Jirimaya 7:26 - DAWAN BÎLA AISKA

²⁶ Sakuna man nani bui yang bîli wali daukaia apia wiram, uni sin kahbras, almukkam nani ba wal man nani kau kiamam karna takan.

Jirimaya 7:26 ပူးပေါင်းရင်းမြစ်များ

1 King Nani 14:22

Sakuna Roboam Dawan nakra ra saura daukan, kupia sin sauhkan, ai damika nani wal, kau mapara saura daukan.

1 King Nani 14:9

Ban sakuna, man kainamra kan nani ba wal kau saura daukram; bara man kupi sauhkram, gâd bahki nani lilka paski daukram, bara yang na man ninamra ai lakram.

2 King Nani 17:14

Ban sakuna, witin nani ai kupia ba karna pali daukan, kaina piua ra ai damika nani daukan ba baku, bara sin witin nani Dawan ai Gâd ra kasak lukras kan.

2 King Nani 17:15

Bara witin nani ai lâka nani ba lulki swin, bara sin ai damika nani wal lâ aisi daukan kan ba sut krikan, baha tânka bribia dukiara kaina wina ulbi swin kan ba witin nani dukiara. Bara baku gâd bahki nani ba nina blikan, bara witin nani ba sin bahki baman takan. Baha purkara sin, nisan sât wala nani witin nani ai lamara iwi nani kan ba ninara wan, baha pali dukiara sika Dawan mita pat win kan daukbiara naha uplika nani dauki ba.

2 Kronikas 30:8

Baku bamna, man nani kiamam karna kapara, damikam nani kan baku; mihtam buks Dawan ra kli lâ nani ba raya daukaia dukiara, bara bal Dawan wal aisaia watla ra, witin holikira ban sa piu bani. Dawan Gâdkam dukia dauks bara witin ai kupia lawanka ba takaskbia man nani wina.

2 Kronikas 33:10

Dawan bui Manasés ra bara ai uplika nani ra sin aisin, sakuna witin nani Dawan ra walras kan.

2 Kronikas 33:23

Dawan mawanra bawras kan, sim ai aisika Manasés daukan baku, sakuna witin kau saura daukan.

Nihimaya 9:29

Bara man bui witin nani ra kupia kraukram, lâmka bîla wali kli man ra tawbia wiram, ani uplika lâmka ba alki daukbia kaka, witin nani raya kabia, ban sakuna witin nani ai kupia karna pali kan, bara man adarkam nani ba wali daukras pali takan, ban sin man lâ wapni yaram ba mapara saura daukan.

Sins Lâka 29:1

Kli kli upla kupia kraukan ban ai lal karna dauki brukwi ba, tisku bâk krikan kabia, rakaika sin âpu kabia.

Aiseya 48:4

Yang pat kaiki kapri man ba lamla karna sma, karna ayan baku sma, bras daukan baku, sip bulras sma,

Aiseya 5:4

¿Yang wainki nasla ra diara kum daukaia bâra kan? ¿Kau diara kum yang daukras swiri sa ki? Yang bîla kaiki kapri, wain mâ damni nani aikbia, ¿sakuna dîa muni, mâ swahni nani sakan ba?

Jirimaya 11:8

Ban sakuna, witin nani lika yang aisisna ba walras, bîli wali daukras, kiama karna takan, ai lukanka saura nani ra tniwan bara baha mita raski brih wan. Witin nani daukaia adarka nani wîri ba daukras kan, bara baha wina yabri klala ba witin nani ra balbia lâ daukan piua ra aisi kata ba.’ ”

Jirimaya 16:12

Bara man nani kau saura daukram damikam nani ba wal, man nani kumi bara lamla karna lukankam ra dîa daukaia brin mai dauki ba bîla wali daukram, sakuna yang bîli lika wali daukras.

Jirimaya 17:23

Witin nani lika yang ra walras bîli wali daukras kan, sakuna kau lal karna takan wali lan taki wapni takan daukras.

