Jirimaya 6:30 - DAWAN BÎLA AISKA

³⁰ Witin nani nina ba mâkan kaia sa “silbar saura pali takan”, Dawan, man bui witin nani ba lulki swiram bamna.

Jirimaya 6:30 ပူးပေါင်းရင်းမြစ်များ

2 King Nani 17:20

Bara Dawan mita Israel kiamka nani aiska ba ai lamara kaiki ba wina sakan, bara swira dauki âimplikra nani mihta ra mangkan.

Lawana Nani 119:119

Upla watawi dadaukra nani ba lika, man mampa ra dipasta baku sa; bahamna yang bui man lâmka bîla nani ra latwan kaikisni.

Lawana Nani 53:5

Bahara witin nani ba, sibri tatatwaia dukia lika âpu sa, sakuna witin nani ba, sibrin ba mita mahka; tatatwaia sa, kan Gâd mita witin waihla nani dusa ba yakaban sa bamna. Ai swira taki banhbia, kan Gâd mita witin ra lulki swibia bamna.

Sins Lâka 25:4

Auhya yuya ba silbar wina sikbi aihka sâkma, bara slaslilkra mihta ra sakahkaia kapka pain bal takbia;

Aiseya 1:22

Silbar katma ba bara nanara dipasta takram, wain pain katma ba, nanara lî takram.

Aiseya 1:25

Mihti man nani mampara kli bukamna, dipastikam nani ba sut pali angkamna; tâskikam nani ba wina klin pali mai daukamna.

Jirimaya 14:19

Dawan, ¿Juda ba man aiska pali lulki swiram sa ki? ¿Saion tawanka ba dukiara man tayat pali takram ki? ¿Dîa kan yang nani sip kli rawaia apia kat ai insauhkram? Yang nani lika yamnikam wankma bîlam kaiki katna, sakuna yang nani maipara diara saura baman takan. Yang nani rawaia aihwaki katna, sakuna sirang tara ai iki ba baman bâra sa.

Jirimaya 23:33

“Jirimaya, naha uplika nani tila wina upla kum kra, prapit kum kra, prîs kum kra mamkabi walbia kaka: ‘¿Dawan ai bîla blikan ba dîa wisa?’, man bui witin nani ra wis: ‘Dawan kasak aisisa man nani ba witin ai mapara wirhika kum sma bara mai swika kauhma wisa.’

Jirimaya 7:1

Dawan ba Jirimaya ra aisi, bara win:

Jirimaya 7:29

¡Jerusalem uplika nani, tâmwa ba klaki lulks! ¡Kiuhsi nani diara pâwras ba ra wih sari taki lawana aiwans! Kan Dawan uplikam nani ra ai kupia baikan sa, witin nani ba tnaya ra laki lulki swisa.

Inanka Nani 5:22

Sakuna aiska pali lulki ai swiram sa; kupiam baiwanka sin tara pali brisma yang nani maipara.

Oseas 9:17

Naha uplika nani na, Gâdki aisi ba walan daukras sa; baha mita Dawanki mita witin nani ba lulki swiaisa, bara ai tasbaya âpu nisan nani tilara ban watauki kabia.

Sakaraya 11:8

Baha wina kati kumi baman bilka ra, sepad yumhpa misbara ai kaiki, kupi sauhki pali kan ba kangbi sakri.

Matiu 5:13

“Man nani sika naha tasbaya sâlka sma. Sakuna sâl ba ai damnika tikbia kaka, ¿nahki kli damni takbia? Baha ba bahki takan sa, lulkaia upla mita ai mina ni taibia baman lika.

Roman 11:1

Bamna nanara, yang makabi walisni: ¿Gâd ai uplika Israel luhpia nani ba ban pali lulkan sa ki? ¡Apia pali! Kan yang pali na sin Israel uplika sna, Ebraham kiamka bara Benjamín taika.