Jirimaya 7:8 - DAWAN BÎLA AISKA

⁸ ‘Man nani sika diara bahki upla kunin aisi bîla nani ba kasak lukisma.

Jirimaya 7:8 ပူးပေါင်းရင်းမြစ်များ

Aiseya 28:15

Man nani lika naku aisisma: “Yang nani prura wal lâ daukri, prura kingka tasbaya wal sin lâ daukri sari lâka klalka balbia ba ra, yang nani ra ai alkbia apia; kumi lâka ra yukuwaia plikisni, kunin ai muni bara yukuwaiki daukri.”

Aiseya 30:10

Diara kaiki nani ra witin nani wisa: “Lilka aihka nani bâra ba man krikpara.” Prapit nani ra sin wisa: “Diara rait param mariki ba yang nani ra ai wipara; bîla damni swapni ba baman aisi bas; diara kupi lilia dauki nani ba yang wina sâkpara.

Aiseya 59:4

Kasakka lâka dukiara wini ba kumi sin âpu, wapni lâka dauki lâ ba sin âpu sa; bahki lâka ra baman kupiam mangki brisatma, bara kunin lâka ra kau lukisma bara sturi bahki nani ra sin; watawika lâka nani ra, kwihra tiwisma bara saurka lâka luhpia baikisma.

Jirimaya 13:25

Israel, baha sika man briaia sma ba yang kli maikaia sna ba man daukram ba. Yang, Dawan, kasak aisisna. Man bui yang ra âmya lap ai tikram bamna, bara lukankam ba aidulkam nani ra kasak lukram.

Jirimaya 23:26

¿Ahkia kat baha prapitka kuninkira nani witin nani luki ba wina yaka ai lukanka kat aisi ba ban aisi kabia?

Jirimaya 23:32

Yang param aisisna baha prapitka nani kunin yaprisauhkanka nani aisi ba mapara; sturi bahki man kunin aisi, upliki nani ba mawahkisa. Yang baha nani ba blikras, aisaia adarka sin yaras, baha mita witin nani karnika âpu sa upla nani hilpka daukaia. Yang, Dawan, kasak aisisna.

Jirimaya 28:15

Bara Jirimaya bui Hananías ra win: —¡Hananías, wals! Dawan bui man ra mai blikras kan, man bui naha uplika nani ra kunin ra kasak lukaia baman smalkisma.

Jirimaya 4:10

Bara yang wîri: “¡Alai, Dawan, nahki man Jerusalem uplika nani ra baku kunin munram! Kupia kumi lâka man bui witin nani ra yabaia wiram, sakuna witin nani skiru kum lika ai nana ra mangkan sa.”

Jirimaya 5:31

¡Prapit nani aisi ba lika kunin baman; prîs nani ba ai brinka kat lâ nani daukisa, bara yang upliki nani ba baha lâka ba want sa! Sakuna, ¿baha piua ba lubia bara man nani dîa daukma ki?’ ”

Jirimaya 7:4

Baha nani kunin mai muni naku aisi ba ra kasak luki banhpara: ¡Dawan tempelka ba nâra sa, Dawan tempelka ba nâra sa!, aisi ba.

Jirimaya 8:10

Baha tâwan mairkam nani ba waitna wala nani ra yabaisna, tasbayam nani ba sin upla wala nani baha dawanka aimakbia. Kan upla almuk nani ba, tuktan nani bara upla sut, saura dauki wina baman lalah briaia lukisa; prapit nani ba, prîs nani ba sin sut upla ra taibi lalahka dakbaia warkka daukisa.