Jirimaya 19:15

“Karnika sut bri Dawanka, Israel Gâdka ba, aisisa: ‘Naha tawanka tara ra yang klala yabia aisari ba daukaia, tawan nani witin ai lamara nani ba sut blikaisna klala yabia, kan witin nani lal karna takan yang aisari ba wali daukras kan bamna.’ ”

Jirimaya 22:21

Yang bui man ra aisari, man piua yamni bri kapram ba ra, sakuna man walaia apia wiram. Man wahma kapram ba yua wina baku daukisma: ¡yang bîli baikra ba lan mai daukras sa!

Jirimaya 25:3

“Josías Amón luhpia waitna ba Juda ra 13 mani king aimaki kan, bara baha piua wina nanara kat, wibia kaka, pat 23 mani Dawan bui yang ra aisin ba, baha yang bui man nani ra kli kli aisari; sakuna man nani lika yang ra walras.

Jirimaya 25:7

Sakuna nanara, Dawan aisisa: ‘Man nani bui yang aisisna ba walras kapram ba mita, kupi tuskram man nani paskram ba gâdka ra mayuni, baha sika man nani mita daukram saurka ba.’

Jirimaya 26:5

prapit nani witin nani kupia krauki smalki ba, kum blikuna kli wala blikisna ba, baha nani bîla witin nani wali daukras ba,

Jirimaya 29:19

Baku takbia, kan witin nani ra kupia krauki smalkri yang warkki dadaukra nani dahra aisin ba witin nani walras kan bamna, witin nani ba blikri bara kli blikri, witin nani ra walras kan sakuna. Yang, Dawan, kasak aisisna.

Jirimaya 3:13

Man watawi daukram ba daukri, wis, Dawan Gâdkam mapara babura takram ba; tringsar nani latwan kaiki plapi pliki waram ba, dus tara nani sut distiki ra waram, yang bîli walras adarki nani wîri ba daukras. Yang, Dawan, kasak aisisni.’ ”

Jirimaya 32:23

Sakuna witin nani baha kuntrika ra dimi tasbaya ba brin ba ra, man bîlam walras takan, lâ nani smalkram ba daukras, wark nani daukaia wiram ba sin daukras. Baha mita man bui witin nani ba rausauhkaia blikram.

Jirimaya 34:14

Ju atkan kum ai dawanka albika 6 mani takuya bara 7 mani alkaia manka ba pri swiaia sa. Sakuna damikam nani lâika ba kulkras bîli wali daukras kan.

Jirimaya 35:15

Yang bui man nani ra prapit kumi blikri, kli wala blikri, albiki prapit nani sut blikri mai wiaia: Man nani natkam saura nani ba daukankam saura nani ba swiaia. Man nani lika gâd wala nani ninara waia apia, baha nani ra sin mayunaia apia, bara baku man nani damikam nani ra baha tasbaya maikri bâra iwi kaia sip kama. Sakuna man nani bui yang ra walras, bîli wali sin daukras.

Jirimaya 35:17

Baha mita yang, Dawan karnika sut brisna ba bara Israel Gâdka, mai wisna: Yang daukisna Juda bara Jerusalem wal purara, uplika nani ba purara pât nani balaia wîri ba balbia. Kan yang bui man nani ra aisari, sakuna man nani ai walras; man nani ra mai winri, sakuna man nani pana yang ra aisaras.’ ”

Jirimaya 44:16

—Baha bîla Dawan aisin wisi man bui yang nani ra ai wiram ba walamna apia.

Jirimaya 5:3

Dawan, man plikisma ba sika kunin aisaras uplika ba. Man bui witin nani ra klala yabram, sakuna baha witin nani ra latwan yaras kan; man bui witin nani ba sauhkram, sakuna witin nani diara lan takras. Kiamapara nani, walpa baku karna, yabal yamni ba ra witin nani kli tawi balaia apia lukan.

Jirimaya 6:10

Bara yang pana wîri: “¿Ya yang ra ai walbia, bara witin nani ra aisamna kaka, mai sauhkanka na witin nani ra wimna kaka? Witin nani ai kiama ba prakan sa, Dawan, witin nani sip walras sa; witin nani man aisisma ba lamwaska kikisa, aisisma ba witin nani yamni kulkras.

Jirimaya 6:17

Dawan mita tawan ra aihwawakra nani ba swin, bara upla nani ra win: “Winanka daukuya binka ba man nani wals.” Sakuna upla nani ba win: “Apia, yang nani baha daukamna apia.”

Jirimaya 7:24

Sakuna witin nani bîli wali daukras, uni sin kahban daukras witin nani ba kiama karna takan, kupia lukanka ai saura brinka ra baman tniwan, bara baha mita brih wan. Yang ra kli tawi balaia watlika ra tawi ai kaikras mahka wan.

Jirimaya 9:13

Dawan pana aisisa: “Baha sut baku takan kan Israel ra smalki diara nani daukaia wîri ba, baha wîri nani lulki swin ba tâka; witin nani ba yang bîli wali briras, warkka ba sin daukras.

Isikiel 12:2

“Upla luhpia, man upla mapara babura tilara iwisma; baha nani ai nakra nani brisa kaikaia kuna kaikras, bara ai kiama bri banhwisa walaia kuna walras, kan mapara babura uplika sa bamna.

Isikiel 12:3

Baha mita man dukiamra dîa briaia sma ba kat ridi dauks tasba wala ra auma baku kakna upla sut mai kaiki kaka, wamtla wina taki plis wala ra was; ban kra witin nani baha tânka bribia mapara babura uplika nani ba.

Isikiel 20:30

“Israel tawanka ra wis: ‘Naku wisa Dawan ba: ¿Dîa muni man nani, almukkam nani baku tâski takaia brinkam sa? ¿Dîa muni yang wal kasak apia sma, aidul yamni kaikras ra mayuni banhwisma?

Daniel 9:6

Yang nani bui man nampakan prapit nani ra kulkras, baha nani man ninam brih aisi kan ba king nani ra, tâ uplika nani ra, wan almukka nani ra bara Israel luhpia nani sut ra sin.

Oseas 11:7

Upliki nani yang wina tnaya ra tawan ba baku, ban kaia lukisa; purara ba ra karna wini kabia, sakuna upla kumi sin witin nani ra hilp yabia apia.

Sakaraya 7:11

Ban sakuna, Dawan aisin ba, upla nani wali daukras kan. Sut ai kiamapara dauki si bara ai ninara tawan.

Malaquía 3:7

Man nani sin lâika nani daukaia ba wina laihura waram, damikam nani lâika wina laihura wan baku, witin nani ba yang bîli wali daukaia apia wisi. Yang karnika sut alki brisna Dawanka ba, man nani ra wisma: ¡Man nani kli yang ra tawi bal, bara yang sin man nani ra kli tawamni! Ban sakuna, man nani aisisma: ‘¿Dîa dukiara yang nani na man ra kli tawaia sna?’

Matiu 21:38

Sakuna wark tatakra nani ba luhpia ba kaikan ba ra, ai mânka naku aisan: ‘Naha sika diara nani na dawanka kabia; kaisa witin ba ikaia, bara diara nani na yawan briaia.’

Matiu 23:32

¡Baku bamna, damikam nani tâ krikan ba, man nani dauki tnata alks!

Apastil Nani Sturka 7:51

“Sakuna —Stiben lika ban aisi wi kan— man nani lika piua bani kupiam karna brisma. Man nani kiamam nani bara kupiam sin brisma, sim baha nani Gâd kakaira apia uplika nani ba baku, piua bani Spirit Holikira mapara. Man nani lika damikam nani wal baku pali sma.

Roman 2:5

Sakuna man lika kupiam karna pali sa, ba mita kupiam lakaia sin want apia sma. Bamna man mita puramra pât tara mangkisma, Gâd kasakka lâka kat lâ dauki marikbia ba yua ra;

Kli Smalkanka 8:20

Baku natka ra sauhki tikbia, nisan nani man nani mina taibanka ra waram ba, man nani ra sin mai sauhki tikbia, Dawan Gâdkam bîla lulkram kaka.