Jirimaya 6:6 - DAWAN BÎLA AISKA

⁶ Karnika sut bri Dawanka ba win naku daukaia: “¡Man nani dus nani ba klaki baps, kainam kahbaika dauks Jerusalem mapara aiklabaia! Tawanka ba pât ra lakan sa klala yabia taiban lâka ni banhwan bamna.

Jirimaya 6:6 ပူးပေါင်းရင်းမြစ်များ

Aiseya 37:33

“Bahamna, Dawan mita naku wisa Asiria kingka ba dukiara: ‘Jerusalem ra sip pali dimbia apia, bara sip sin trisba kumi sin mangki lulkbia apia, baku sin witin ai mapara, ai lama prâka aiklabaia dukia kan kahbaika wal sin sip balbia apia, ba purkara sin ai yukuwaika sip sâkbia apia.

Jirimaya 20:8

Aisisma ba sika piua bani aisisna bara lâ krikanka nani bara sauhkaia sturka baman sa; piu sut maipara saura aisisa bara laiwaska sin kikisa man aisisma bîla ba yang aisisna ba mita.

Jirimaya 22:17

“Sakuna man lika yakan briaia trabil taki lukisma saura dauki sakram ba wina, pâtkas nani ba ikaia daukram, uplikam nani ba taibisma bara dukia dakbisma.”

Jirimaya 32:24

‘Bara Caldea uplika nani balan tawanka kir ba kutban witin nani mapara aiklabaia, aiklabi kan ba mita, plun wahwan siknis nani ba mita, tawan ba waihla nani aiklabi ba mihta ra kauhaia kan. Dawan, man mita dîa takaia wiram ba baku takan ba kaikisma.

Jirimaya 32:31

Naha tawanka paskaia buan ba yua wina naiwa yua kat, witin nani diara dauki ba yang kupi sauhkaia, bara yang lawaia dukia baman daukisa. Baha mita witin nani ba âpu daukaisna,

Jirimaya 33:4

Yang, Dawan, Israel Gâdka, maisa pakaia sturka kum brisna Jerusalem watla nani ba dukiara, Juda kingka watla nani ba slingban kabia ba wiaia. Caldea uplika nani balan witin nani wal aiklabaia kutbi bri ba mapara aiklabaia ai sordka nani bri taki wabia, sakuna sut, pruaia baman wabia. Yang kupi baiwan pali ra witin nani ba pruaia daukamni, kan maiwan witin nani ra kaikras kamna baha tawanka watawika ailal pali daukan bamna.

Jirimaya 39:1

Sedequías ba Juda ra pat 9 mani king kan, baha manka ra kati matawalsip aimakan ba ra, Babilon kingka Nabucodonosor aiklabaia uplika nani ba sut aikuki Jerusalem mapara aidrubi bal, tawan ba kutban.

Jirimaya 5:29

¿Baha daukanka nani ba tâwan klala yabaia apia katna ki? ¿Baha uplika nani baku daukan mana ba kli yabaia apia sna ki? Yang, Dawan, kasak aisisna.

Jirimaya 5:9

¿Witin nani baha daukan ba yang klala yabaia apia sna ki? Tawan kum uplika nani witin nani dîa daukan ba, ¿yang bui witin nani ra baha praiska kat mana yabaia apia sna ki?

Isikiel 4:2

Baha ningkara aiklaklabra daknika tara aiklabaia dukia bri ba dauks, bara baha nani kaina kir ba tawan kutbanka ba dauks, upla nani uli iwaika ba sin, bara baku witin nani kaikbia tawan kum ra kutbi bri ba.

Isikiel 5:5

“Yang, Dawan ba, naku wisna: Jerusalem ra ba bâra sa. Yang mita sika nisan nani bara kuntri nani lilapas ra mangkri.

Daniel 11:15

Yahbra tani kingka balbia bara tawan karnakira ba kir ai yukuwaika pliska daukbia, bara sin pura luan kabia. Muna tani war aiklaklabrika kau pain ba bui sin sip ai waihla ba alki takaskbia apia.

Sofonías 3:1

¡Jerusalem tawanka tara, mapara babura ba, upla tataibra taki tâski takan ba, sarka pali ai daukisa!

Luk 19:43

Bamna piua saura nani man ra balbia, bara man waihlam nani mita tnamya kir kutbanka daukbia; witin nani sin tnamya bani wina bal taki mai alkbia,