Jirimaya 6:28 - DAWAN BÎLA AISKA

²⁸ Dawan, witin nani sut ba wan mapara babura atia sa; upla dusa kakuhbra nani bara watawikira atia; bras baku, ayan baku sa.

Jirimaya 6:28 ပူးပေါင်းရင်းမြစ်များ

Lawana Nani 14:1

Pûlkira ba lukisa, Gâd âpu: witin nani sut warha takan; witin nani diara saura nani daukan; ¡kumi sin âpu sa yamni ba daukaia!

Lawana Nani 50:20

Man muihkam dahra kwahkisma; ¡muihkam pali ba mapara bîla wirha nani wisma!

Sins Lâka 10:18

Misbara pura praki bri uplika ba kunin aisasara sa; nina sauhkan dahra kwahki ba, sins âpu nani warkka sa.

Aiseya 31:6

Israel luhpia nani, witinka ra kli tawi bal, witin mapara man nani sîa briras pali buram ba.

Jirimaya 18:18

Upla nani ba aisin: “Kaisa yawan wark kum daukaia, Jirimaya ba âpu daukaia yawan pri takaia. Prîs nani ba âpu takras ban kabia witin nani wan smalki kaia, sinskira nani lâ wan smalki ba ban kabia, prapit nani Gâd dahra wan aisi ba aisi ban kabia. Kaisa yawan bui witin ba dahra kwahkaia, bara witin ba ikbia. Upla nani aisi ba kumi ra sin yawan walbiara.”

Jirimaya 20:10

Upla nani pusbi aisi ba walaia sip sna: ‘‘¡Sibrin tara ba tnaya bani ra bâra sa!” Witin nani wisa: “¡Man nani bal, kaisa yawan bui witin dahra kwahkaia!” Yang upliki aihwa nani ba sin bîla kaikisa kunin lâka ra mini tâi baikan kum lulkamna. Witin nani aisisa: “Ban kra swirka kunin munbiara; bara yawan mita pura lui bara yawan pana witin ra munbia.”

Jirimaya 5:23

Man nani sika kupiam karna brisma bara maipara babura sma; ai briras ai swi si mahka waram.

Jirimaya 6:30

Witin nani nina ba mâkan kaia sa “silbar saura pali takan”, Dawan, man bui witin nani ba lulki swiram bamna.

Jirimaya 7:28

Witin nani ra wis: ‘Naha nisanka sika ai Dawanka ai Gâdka bîla wali daukras ba, saura daukan smalki ba sin walan daukras ba. Kasak wapni aisaia aisinka ba witin nani aisinka wina âpu pali aihwa takan.’ ”

Jirimaya 9:3

Piu bani ra kunin aisaia ridi ban sa trisbaya nani pantamangka wina lulki ba baku. Witin nani ai kuntrika ra kunin lâka ba king aimakisa, kasakka lâka ba lika apia; saura dauki ba wina kau saura pali daukisa, bara Dawan ba sin kasak aisisa: “Witin nani ai kaikaia takan daukras.”

Jirimaya 9:4

Wan upliki nani ba sin kasak sa kulkaia apia; wan muihni pali ba ra sin kasak lukaia apia sa, kan ai muihnika nani ba sin pana pana kunin munisa, bara ai uplika nani ba sin ai uplika ninara saura aisisa.

Isikiel 2:7

Man, yang bîli nani na aisas, ban kra bîlam walbia apia kaka walras kabia, kan uya mapara babura sa.

Isikiel 24:13

‘Jerusalem, yang brinki kan tâski ba wina pri lâka brima, kuna man klin takras kapram. Man klin takma, yang kupi sauhkanka puramra blikamna ba kat lika.

Libait Lâka 14:43

“Sakuna watla ba kli bulni takbia sa kaka, walpa raya mangki watla ba wisbi sakan ba ningkara,

Libait Lâka 19:16

“Upla nina aisi taukpara. “Man uplikam ikaia lâka dauki ba tilara dimpara. Yang sika Dawan.

Param Marikanka 11:18

Nisan nani ba kupia baiwisa, sakuna man lawankam yua ba balan sa, pruan nani lâka daukaia piua ba sin, bara dukiam dadaukra nani man damhra aisi kan ba ra ai prisantka ba yama, holikira nani ra, bara ninam kulki nani ra sin, tara nani, apia kaka, sirpi nani kabia sin. Naha tasba sauhki uplika nani ra, sauhki tikaia katma piua ba balan sa.”

Param Marikanka 19:2

Kan witin lâ dauki ba wapni bara kasakka lâka kat sa; rug mairin tara kata ba pât ra lakan sa, ai rugka lâka dauki tasba sauhki kata ba; Gâd bui witin ra pana munan sa, ai dukia dadaukra nani ra ikan bamna.”