Jirimaya 7:34 - DAWAN BÎLA AISKA

³⁴ Yang daukamna Juda tawanka nani ba bara sin Jerusalem tawanka yabalka nani ra lilia dauki aiwananka ba, maya baiki lawana nani aiwani ba sut lap tiwaia; tasbaya aiska ba upla iwras tasbaya baku bîla man swimna.”

Jirimaya 7:34 ပူးပေါင်းရင်းမြစ်များ

Job 3:7

¡Aitani lukaina baha tihmika ba biarapara ni takan kata, bara lilia binka winaia apia kan!

Lawana Nani 78:63

Tukta waitna nani ba pauta ami pruan; ¡marit takaia tiarika nani ra, lawana aiwani yabras kan!

Aiseya 1:7

Tasbayam ba sauhkan sa, upla iwras tasbaya baku swin, tawan tara nani ba angkan amisa. Man nani kaikisma waihlam nani bal man nani mangkram ba bri pîsa, upla iwras tasbaya baku sa Sodoma slingban kan ba baku.

Aiseya 3:26

Tawan getka nani ba, sari bribia bara inbia, bara witin nani, lulki bîla man swibia.

Aiseya 6:11

Bara yang bui witin ra makabi walri: “¿Ahkia kat kabia, Gâd?” Witin pana yang ra ai win: “Tawan tara nani ba bîla man, upla iwaika sin âpu takbia ba kat utla bilara upla âpu kabia; bara tasba ba sin upla iwras tasbaya baku bîla man takbia ba kat.

Jirimaya 16:9

Yang, Dawan karnika sut brisna, Israel Gâdka, param aisisna: Naha kuntrika ra lilia lawana nani aiwani, lilia dauki ba maya baiki aiwani ba sut takaskaisna. Naha sut man nani yuam ra baku takbia, bara man nani baha kaikma.

Jirimaya 22:6

Kan Dawan Juda kingka watla ba dahra aisisa: “Man ba yang maipara Galaad ilka baku sma, Líbano bahna ba baku, sakuna diara âpu mai daukaisna, upla iwras tasbaya kum mai daukaia.

Jirimaya 25:10

Yang daukamna witin nani ai tilara lilia mita aiwani lilia kaia kli daukan kaia apia, maya baiki lawana sin aiwanaia apia, akbaia walpaya nani binka sin walaia apia, lamp angki ingnika nani ba sin kli kaikaia apia.

Jirimaya 27:17

¡Witin nani aisi ba walpara! Man nani Babilon kingka ra baws bara man nani raya kama. ¿Dîa brinkam bâra sa ki naha tawanka na slingwi aipaswan baman takbia ba?

Jirimaya 33:10

Dawan aisisa: “Man nani wisma baha pliska ba upla iwras tasbaya takan, bahara upla âpu daiwan nani âpu; Jerusalem tawan yabalka ba Juda tawanka yabalka ba bîla baman sa; bahara diara âpu, daiwan sin âpu. Baha pliska ra sika witin nani kli balbia bara walbia,

Jirimaya 33:11

lilia dauki lawana nani aiwani ba, ai maya pliki aiwani ba, bara aisi kaka walbia: ‘Man nani bui Dawan karnika sut bri ba ra tingki wis, Dawan ba yamni sa bamna, witin latwan wan kaiki ba ban sa.’ Witin nani ai prisantka nani ai tingkika lâka ra tempel ra bri balbia. Âu, yang baha kuntrika uplika nani kli bri balamna, bara witin nani kli blasi kata ba baku bâra kabia. Yang, Dawan, kasak aisisna.”

Jirimaya 4:26

Bara kli tawi kaikri bara giadin nani ba upla iwras tasbaya takan kan, tawan nani ba sut slingban kan. Dawan kupia baiwanka tara ba mita baku takan.

Jirimaya 4:27

Dawan aisisa: “Tasbaya aiska ba pâsa krawi lui palki baku daukamna, sakuna sut pali lika sauhki tikamna apia.

Jirimaya 44:6

Baha dauki ai munan kupi baiwan bara lawi daukri, bara bal Juda tawanka nani ba pauta klauhan ni angkuna, Jerusalem tawan yabalka ba sin. Nanara baha nani aisawan upla iwras tasbaya bîla man ban sa naiwa kat.

Inanka Nani 5:14

Nanara almuk nani âpu sa tawan tara getka nani ra; bara wahma nani sin aiwani kata ba mahka swin.

Isikiel 26:13

Baku lamwanka nani binka ba âpu daukamna, bara arpkam nani binka ba kli walbia apia.

Isikiel 7:11

Lâ krikaia daukan ba wina, saurka lâka pâwisa, sakuna witin nani baha, yuyaka nani wina diara bribia apia ai kisbi winanka ba wina sin.

Oseas 2:11

Ai liliaka dauki ba takaskamna, lilia daukaia yua nani bri ba, kati raya ra, ris yua nani bri ba, bara lilia tara daukaia yua nani sut bri ba sin.

Oseas 2:13

Piua luan ra, witin nani kîa yamni angki, gâd bahki nani ra yabi kan ba mana klala yabaisna, mihtadingka nani, lilura nani ni ai prana dauki, ai waitnika latwankira nani nina bliki kan, yang ra ai âuya ai tiki si. Yang Dawan, baha kasak aisisna.

Libait Lâka 26:33

Man nani ra yakabrira mai daukamni, nisan wala nani tilara, sord ba taya wina saki ninam blikamni; tawankam ba upla iwras tasbaya daukamni, bara tawankam nani ba kriwi tiwan kabia.

Miqueas 7:13

Bara baha tasbaya nani ba lika sauhki tikan, upla iwras tasbaya baku takbia, upla nani bahara iwi kan ba saura daukan ba tâka mita.

Param Marikanka 18:23

Lamp kumi ingnika sin man ra kli angkan kabia apia, marit takan lilia binka nani sin kli walan kabia apia. Dukiam âiatkra nani ba tasba aiska ra kau karnika bri kan, bara sukikam lâka ni nisan sât sât nani ra kunin munram ba.”