Jirimaya 7:25 - DAWAN BÎLA AISKA

²⁵ Man nani damikam nani Idsip wina takan ba yua wina naiwa kat, prapitki nani duki dadaukra nani ba man nani ra kum blikri ba ninara wala nani bliki ban sna.

Jirimaya 7:25 ပူးပေါင်းရင်းမြစ်များ

2 Kronikas 24:19

Ban sakuna, Dawan ai dahra aisasarika nani blikan, kli witin ra tawbia wisi. Sakuna upla nani ba prapit nani smalkan ba walras kata.

2 Kronikas 36:15

Dawan, ai almukka nani Gâdka ba, piu manis ra maisa paki bliki kan ai sturka twilki uplika nani ba wal, kan witin ai tawanka ra latwan kaiki kan, baha pliska witin nani ai iwaika kan ba.

Esdras 9:7

Wan aisika nani yua ba wina naiwa kat, yang nani saurka lâka ra iwi banhwisna. Yang nani saurki nani tâka mita, kingki bara prîski nani sut aikuki tasba wala nani kingka nani mihta ra ai mangkram. Naiwa yua kat ban wan ikisa, alba wan brisa, wan dukia nani implikisa, yang nani swira lâka tara wal ban iwi banhwisna.

Nihimaya 9:26

“Sakuna witin nani man bîlam wali daukras kan, mampara buan, bara man lâmka ba bahki kulkan. Baha purkara, prapitkam nani ba witin nani mita ikan, kan baha nani witin nani ai mapara param aisi kan, bara win ai kupia lakbia, baha tâwan minam prukanka tara dauki kan.

Nihimaya 9:30

Witin nani wal man kasak pali kupiam alki takaskram mani nani ailal; bara man spiritkam ni prapitkam nani bâk, witin nani ra aisaram; sakuna witin nani man ra walras kan; baha mita man bui witin nani ba baha tasbaika uplika nani mihta ra mangkram.

Aiseya 5:4

¿Yang wainki nasla ra diara kum daukaia bâra kan? ¿Kau diara kum yang daukras swiri sa ki? Yang bîla kaiki kapri, wain mâ damni nani aikbia, ¿sakuna dîa muni, mâ swahni nani sakan ba?

Jirimaya 11:7

Man nani damikam nani yang bui Idsip wina sakri ba ra, witin nani ra kupia krauki wîri yang ra baman bîli wali kabia, baha piua wina yang kupia krauki ban sna naha piua kat.

Jirimaya 25:3

“Josías Amón luhpia waitna ba Juda ra 13 mani king aimaki kan, bara baha piua wina nanara kat, wibia kaka, pat 23 mani Dawan bui yang ra aisin ba, baha yang bui man nani ra kli kli aisari; sakuna man nani lika yang ra walras.

Jirimaya 25:4

Baha sut ban sakuna, Dawan ba aima kum kli aima wâl ra sin, ai dukia dadaukra, ai prapitka nani ba man nani ra blikan, man nani bui witin nani ra walras, aisi ba sin walan mai daukras bara bîla wali sin daukras.

Jirimaya 29:19

Baku takbia, kan witin nani ra kupia krauki smalkri yang warkki dadaukra nani dahra aisin ba witin nani walras kan bamna, witin nani ba blikri bara kli blikri, witin nani ra walras kan sakuna. Yang, Dawan, kasak aisisna.

Jirimaya 35:14

Jonadab, Recab luhpia waitna ba kiamka nani ai damika Jonadab witin nani ra aisi adar win ba kat witin nani bîla wali daukan wain diras, naiwa kat sin witin nani wain diras ban sa, kan ai damika lâka bîla wali dauki ba mita. Yang sin man nani ra adarki nani maikri kli sin mai wîri, sakuna man nani bîli wali daukras.

Jirimaya 35:15

Yang bui man nani ra prapit kumi blikri, kli wala blikri, albiki prapit nani sut blikri mai wiaia: Man nani natkam saura nani ba daukankam saura nani ba swiaia. Man nani lika gâd wala nani ninara waia apia, baha nani ra sin mayunaia apia, bara baku man nani damikam nani ra baha tasbaya maikri bâra iwi kaia sip kama. Sakuna man nani bui yang ra walras, bîli wali sin daukras.

Jirimaya 44:4

Prapitki duki dadaukra nani ba pat pat blikri man nani ra mai wiaia, baha diara saura misbara kaikisna ba man nani daukaia apia.

Jirimaya 7:13

Bara ban kra yang bui man nani ra kli kli pat kupiam krauki daukankam ba dukiara, sakuna man nani bîli wali daukaia apia wiram, uni kahbaia pan sakuna man nani baha sin daukras. Yang Dawan, baha kasak aisisna.

Isikiel 2:3

Witin kau ban aisi kan: “Upla luhpia, yang bui Israel luhpia nani ra mai blikisna, baha tawanka bîla walras ba, bara yang maipara buan sa. Witin nani, bara ai almukka nani sut kira maipara buan, naiwa yua kat.

Oseas 11:7

Upliki nani yang wina tnaya ra tawan ba baku, ban kaia lukisa; purara ba ra karna wini kabia, sakuna upla kumi sin witin nani ra hilp yabia apia.

Oseas 12:10

“Yang mita prapit nani ra aisari bara diara nani bal takaia lilka ba ailal marikri, witin nani aisinka bâk dahra praki aisaia bîla nani manis aisari.

Emus 2:11

Israel luhpia nani: Man nani sip apia wima apia, man nani luhpiam nani tila wina kum kum ba prapit nani sakri, wala nani lika Nasariu takaia daukri.” Dawan baku aisisa.

Malaquía 3:7

Man nani sin lâika nani daukaia ba wina laihura waram, damikam nani lâika wina laihura wan baku, witin nani ba yang bîli wali daukaia apia wisi. Yang karnika sut alki brisna Dawanka ba, man nani ra wisma: ¡Man nani kli yang ra tawi bal, bara yang sin man nani ra kli tawamni! Ban sakuna, man nani aisisma: ‘¿Dîa dukiara yang nani na man ra kli tawaia sna?’

Luk 11:49

“Baha mita, Gâd ai sinska lâka tara ba wal naku wisata: ‘Yang bui witin nani ra prapit nani bara apastil nani sin blikamna, sakuna baha nani wina tila kum kum ba ikbia, bara wala nani ra lika bliki rausauhkbia.’

Kli Smalkanka 9:7

“Âmya tiwbiara man nani upla iwras tasbaya ra, nahki Dawan kupia sauhkram ba. Idsip wina taki naha pliska kat balram ba, man nani lika kiamam karna kapram.