lata kauhla ra prawi kama,

Jirimaya 9:20

Mairin nani, Dawan aisi ba wals, ai smalkanka nani ba aman wals. Luhpiam mairin nani smalks nahki inaia, uplikam mairin nani ra sin naku pura mata inaia smalks:

Jirimaya 9:21

“Wan watla nani ra prura bal diman, utla tara nani paskan ba bilara sin; yabal ra tuktan nani ba ikisa, pulaia pliska nani ra wahma nani ba ikisa.

Jirimaya 9:22

Upla pruan nani wîna ba tasba kat prawisa daiwan tâskika nani tasba ra bâra ba baku, aya dâkaia mihta wina kauhan ba baku, upla kumi sin bal alki bukras.” Dawan ba kasak aisisa.

Isikiel 29:5

Upla iwras tasbaya ra mai lulkamna, awalkam inskika sut aikuki; plis langni ra kauhi banhma, bara upla kum sin mai wahbia apia mai bikaia dukiara. Yabrika mai pibia daiwan wail kraskira nani, kasbrika pura ba wina piawira nani ba sin.

Isikiel 39:5

Aitniki takaskma plis langni ra. Yang, Dawan ba, aisari. Yang bîli yabri.

Isikiel 6:5

Bara Israel luhpia pruan nani ba, ai aidulka nani mawan kat lulkamni, bara dusa nani ba altarka nani kir yakabi lakamna.

Isikiel 8:16

Bara Dawan tempelka baikanka, kau bîla ba kat ai brih wan; bara kaiks Dawan wal aisaia watla ba lamara, dimaika ba bara altar ba wal lilapas ra kutbanka ba kat 25 waitna nani bara kutbanka ba tani ra ai nina tawi bri kan; bara ai mawan ba lalma tani ra bawi ai lal tasba kat kangbi, bara lapta ra mayuni kan.

Sofonías 1:17

Dawan ba kasak aisisa: “Upla nani ra yang aihni munamna, nakras baku tauki kabia, kan witin nani maipara saura daukan bamna. Upla tâlia ba lî laiwi baku kabia, wîna tara ba daiwan tâskika baku pura-pura paski swin kabia.”

Sofonías 1:5

Utla nani bahna ra uli, slilma nani ra ai pura suni ba, ai gâdka Milcom mawanra ai lula kriki ai pura suni ba bara yang nini ra sin swer taki ba sut sauhki tikamni.

Apastil Nani Sturka 7:42

Bara Gâd lika witin nani wina tnaya ra takan, ban sin swin kasbrika purara ba slilmika nani ra ni ai pura sunaia. Baku sin prapit nani wauhkataya nani ra ulban sa: ‘Man nani Israel luhpia nani, daiwan nani iki banhwi bara sakripais dauki katma ba 40 mani upla iwras tasbaya ra, baha ba yang ra lika apia.

Kli Smalkanka 17:3

gâd wala ra ai lula kriki witin nani mawanra mayunisa, lapta, kati, apia kaka, slilma nani ra Dawan mita adar yabras kan ba,

Kli Smalkanka 4:19

Bara kasbrika ra, lapta, kati, slilma nani, slilma tara nani kaikma piua ra baha nani ra mayuni traika kaikan ra kauhpara, kan Dawan Gâdkam paskan sa tasba aiska uplika nani sut dukia.