Jirimaya 7:29 - DAWAN BÎLA AISKA

²⁹ ¡Jerusalem uplika nani, tâmwa ba klaki lulks! ¡Kiuhsi nani diara pâwras ba ra wih sari taki lawana aiwans! Kan Dawan uplikam nani ra ai kupia baikan sa, witin nani ba tnaya ra laki lulki swisa.

Jirimaya 7:29 ပူးပေါင်းရင်းမြစ်များ

2 King Nani 17:20

Bara Dawan mita Israel kiamka nani aiska ba ai lamara kaiki ba wina sakan, bara swira dauki âimplikra nani mihta ra mangkan.

Job 1:20

Bara Job ba ai kupia wirhika wal ai mina ra buan bara ai prâka kalkan, ai tâwa klakan, bara bawan mayunra lâka dauki natka ra.

Aiseya 22:12

Baha ba mita, karnika sut bri Dawanka ba mai paiwan naha yua ra; man nani inaia, sari briaia, tâmwa kusbaia bara sari kwalka dimaia sin.

Jirimaya 12:7

“Upliki nani ba yang lulki swiri, yang tasbayi kata ba briras swiri. Witin ai waihla nani mihta ra mangkri yang latwan pali kaikisna nisanka nani ba.

Jirimaya 14:19

Dawan, ¿Juda ba man aiska pali lulki swiram sa ki? ¿Saion tawanka ba dukiara man tayat pali takram ki? ¿Dîa kan yang nani sip kli rawaia apia kat ai insauhkram? Yang nani lika yamnikam wankma bîlam kaiki katna, sakuna yang nani maipara diara saura baman takan. Yang nani rawaia aihwaki katna, sakuna sirang tara ai iki ba baman bâra sa.

Jirimaya 16:6

Naha kuntrika ra almuk nani ba tuktan nani ba prubia, upla kumi bal baha nani bikbia apia, pura mata sin inbia apia, sarka brisa wisi ai taya ra klaki ai tâwa sin irbi banhbia apia.

Jirimaya 3:2

Il nani bahna ba kaiks lipni ba, pain kaiks: ¿anira lika saura pali kulkaia warkka ba man bahara daukras kapram? Arabia uplika nani upla iwras tasbaya yabalka ra iwi bîla kaiki ba baku, yabal un ra iwi lilam nani ba bîla kaikisma. Man ur taki watawika lâka dauki kuntrikam na tâski daukram.

Jirimaya 3:21

“Kiuhsi nani upla iwras baku tasbaya ba pura wina bîla baikra nani ba walisa: ‘¡Baha sika Israel luhpia nani, makabi inisa witin nani ra umpira kaikbia luki! Yabal wapni wina witin nani tnaya ra wan. Witin nani ai âuya ai tikan ai dawanka ai Gâdka ra.

Jirimaya 47:5

Gaza uplika nani ai tâwa irbia, Ascalón uplika nani sip aisaras takbia. Blasi upla tarka tara nani kan ba wiria takaskan nani, ¿ahkia kat man tamya ra klaki ban kama sari brisma tukinka ba?

Jirimaya 48:37

Tâwa nani sut irban, unmaya sin klakan; mihta nani ba sut insauhkan bara krukus prâka nani dimisa.

Jirimaya 6:30

Witin nani nina ba mâkan kaia sa “silbar saura pali takan”, Dawan, man bui witin nani ba lulki swiram bamna.

Jirimaya 9:10

“Il nani tilara ini bas, bara mamna sin lulki bas, twi pain pâwi tasbaya pura mata ini aiwani banhs, baha sut angkan, bahak sin upla wapras swin; bîp nani sin âpu uhbaia, daiwan tnawira nani wail nani ba sin sut plapan.

Jirimaya 9:16

Witin nani kakaira apia, aisika nani sin kakaira apia nisanka nani tilara yakabi swimna; yang daukamna baha nani sord ai mihta ra bri naha nani nina bliki kaia, witin nani sut pali âpu takbia ba kat.”

Inanka Nani 5:22

Sakuna aiska pali lulki ai swiram sa; kupiam baiwanka sin tara pali brisma yang nani maipara.

Isikiel 19:1

“Man, upla luhpia, naha prura lâwanka na, Israel kingka nani ra aiwans:

Isikiel 28:12

“Man, upla luhpia, pruan lawana kum aiwans, Tiro kingka pura mata, bara wis: ‘Dawan ba naku wisa: Man ba sampla kum sma, kasakka mapara, sins lâka aibanhwan bara kasak prana pali sin.

Emus 5:1

Israel luhpia nani, bîli nani na wals; man nani mampara sarikira inisna ba wali banhs.

Miqueas 1:16

Bamna Saion tawanka uplika nani, man nani tâmwa klaks, sari brisma ba tânka marikaia dukiara, luhpiam nani latwan pali kaikisma ba tâwan; tâmwa irbi, lamla ba usus lal baku lipni dauks, uplikam nani ba taibi muni tasba wala ra brih wan kabia bamna.”

Matiu 12:39

Jisas pana witin nani ra win: —Upla watawikira nani kasakka lâka briras nani ba sain aihka kum makabisa, sakuna witin nani ra sain kumi sin marikras kabia, prapit Jona sainka baman lika.

Matiu 16:4

Naha uplika watawikira nani kasakka lâka briras ba, sain aihka kum makabisa; sakuna witin nani ra sain kumi sin marikbia apia, sakuna Jona sainka ba baman lika.” Bara Jisas baha nani swi si, mahka wan.

Matiu 23:36

Kasak pali man nani ra mai wisna, naha pâtka sut na lika naha piua uplika nani ra balbia.

Matiu 3:7

Sakuna Jan kaikan parisi nani, sadiusi nani sin ailal tahbi daukbia wisi balan, bara witin bila: “¡Piuta kiamka nani! ¿Ya mita man nani ra maisam pakan pât tara wan lamara aula ba wina plapi swakwaia?

Apastil Nani Sturka 2:40

Bara Pita lika naha bîla nani aisin na purara, kau kupia kraukanka ailal baha uplika nani ra yabi, naku smalki win: —¡Man nani naha uplika nani tiwan banhwi na tila wina bal taki, swaki sakan lâka ba alks!

Kli Smalkanka 32:5

“Upla saura bara kiamka warha, Gâd mapara buan nani ba sip ai luhpia nani takbia apia: